'ပွဲစားကြီးများဟိုတယ်'ရှေ့မှာ
ဆင်းရဲသားရပ်ကွက်တစ်ခုမှာ ရှိသော အိမ်ခြေစုစုပေါင်း တန်ဖိုးထက် အဆပေါင်းများစွာ သာလိမ့်မည်။
တခြားမကြည့်နဲ့။ မွေးနေ့ရှင် နစ်ကိုးကစ်မင်း စီးလာသော မာစီဒီးအက်စ်လယ်-၅၀၀ ရဲ့တန်ဖိုးကပဲ
အိမ်အလုံးတစ်ရာစာလောက်ရှိတာကိုး
တွမ်ခရုစီးလာတဲ့ကားကတော့ လေဇူး-၄၃၀။ သူတို့ဇနီးမောင်နှံကားတစ်စီးစီ
စိတ်ဝင်စားစရာကောင်းနေပြီ။ ဒီလိုဖြစ်အောင် တမင်ထွင်လိုက်တာလည်း ဖြစ်နိုင်သည်။
ဘရက်ပစ်က ဘီအမ်ဒဗလျူ-၇ စီးရီး။ နစ်ကလပ်ကေ့ခ်ျက လင်ခရူဇာ။ အင်ဂျလီနာဂျိုလီက
ကက်ဒီလက်၊ ဟိုဘက်မှာတော့ မင်းသားကြီး ကလင့်အိစ်ဝုဒ်ရဲ့ ရိုးစ်ရွိုက်ကားကြီးက
ခန့်ခန့်ညားညားရပ်လို့။ ဒီနေ့ညနေမှာတော့ ဟိုတယ်ရှေ့က ယာဉ်ရပ်နားရန်နေရာသည်
မော်တော်ယာဉ်ရောင်းဝယ်ရေးစခန်း
ဟိုတယ်၏ မြေညီထပ်ရှိ အထူးသီးသန့်ဆောင်ရှိ 'ပွဲကတော်ခန်းမ'မှာ မွေးနေ့ပွဲ ကျင်းပဖို့
ပြင်ဆင်ထားသည်။ အခန်းက လူလေးရာလောက်ဆံ့သော်လည်း လက်ရွေးစင်လူနှစ်ရာကိုသာ
ဖိတ်ကြားထားသည်။ ခန်းမထဲမှာ မီးဆိုင်းတွေ၊ ရောင်ပြေးတွေ၊ မီးပဒေသာတွေ၊ ရွှေငွေ
ပန်းစက္ကူတွေ၊ ပူဖောင်းတွေဆင်ယင်ထားခြင်းမရှိ။ ဒါတွေက ရိုးနေပြီ။ ထို့ကြောင့်
ရှင်းရှင်းလင်းလင်းပင် ပြင်ဆင်ထားသည်။ သို့ရာတွင် သေသေချာချာကြည့်လျှင်
ထူးခြားမှုကို တွေ့နိုင်သည်။
ခန်းမထဲမှာ မီးလုံးမီးချောင်း၊ ဆလိုက်မီးစသည်တို့တစ်ခုမှမရှိပါ
လင်းနေခြင်းပင်ဖြစ်၏။ ပြီးတော့ နံရံမှာသုတ်ထားသော ဆေးရောင်များသည် ဆယ့်ငါးမိနစ်
တစ်ခါပြောင်းသွားတတ်သည်။ အပြာနု၊ မီးခိုးနု၊ အစိမ်းနု၊ အဝါနု စသည်ဖြင့်..။
ခုလိုဖြစ်အောင် အထူးသုတ်ဆေးတစ်မျိုးကို နိုင်ငံခြားက တကူးတကန့်မှာယူပြီး
အသုံးပြုထားရခြင်းဖြစ်၏။ ဒီပွဲအတွက်ကို တမင်အချိန်ကိုက် ပြုလုပ်ခဲ့ခြင်းလည်းဖြစ်၏။
ကုန်ကျစရိတ်ကို နစ်ကိုးကစ်မင်းက ကျခံပေးခဲ့သည်။
စင်မြင့်ပေါ်မှာတော့ လောလောဆယ် နာမည်အကျော်ကြားဆုံးဖြစ်နေသော 'အယ်လ်ကာလီ
တီးဝိုင်းအဖွဲ့'က ဧည့်ခံဖျော်ဖြေနေသည်။ စင်မြင့်၏နောက်ဘက် အပေါ်နားတွင် နံရံကပ်
ဒစ်ဂျစ်တယ်မှန်ပြားကြီး ကပ်ထားသည်။ နောက်ဆုံးပေါ် အယ်လ်စီဒီ တီဗီကြီးပင်ဖြစ်၏။
ဖန်ပြားဆိုသော်လည်း အော်ဂဲနစ်ဖိုင်ဘာ ဖန်မျှင်ဖြင့် ရက်လုပ်ထားသည်။ မလိုအပ်သည့်
အချိန်တွင် ကော်ဇောတစ်ချပ်လို လိပ်ပြီး အလွယ်တကူ သယ်ယူနိုင်သည်။ အရွယ်အစားက
ရုပ်ရှင်ပိတ်ကားနီးပါးလောက်ရှိ၏
တီဗီကြီးပေါ်တွင် N.K-21ဆိုသော စာလုံးသည် ဒီဇိုင်းပုံစံမျိုးစုံ၊ အရောင်မျိုးစုံ တစ်မျိုးပြီးတစ်မျိုး
ပြောင်းနေသည်။ နစ်ကိုးကစ်မင်း၊ နှစ်ဆယ့်တစ်နှစ်ဆိုသော အဓိပ္ပါယ်ပင်ဖြစ်၏။ တချို့ကတော့
ဒီမင်းသမီး အသက်နှစ်ဆယ့်တစ်နှစ်ဆိုတာ မဖြစ်နိုင်၊ အသက်ကို လျှော့ပြောခြင်းဖြစ်ရမည်ဟု
ဆိုကြသည်။ သူနှင့်ငယ်ငယ်က တစ်တန်းတည်း အတူနေခဲ့သော သူငယ်ချင်းတစ်ယောက်မှာ
အခု ဆရာဝန်ကတော်ဖြစ်နေပြီ။ ဒါကိုကြည့်ခြင်းဖြင့် နှစ်ဆယ့်တစ်နှစ်မကနိုင်ဟု
ထောက်ပြသူလည်း ရှိသည်။
ဘာပဲဖြစ်ဖြစ် သူက နှစ်ဆယ့်တစ်နှစ်ပါ ဆိုတော့လည်း နှစ်ဆယ့်တစ်နှစ်ပေါ့။ သူ့ကိုချစ်သော
ပရိသတ်ကတော့ ဆယ့်ရှစ်နှစ်ပါဆိုလည်း ယုံကြမှာပဲဖြစ်၏။ အသက်ကို တွက်စစ်နေရအောင်
သူက ဘောလုံးကန်မှာမှမဟုတ်ဘဲ။
ဖိတ်ကြားထားသော ဧည့်သည်တွေ တဖွဲဖွဲရောက်လာကြသည်။ တစ်ယောက်ဝင်လာတိုင်း
စာနယ်ဇင်းသမားတွေက ဓာတ်ပုံတစ်ဖျတ်ဖျတ်ရိုက်ကြသည်။ ပြီးတော့ ကက်ဆက်ရီကော်ဒါ
အသေးစားလေးတွေထိုးပြီး မေးခွန်းတွေမေးကြသည်။
ရုပ်ရှင်သရုပ်ဆောင်များ (အထူးသဖြင့် မင်းသမီးများ)သည် အကယ်ဒမီပေးပွဲရယ်၊ ခုလို
ပွဲမျိုးရယ်မှာသာ လူစုံအောင် တက်ရောက်ကြသဖြင့် တစ်ယောက်နှင့်တစ်ယောက်
အလှချင်းပြိုင်ဖို့ ကြိုးစားကြသည်။ ဒရူးဘယ်ရီမိုးသည် နတ်သမီးလေးတစ်ပါးလို
ဝတ်ဆင်လာသည်။ အင်္ကျီ၏ကျောဘက်မှာ တစ်ခုနှင့်တစ်ခု ယှက်ထားသလိုဖြစ်နေသော
အတောင်ပံတစ်စုံလိုဖြစ်အောင် ချုပ်ထားသည်။
မက်ဒေါနားသည် အစိမ်းရောင်ဝတ်စုံပေါ်တွင် ရွှေရောင်ပဝါကို လွှမ်းခြုံလာသည်။
သေသေချာချာကြည့်သောအခါ ရွှေရောင်မျှသာ မဟုတ်။ ရွှေအစစ်ကို နန်းဆွဲပြီး
ရက်လုပ်ထားခြင်းဖြစ်ကြောင်းတွေ့
လက်ဝတ်ရတနာတွေကို သူများထက်မလျော့အောင် ဆင်မြန်းလာကြသည်။
လူကိုယ်ကနေ စိန်တွေ၊ မြတွေ၊ ပတ္တမြားတွေ၊ နီလာတွေ သီးပွင့်နေသလားထင်ရ၏။
ဒီကြားထဲမှာ ဂျူလီယာရောဘတ်က ထူးခြားသည်။ သူကရတနာပစ္စည်း တစ်ခုတည်းသာ
ဆင်မြန်းလာသည်။ တစ်ခုဆိုလည်း ဆိုသလောက်ပါပဲ။ မီးခြစ်ဘူး တစ်ဝက်စာလောက်
ရှိသော နီလာတုံးကြီးကို မသွေးမဖြတ်ဘဲ အရိုင်းတုံးအတိုင်း ဖောက်ပြီး လည်မှာ
ဆွဲလာခဲ့ခြင်းဖြစ်၏။ ဘယ်လောက်တန်ဖိုးရှိမလဲဆိုတာ ကျောက်မျက်
ကျွမ်းကျင်သူတွေတောင် လွယ်လွယ်ခန့်မှန်းနိုင်မှာမဟုတ်
မင်းသားကြီးရော်ဘင်ဝီလျံသည် ပျော်တတ်နောက်တတ်သူဖြစ်၏။ မိတ်ကပ်လည်း
ကျွမ်းကျင်သည်။ အသံတုလည်းလုပ်တတ်သည်။ သူက ခါးကုန်းကြီးတစ်ယောက်လို
လုပ်ပြီးဝင်လာသည်။ သူ့ကို ဟိုတယ်က သန့်ရှင်းရေးအလုပ်သမားကြီးဟု
ထင်မိကြသေးသည်။ သူသည် ဂျူလီယာရောဘတ်နား ကပ်သွားပြီး
လည်မှာဆွဲလာသည့် နီလာအရိုင်းတုံးကြီးကို ကိုင်ကြည့်သည်။
ဂျူလီယာရောဘတ်မှာ ရုတ်တရက်မို့လန့်ပြီး အော်မိ၏။ အားလုံးက ထိတ်ထိတ်ပျာပျာ
ဝိုင်းကြည့်ကြသည်။ သူများတွေ ကြောင်ကြည့်နေတုန်း တွမ်မီလီဂျုံးက ပြေးလာပြီး
သူ့ကုပ်ကို လှမ်းဆွဲလိုက်သည်။ ထိုအခါကုန်းနေသော ခါးသည် ရုတ်တရက်
ဆန့်ထွက်သွားသဖြင့် တွမ်မီလီဂျုံး ကြောင်တောင်တောင်ဖြစ်သွား၏။
ရော်ဘင်ဝီလျံက နှုတ်ခမ်းမွေးအတုကို ဆွဲဖြုတ်ပြီး တဟားဟား
ရယ်လိုက်တော့မှ သူ့ကို မှတ်မိသွားကြပြီး အားလုံးပွဲကျသွားသည်။
စင်ဒီကရော့ဖို့ ဝင်လာသည်။ ကက်ဦးထုပ်ကလေးကို ဆောင်းလာ၏။ အပေါက်ဝမှာ
ရပ်ပြီး ကက်ဦးထုပ်ကို ချွတ်လိုက်သည်။ သူသည် သီလရှင်ဝတ်နေရာမှ မနေ့ကမှ
လူထွက်ခဲ့ခြင်းဖြစ်၏။ ထုိ့ကြောင့် ခေါင်းတုံးနှင့်ဖြစ်၏။ ဦးပြည်းစိမ်းစိမ်းနဲ့မှ
ပိုတောင်လှနေသေးသည်။ စာနယ်ဇင်းသမားတွေ သူ့ဆီ ဝိုင်းအုံသွားပြန်သည်။
ရိုးရိုးကုပ်ကုပ်နေတတ်သော အကယ်ဒမီနှစ်ဆုရှင် တွမ်ဟင့်သည် နောက်နားက
ချောင်ကျသော စားပွဲတစ်လုံးမှာထိုင်နေသည်။ သူ့ကိုယ်သူ ပွဲကြည့်ပရိသတ်
တစ်ယောက်လို သဘောထားပြီး သူများတွေပျော်ပါးမြူးထူးနေတာကိ
ခဏကြာတော့ ရစ်ချတ်ဂီယာရောက်လာပြီး ဝင်ထိုင်သည်။
"ဘယ်လိုလဲ တွမ်၊ ပျင်းနေပြီလားကွ"
ရစ်ချတ်ဂီယာက မေးသည်။ တွမ်ဟင့်က...
"အေးကွာ၊ ငါတို့ရုပ်ရှင်သမားတွေက အမြဲတမ်းလူတွေအများကြီးနဲ့ ရုတ်ရုတ်သဲသဲ
နေကြရတာဆိုတော့ ဒါမျိုးပွဲတွေကို ငြီးငွေ့နေပြီကွာ၊ နားအေးပါးအေးပဲ နေချင်တယ်"
"ဒါကြောင့်မင်းကိုငါပြောတာပေါ့၊ မင်းနဲ့ငါနဲ့ အတူတူပဉ္ဇင်းတက်ကြရအောင်ပါလို့"
"အဲဒီအခါကျတော့လည်း စူပါမင်းသားနှစ်ယောက် တစ်ပြိုင်တည်းပဉ္ဇင်းတက်တာ
သတင်းထူးပဲဆိုပြီး စာနယ်ဇင်းသမားတွေက လိုက်လာကြဦးမှာပဲ၊ မင်းသမီးတွေကလည်း
သိမ်ထွက်မှာ စောင့်လောင်းကြဦးမယ်၊ ဘုန်းကြီးဝတ်ကြီးနဲ့ အင်တာဗျူးအလုပ်ခံရရင်လည်း
ဒုက္ခ၊ မလွယ်ပါဘူးကွာ၊ မင်းသားလုပ်ရတာ လွတ်လပ်ခွင့်တွေ သိပ်ဆုံးရှုံးတာပဲ"
"ဒါတော့ မတတ်နိုင်ဘူးလေကွာ၊ ကျော်ကြားမှုကိုလိုချင်ရင် လွတ်လပ်ခွင့်ကို အဆုံးရှုံးခံရမှာပဲ"
"ငါက ထင်ပေါ်ကျော်ကြားတာကို လိုချင်တာမဟုတ်ဘူး၊ အနုပညာရှင်အဖြစ်ကိုပဲ လိုချင်တာ"
ရစ်ချတ်ဂီယာက သဲ့သဲ့ရယ်လိုက်ပြီး...
"မင်းပြောပုံက အရက်ပဲ သောက်ချင်တာ မူးချင်တာမဟုတ်ဘူး ဆိုတာမျိုးဖြစ်နေပြီ၊ အေးလေ...
ပြောသာပြောရတယ်၊ ငါလည်း တစ်ခါတစ်ခါတော့ ဒီဘဝကိုငြီးငွေ့လာတယ်၊ ငါတို့မင်းသား
မင်းသမီးတွေဟာ ဟန်ဆောင်ပန်ဆောင် အိုက်တင်တွေ လုပ်ရဖန်များလို့ တကယ့်
လက်တွေ့ဘဝမှာတောင် အဲဒီအကျင့်ကြီးတွေ ပါလာကြသလားမသိဘူး။ တစ်ခါတစ်လေ
တကယ်ဖြစ်နေတာလား၊ သရုပ်ဆောင်နေတာလားဆိုတာ ကိုယ့်ဟာကိုယ်တောင်
ခွဲခြားမရချင်ဘူး"
"ဟေ့ကောင်၊ နစ်ကိုးကို နှုတ်ဆက်ပြီးရင် ငါတို့နှစ်ယောက် စောစောစီးစီး အသာလျှိုပြီး
ပြန်လစ်ရအောင်ကွာ"
"ဘာလုပ်မလို့လဲ"
"အင်းလျားကန်ဘောင်ပေါ်မှာ လွတ်လွတ်လပ်လပ် သွားထိုင်ရင်းစကားပြောကြရအောင်
"ကောင်းသားပဲ၊ အမယ်၊ ဘာလဲ ဟေ့ကောင်၊ ဟိုရောက်ရင် အင်းလျားကန်ကြီးကိုငေးကြည့်ပြီး
ပွင့်ဦးသီချင်းဆိုဦးမှာမဟုတ်
"အေးကွ၊ တက္ကသိုလ်အလွမ်းပြေဆိုပါတော့ကွာ"
"မာလာဆောင်က ကောင်မလေးကို မင်းခုထိမမေ့နိုင်သေးဘူးလား"
"ငယ်ချစ်ကိုးကွ"
"အနုပညာသမားဆိုရင် ဘဝအာမခံချက်ရှိမှာမဟုတ်ဘူး ဆိုပြီး သူကမင်းကို ခါထုတ်ပစ်ခဲ့တာ၊
ခုမှနောင်တရချင်ရနေမှာပဲနော်"
တွမ်ဟင့်က ဘာမှပြန်မပြောဘဲ ပြုံးနေသည်။ မျက်လုံးတွေထဲမှာတော့ ဆွေးရိပ်သန်းနေ၏။
ထိုစဉ်တွင် ပရိသတ်တွေ လှုပ်လှုပ်ရွရွဖြစ်သွားသောကြောင့် လှမ်းကြည့်မိကြသည်။ မာရယ်စထရိ
ဝင်လာခြင်းကြောင့်ဖြစ်၏။ သူသည် အဖြူရောင်ဝတ်စုံကိုသာ ရိုးရိုးလေး ဝတ်ထားသည်။ မျက်နှာကို
ဘာမှခြယ်သထားခြင်းမရှိ။ လက်ဝတ်ရတနာလည်း လုံးဝဝတ်စားခြင်းမရှိ။ နားကပ်ကလေးတောင်
ပန်မလာခဲ့။ ဒါကိုက ထူးခြားမှု။ မာရယ်စထရိတစ်ယောက်လုံးဖြစ်နေမှေ
ဆိုသောသဘောဟု ဆိုကောင်းဆိုနိုင်သည်။ ဟုတ်လည်းဟုတ်သည်။
သူ့မျက်နှာသည် မင်းသမီးတစ်ယောက်အနေနှင့်ဆိုလျှ
ကိုယ်လုံးကိုယ်ပေါက်ကလည်း စွဲမက်စရာမရှိ။ ရှည်ရှည်ကိုင်းကိုင်း၊ မိန်းမမဆန်လှ။
သို့ရာတွင် သရုပ်ဆောင်ပညာမှာတော့ သူမတူအောင် ထူးချွန်သည်။ ထိပ်တန်း
မင်းသားတွေတောင် သူနဲ့တွဲပြီး ရိုက်ရတဲ့အခါ အတော်ကြိုးစားကြရသည်။
စာနယ်ဇင်းသမားတစ်ယောက်က သူ့ကိုမေးသည်။
"မင်းသမီး ဘာကားထပ်ရိုက်ဖို့ အစီအစဉ်ရှိသေးလဲ"
"ကျွန်မနဲ့ရိုက်ဖို့ကမ်းလှမ်းထာ
စိတ်တိုင်းကျတယ်၊ ဒီနှစ်တော့ ဒီတစ်ကားပဲ ရိုက်ဖြစ်တော့မယ်ထင်တယ်"
"ဘယ်မင်းသားနဲ့တွဲရမှာလဲ"
"ဒပ်စတင်ဟော့ဖ်မင်းနဲ့လေ"
"ဒပ်စတင်နဲ့ရိုက်ရမှာမို့ ဒီကားကို လက်ခံလိုက်တာလို့ကော ဆိုနိုင်သလား"
"သိပ်သေချာတာပေါ့၊ ဒပ်စတင်နဲ့ အလုပ်တွဲလုပ်ရတာ အဆင်ပြေတယ်၊ သူက
နားလည်မှုလည်းရှိတယ်၊ တစ်ယောက်နဲ့တစ်ယောက် မလျှော့တမ်း ပြိုင်ပြီး
သရုပ်ဆောင်ရတာ သိပ်ပျော်စရာကောင်းတယ်"
မာရယ်စထရိက ဒီအတိုင်းပဲ။ ဇာတ်ကားတွေ များများ လက်ခံလေ့မရှိ။ တစ်နှစ်လုံးမှ တစ်ကား
နှစ်ကားသာ ရိုက်လေ့ရှိ၏။ ရိုက်တဲ့ကားတိုင်းလည်း အကယ်ဒမီ ဆန်ခါတင် အဆင့်ဝင်သည်။
တကယ်ရခဲ့တာတော့ နှစ်ဆုရှိပြီ။
ခုချိန်မှာ စာနယ်ဇင်းဆရာတွေ စိတ်အဝင်စားဆုံး ပုဂ္ဂိုလ်ကတော့ တွမ်ခရုစ်ပင်ဖြစ်၏။ သူနှင့်
မွေးနေ့ရှင် နစ်ကိုးကစ်မင်းတုိ့၏ အိမ်ထောင်ရေးမှာ အဆင်မပြေ။ အက်သံကွဲသံ ထွက်နေသည်ဟု
သတင်းပြေးနေသည်။
ဒီပွဲမှာ တွမ်ခရုစ်က မွေးနေ့ရှင် သူ့ဇနီး ပွဲမထွက်လာခင် ဧည့်သည်တွေကို ဧည့်ခံပေးနေသည်။
သူတို့နှစ်ယောက်မှာ မင်းသား မင်းသမီးတွေပီပီ လူရှေ့သူရှေ့မှာတော့ ပိပိရိရိ ဟန်ဆောင်နိုင်
ကြသည်။ ဘာမှ ပြဿနာမရှိသည့်ပုံမျိုး။ အိမ်မှာဆိုလျှင်တော့ စကားတောင် ဟက်ဟက်ပက်ပက်
မပြောကြတော့။ တွမ်ခရုကလည်း သူ့စာဖတ်ခန်းထဲမှာ ခွဲအိပ်နေတာ နှစ်လသုံးလလောက်ရှိပြီ။
ငွေရေးကြေးရေးနှင့် ပိုင်ဆိုင်မှုတွေ ခွဲဝေဖို့ သဘောတူညီမှုမရသေးလို့သာ တရားဝင်
မဖြစ်သေးတာ၊ လမ်းခွဲဖို့က သေချာနေပြီဟု ဆိုသည်။
ထိုသတင်းမှာ သူတို့အိမ်က မာလီကိုယ်တိုင်က ပြောခဲ့ခြင်းဖြစ်၏။ ဒီိလိုကိစ္စမျိုးအတွက် စပယ်ရှယ်လစ်
ဖြစ်သော သတင်းဆောင်းပါးရှင်တစ်ဦးက အရက်ကြိုက်တတ်သော မာလီကို
မူးအောင်တိုက်ပြီး အစ်အောက်မေးရာမှသိခဲ့ရခြင်းဖြစ်
ထို့ကြောင့် ဒီနေ့အဖို့ အဆိုပါသတင်း အကြောင်း ရနိုင်သလောက်နှိုက်ထုတ်ဖို့ စိတ်အား
ထက်သန်နေကြသည်။ တွမ်ခရုစ်နားမှာ စာနယ်ဇင်းဆရာတွေ ဝိုင်းပြီးဗျူးကြသည်။ အစပိုင်းတွင်
ဘာကားရိုက်နေသလဲ ဘာညာမေးရိုးမေးစဉ် မေးရာမှ တဖြည်းဖြည်း ကျုံးသွင်းဖို့ ကြိုးစားကြ၏။
တစ်ယောက်က...
"ဒါနဲ့ မင်းသားနဲ့ နစ်ကိုးတို့ဇနီးမောင်နှံ နှစ်ယောက်တွဲပြီး ရိုက်ဖို့အစီအစဉ်ရှိသေးလာ သိပါရစေ"
တွမ်ခရုစ်က...
"လင်မယားဆိုတာ အပြင်မှာသာ တွဲချင်တိုင်း တွဲလို့ရတာဗျ၊ ရုပ်ရှင်ထဲမှာ တွဲဖို့ကျတော့
ထုတ်လုပ်သူတွေက လာငှားမှဖြစ်တာကိုး"
ဟု လိမ်လိမ်မာမာ ရှောင်ပြီးဖြေသည်။ နောက်တစ်ယောက်က တစ်ဆင့်တက်လာပြန်သည်။
"မင်းသားက စာဖတ်တော်တော်ဝါသနာပါတယ်နော်"
"ဘာဖြစ်လို့လဲ"
"ဩော်...ခုတလော အိမ်မှာနေရင် စာဖတ်ခန်းထဲမှာပဲ အချိန်ကုန်တတ်တယ်လို့ သတင်းကြားရလို့ပါ"
"စာအုပ်ဆိုတာ အကောင်းဆုံးမိတ်ဆွေပဲလို့ ပညာရှိတွေ ပြောကြတယ်မဟုတ်လားဗျာ"
စိတ်မရှည်နိုင်သော လူငယ်စာနယ်ဇင်းသမားတစ်ဦးက အတင့်ရဲသော မေးခွန်းတစ်ခုကို
မေးလိုက်သည်။
"မင်းသားအနေနဲ့ မကြာခင်မှာ လူပျိုဘဝကို တစ်ကျော့ပြန်သွားလိမ့်မယ်လို့ ထင်ကြေး
ပေးနေကြတာကို ဘာများမှတ်ချက်ပေးလိုပါသလဲ"
တွမ်ခရုစ်က ရယ်လိုက်ပြီး....
"ဒီကိစ္စကို ကျွန်တော်ကိုယ်တိုင်တောင် မသိသေးဘဲနဲ့ ဆရာက ကြိုသိသလိုဖြစ်နေပါလား၊
ဧကန္တတော့ ဆရာက ဂမ္ဘီရပညာမှာ တော်တော်ပေါက်မြောက်နေပြီထင်တယ်
ဘာလေး ချေလို့ရမယ်ဆိုရင်လည်း ညွှန်ကြားပေးပါဦးခင်ဗျာ...ဟဲ ဟဲ"
အရိပ်အမြွက်လောက်တော့ ပွင့်အန်ထွက်လာပြီဟု ယူဆကြသည်။ မင်းသားကလည်း
နောက်သလိုပြောင်သလိုလုပ်ရင်း ဝန်ခံတော့မလိုလို ငြင်းလိုက်တော့မလိုလို ဝေ့လည်လည်
ရှောင်ထွက်ဖို့ ကြိုးစားနေသည်။ ဝါရင့်ဆရာတစ်ယောက်က မေးခွန်းတစ်ခုကို ဖြတ်မေးလိုက်သည်။
"ဒါနဲ့ မင်းသားကဘာအတွက် ယတြာချေချင်တာလဲ"
တွမ်ခရုစ် မျက်ခုံးပင့်လိုက်သည်။ တစ်ချက်တွေ သွားပြီး တစ်စုံတစ်ခု ပြောမည်အပြု...
"ကြွရောက်လာကြတဲ့ အနုပညာရှင်မိတ်ဆွေများခင်ဗျား..
အခမ်းအနားမှူးအဖြစ် ဆောင်ရွက်ပေးသော ရပ်ဆဲခရိုး၏ အသံထွက်ပေါ်လာသည်။ ပရိသတ်အားလုံး
စင်မြင့်ဆီသို့ အာရုံရောက်သွားကြ၏။ တွမ်ခရုစ်လည်း မသိမသာသက်ပြင်းချ၏။ 'အခမ်းအနား
စတော့မယ်၊ ခွင့်ပြုပါဦး' ဟုပြောပြီး စင်မြင့်ဆီလျှောက်သွားသည်။
"ခုချိန်ကစပြီး နစ်ကိုးကစ်မင်းရဲ့ နှစ်ဆယ့်တစ်နှစ်မြောက်မွေးနေ့
ကြေညာအပ်ပါတယ်ခင်ဗျား"
လက်ခုပ်သံတွေ ထွက်ပေါ်လာသည်။ ထို့နောက် မီးရောင်တွေမှိန်သွားသည်။ အကယ်ဒမီပေးပွဲမှာလို
ဆလိုက်မီးတွေက ဟိုဒီလျှောက်ထိုးရင်းရှာဖွေေ
ပေါ်လာမလဲဟု စိတ်ဝင်စားစွာ ကြည့်ရှုနေကြသည်။
ဆလိုက်မီးမောင်းသည် စင်မြင့်နောက်နားရှိ ထွက်ပေါက်ဆီသို့ထိုးလိုက်သည်။ အပေါက်ဝမှာ
လူတစ်ယောက်ပေါ်လာသည်။ နစ်ကိုးကစ်မင်းမဟုတ်။ နစ်ကိုး၏ ပုံတူမျက်နှာဖုံးကို စွပ်ထားသော
လူတစ်ယောက်သာဖြစ်သည်။ ထိုသူက မျက်နှာဖုံးကို ဆွဲချွတ်လိုက်ရာ ဟာသမင်းသား
ဂျင်ကာရေးဖြစ်နေကြောင်းတွေ့ရသည်
ပရိသတ်ကြီး ပွဲကျသွား၏။ ဂျင်ကာရေးက ပြောင်စပ်စပ်လုပ်ပြလိုက်ပြီးမှ အပေါ်ကို
လက်ညှိုးထိုးပြသည်။ ဆလိုက်မီးသည် အပေါ်ကိုဖျတ်ခနဲရွှေ့လျားသွားသည်
မျက်နှာကြက်တစ်နေရာမှ အံဖုံးတစ်ခုပွင့်လာ၏။ အထဲက နစ်ကိုးကစ်မင်းထွက်ပေါ်လာသည်။
သူသည် လက်နှစ်ဖက်ကိုဆန့်တန်းထားပြီး ငှက်တစ်ကောင်လိုလေထဲမှာ ဝေ့ဝိုက်လှည့်ပတ်
ပျံဝဲနေသည်။ ရုပ်ရှင်တွေထဲမှာ လုပ်သလို စက်သီးကြိုးနှင့် ဆွဲထားခြင်းမဟုတ်။ တကယ်ကို
လွတ်လွတ်လပ်လပ်ပျံဝဲနေခြင်းဖြစ်
ပရိသတ်ကြီးမှာ ရင်သပ်ရှုမော အံ့ဩငေးမောနေကြသည်။
သူသည် ပဝါရှည်ကြီးကို တလွင့်လွင့်ဖြစ်အောင် ပျံဝဲပြနေလိုက်တာ ဇာမဏီငှက်တစ်ကောင်လား
ထင်ရ၏။ အတန်ကြာအောင် ပျံဝဲပြီးမှ စင်မြင့်ပေါ်သို့ ဖြည်းညင်းစွာဆင်းသက်လာသည်။ ပရိသတ်ကြီး၏
လက်ခုပ်ဩဘာသံမှာ ခန်းမတစ်ခုလုံးဟိန်းထွက်သွားသည်
ခုလိုလေထဲမှာ ပျံဝဲနိုင်အောင် ပဉ္စလက်အတတ်ပညာဖြင့် စီစဉ်ပေးခဲ့သော မျက်လှည့်ဝိဇ္ဇာ
ဒေးဗစ်ကော်ပါဖီးကတော့ မှောင်ရိပ်ကျသော တစ်နေရာမှ ပြုံးပြုံးကြီး စောင့်ကြည့်နေလေသည်။
* * * * *
ချက်ကော့သည် စာရေးဆရာမဖြစ်ခင်က ဆေးတက္ကသိုလ်ကျောင်းသားဖြစ်၏။ သူ့မိဘတွေက
နယ်မြို့တစ်မြို့မှာနေသည်။ ချမ်းချမ်းသာသာထဲကတော့မဟုတ်။ ချက်ကော့၏ ကျောင်းစရိတ်
အတွက် အတော်ကြိုးစားထောက်ပံ့နေရသည်။
ချက်ကော့က လွတ်လွတ်လပ်လပ်နေချင်သောကြောင့် ကျောင်းကအဆောင်မှာမနေဘဲ အပြင်ဆောင်မှာ
ငှားနေသည်။ ဒီမှာတွင်ပဲ သူ့ဘဝအချိုးအကွေ့ စတင်ပေါ်ပေါက်လာရခြင်းဖြစ်လေ၏။
သူငှားနေသော အဆောင်ပိုင်ရှင်သမီး အင်နာက တော်တော်လှသည်။ ထို့ကြောင့် ချက်ကော့က
စိတ်ဝင်စားမိသည်။ အင်နာကလည်း ဆေးကျောင်းသားဖြစ်သော ချက်ကော့ကို အထင်ကြီးသည်။
ထို့ကြောင့် သူတို့နှစ်ယောက်ချစ်သူများဖြစ်
အင်နာတို့အဖေသိသွားသောအခါ သဘောမတူဘူးဆို၏။ အမှန်မှာ တကယ်သဘောမတူခြင်းတော့
မဟုတ်။ ဆေးကျောင်းသားတစ်ယောက်ကို သမက်ဖမ်းသည်ဟု အထင်ခံရမှာစိုးသောကြောင့်
သိက္ခာအရပြောခြင်းသာဖြစ်၏။
ဒါကိုချက်ကော့တို့က တကယ်ထင်မှတ်ပြီး ခိုးပြေးကြသည်။ ချက်ကော့တို့ အဖေကြီးသည် သားကို
ဆရာဝန်ဖြစ်စေချင်လွန်းသဖြင့် ခြစ်ခြုတ်ကုတ်ကပ်စုဆောင်းပြီး စရိတ်ထောက်ပံ့ခဲ့ရသည်။ ခုတော့ ဒင်းက
မိန်းမယူရကောင်းလားဟု ဒေါသဖြစ်ရာမှ နှလုံးထိခိုက်ပြီး ကွယ်လွန်ခဲ့ရသည်။ သူ့အမေကလည်း ဒင်းကြောင့်
ဖြစ်ရတယ်ဆိုပြီး အဆက်ဖြတ်ထားလိုက်သည်။
အင်နာတို့မိဘတွေကတော့ ပြန်ခေါ်ပြီး ကျောင်းဆက်ထားသည်။ သမီးဆရာဝန်ကတော်ဖြစ်ရေးကိုငြဲ့
သူတို့ဘက်က လျှော့ပေးလိုက်ရခြင်းဖြစ်၏။
တကယ်တော့ချက်ကော့သည် စာတော်လို့သာ ဆေးကျောင်းတက်နေရသော်လည်း ဆရာဝန်အလုပ်ကို
ဝါသနာပါသူမဟုတ်။ စာရေးဆရာဖြစ်ချင်သူ။ ထို့ကြောင့် စာပေသမားများရှိရာ မဂ္ဂဇင်းဂျာနယ်တိုက်များနှင့်
သုံးဆယ့်သုံးလမ်းတစ်ဝိုက်မှာ ကျင်လည်ကျက်စားခဲ့သည်။ ဒီမှာတွင်ပဲ စာရေးဆရာပေါက်စဖြစ်သော
ဂေါ်ကီနှင့် အသိအကျွမ်းဖြစ်ရသည်။ ဂေါ်ကီ၏အားပေးကူညီမှုဖြင့် စာပေနယ်ထဲ ဝင်ဆံ့ပြီး
စာရေးဆရာဖြစ်လာ၏။ တစ်ဖက်မှာလည်း ကျောင်းပျက်ရက်တွေများပြီး စာမေးပွဲတဖုတ်ဖုတ်ကျသည်။
နောက်ဆုံးကျောင်းထွက်လိုက်ရသည်။ အင်နာတို့မိဘတွေကလည်း ဒီလောက်တော့ သဘောထား
မကြီးနိုင်တော့။ ထို့ကြောင့် သီးခြားအိမ်ငှားပြီး ကိုယ့်အားကိုယ်ကိုးကြပေတော့ဟု ဆိုလာသည်။
အင်နာသည် အတော်မကျေမနပ်ဖြစ်ရသည်။ သူသည်ချက်ကော့ကို အထင်ကြီးပြီးချစ်ခဲ့မိခြင်းဖြစ်
တစ်နေ့တွင် ချက်ကော့က ဆရာဝန်ဖြစ်၊ သူကဆရာဝန်ကတော်ဖြစ်ပြီး သာယာအေးချမ်းသော
ဘဝဖြင့်မတောင့်မတ မကြောင့်မကြနေနိုင်လိမ့်မည်ဟု စိတ်ကူးယဉ်ခဲ့မိ၏။ခုတော့ ဆရာဝန်ကတော်
မဖြစ်ဘဲ စာရေးဆရာကတော်ဖြစ်နေရပြီ။ ချက်ကော့က စာရေးဆရာဆိုသော်လည်း လုံးချင်းဝတ္ထု
ရေးသူမဟုတ်။ ထို့ကြောင့် စာမူခလုံးခနဲ ခဲခနဲမရ။ သူက ဝတ္ထုတိုရေးသူသာဖြစ်သည်။ အလွန်ဆုံး
မဂ္ဂဇင်း ဝတ္ထုရှည်လောက်သာရေးဖြစ်သည်။ သူ့ဝတ္ထုတွေကလည်း စာပေဝေဖန်ရေးဆရာများနှင့်
စာဖတ်သက်ရင့်သူများသာ ကြိုက်နှစ်သက်သော ဘဝဆန်သည့် စာများဖြစ်သည်။
ထို့ကြောင့် ဝင်ငွေသိပ်မကောင်း။ ကလေးတွေလည်းရှိလာသဖြင့် ချက်ကော့၏ စာမူခမှာ
စားဝတ်နေရေးအတွက် လောက်ငအောင်ဖြည့်ဆည်းပေးနိုင်ြ
ဈေးရောင်းပြီး အိမ်စရိတ်ရှာရလေတော့သည်။ သူ၏စိတ်ကူးယဉ်အိပ်မက်ကလေးမှာလည်
ကြေမွပျက်စီးခဲ့ရသည်။ သူမျှော်မှန်းခဲ့သော ဆရာဝန်ကတော်ဘဝနှင့် ယခုလက်ရှိဖြစ်နေသော
ဘဝမှာ လုံးဝတစ်ခြားစီဖြစ်၏။
ခုလိုဖြစ်ရတာ ဂေါ်ကီကြောင့်ဟု အင်နာယူဆသည်။ သူ့ယောက်ျားသည် ဂေါ်ကီနှင့် ပေါင်းမိလို့သာ
စာပေဘက် အားသန်သွားရခြင်းဖြစ်သည်။ ဂေါ်ကီမြှောက်ပေးလို့ဖြစ်ရတာဆြို
ထုိ့ကြောင့် ဂေါ်ကီအိမ်ကိုလာလျှင် ဆူဆောင့်ပြီး ရန်လုပ်တတ်သည်။ ဂေါ်ကီကလည်း ဂရုမစိုက်။
"ဒီမှာ ခင်ဗျားယောက်ျား စာရေးဆရာဖြစ်တာကို ဂုဏ်ယူစမ်းပါ။ ခင်ဗျားစဉ်းစားကြည့်၊
ရပ်ကွက်တစ်ခုမှာ ဆေးခန်းတစ်ခု ဆရာဝန်တစ်ယောက်တော့ အနည်းဆုံးရှိကြတာပဲ၊ ဒါပေမယ့်
ရပ်ကွက်တစ်ခုမှာ စာရေးဆရာတစ်ယောက်ရှိဖို့တော့ ခဲယဉ်းတယ်၊ ကဲ...မဟုတ်ဘူးလား၊
ကျုပ်ကိုတောင် ကျေးဇူးတင်သင့်တယ်"
ဟုဆိုတတ်သည်။
"ဩော်...ဟုတ်လား ကျေးဇူးရှင်ကြီးရယ်၊ ရှင့်လိုပြောကြေးဆိုရင် ကျုပ်တို့ရပ်ကွက်မှာ အိမ်သာတွင်း
တူးတဲ့သူ တစ်ယောက်မှမရှိလို့ အကြောင်းပေါ်လာရင် ဟိုကွင်းစပ်ထိ သွားခေါ်ရတယ်၊ ဒါတောင်
မအားသေးဘူးလုပ်နေလို့ အရက်တိုက်ပါမယ်ဆိုပြီးပင့်ရတယ်
တန်ဖိုးမရှိဘူးလား ရှားပါးသတ္တဝါကြီးရဲ့"ဟုအင်နာက ပြန်ပက်တတ်သည်။
ဒီအခါမျိုးမှာ ဂေါ်ကီကစိတ်မဆိုးတဲ့အပြင် အဲဒီအိမ်သာတွင်းတူးတဲ့သူတွေနဲ့ တွေ့ချင်တယ်ဆိုပြီး
ချက်ကော့ကို လိုက်ပို့ခိုင်းသည်။ ဟိုလူက အလုပ်သွားနေတယ်ဆိုတော့ မရရအောင် လိုက်ရှာသည်။
ပြီးတော့ အိမ်သာတွင်းတူးရာမှာ ဝင်ကူလုပ်ပေးသည်။ ညနေကျတော့ အရက်ဆိုင်ခေါ်သွားပြီး
အိမ်သာတွင်းတူးဘဝသမားအကြောင်းေ
ဝတ္ထုကောင်းတစ်ပုဒ်ရေးဖြစ်သွားေ
တစ်ခုရှိတာက ဂေါ်ကီသည် ချက်ကော့တို့အိမ်လာလည်လျှင် ဘီအီးတစ်လုံးနှင့် အမြည်းများ
ဝယ်လာတတ်သည်။ အင်နာနှင့်ကလေးတွေအတွက်လည်း ခေါက်ဆွဲကြော်တို့ ဝက်ခေါင်းသုပ်တို့
ဝယ်လာတတ်သည်။ တော်စတွိုင်းကိုပါ ခေါ်ပြီး သုံးယောက်သား သောက်ကြသည်။ ဂေါ်ကီမူးလာပြီဆို
'တောသားကြီး'သီချင်းကို အသံဩဩကြီးနှင့်ဆိုတတ်သည်။ ထို့ကြောင့် ဂေါ်ကီလာလျှင် ကလေးတွေက
ပျော်ကြသည်။
"တဲထလက်ကယ်နဲ့.... ဘဲကြက်သံနာခံပါလို့.... ကြီးရော့သလား.... ကိုင်းခုတ်ရာတွင်... ထာဝစဉ်
နေဝင်နေထွက်... အလုအယက် သူ့ထက်ငါလျှင်... လုပ်ငန်းတွင်အောင်..."ဟု ဂေါ်ကီက ဆွဲဆွဲငင်ငင်
ဆိုလိုက်သောအခါ တော်စတွိုင်းသည် ရွာကို ခဏပြန်ပို့ထားရသော ချစ်ဇနီးဆိုညာနှင့် သားသမီးတွေကို
ဖျတ်ခနဲ သတိရလွမ်းဆွတ်မိတတ်လေသည်။
တကယ်တော့ ချက်ကော့နှင့်စာလျှင် သူ့အိမ်ထောင်ရေးက ပို၍အဆင်ပြေသည်ဟု ဆိုရမည်။
သူ့ဇနီးကတောသူ။ ငယ်ငယ်တုန်းကတော့ ရွာမှာကွမ်းတောင်ကိုင်ပန်းတောင်
တော်စတွိုင်းက သူကြီးသားဖြစ်၏။ သူ့အဖေက လယ်တွေယာတွေလည်း အတော်အသင့်ပိုင်သောကြောင့်
ချောင်ချောင်လည်လည်ရှိသည်။ တော်စတွိုင်းသည် မြို့ကျောင်းမှာလည်း သွားတက်ခွင့်ရခဲ့သည်။
ဒီလိုအရည်အချင်းတွေ ရှိသူဆိုတော့ ရွာမှာ အလှဆုံးဖြစ်သော ဆိုညာနှင့်သာထိုက်တန်သည်ဟု
အားလုံးက ယူဆကြသည်။ လူကြီးချင်းလည်းသဘောတူသည်။ လူငယ်ချင်းကလည်း အပြန်အလှန်
သံယောဇဉ်ရှိသည်။
သူတုိ့နှစ်ယောက်၏လက်ထပ်ပွဲသည် ရွာမှာတော့ အကြီးအကျယ်ဆုံးအဖြစ် ပြောစမှတ်ပြုရသည်။
တစ်ရွာလုံးမီးခိုးတိတ်ပဲ။ ကျွေးတာကလည်း ကြက်သားဟင်း၊ ဝက်သားဘီးကြော့ပတ်တုံးကြီးနှပ်
ငါးရံ့ခြောက်ထောင်းကြော်၊ သရက်သီးသုပ်၊ မယ်ဇလီဟင်းချို၊ ငါးပိကြော်။ ဒါတွင်မက မြို့ပေါ်က
တကူးတကန့်ဝယ်ယူခဲ့သော လိုင်းမကြူးဖျော်ရည်လည်း တိုက်သေးသည်။ အငြိမ့်တွေ ဆိုင်းဝိုင်းတွေ
နဲ့လည်း ဧည့်ခံသေးသည်။
လက်ဖွဲ့ငွေတွေ ပစ္စည်းတွေလည်း မနည်းမနောရသည်။ လယ်ပိုင်ရှင်တွေဆိုလျှင် လယ်ဧကလိုက် နွားအရှဉ်းလိုက်
လက်ဖွဲ့ကြသည်။ တော်စတွိုင်းသည် မြို့ကျောင်းမှာ နေခဲ့သဖြင် အမြင်ကျယ်လာသည်။ အထူးသဖြင့် သူ့ဆရာ၏
လမ်းညွှန်မှုကြောင့် စာအုပ်တွေဖတ်ခွင့်ရသည်။ စာပေကို ဝါသနာပါလာသည်။
မိဘလက်ငုတ်ဖြစ်သောလယ်ယာလုပ်ငန်း
သူကြီးရာထူးကိုလည်းမမက်မော။
သူက စာရေးဆရာသာဖြစ်ချင်သည်။ ထုိ့ကြောင့် မိဘတွေကွယ်လွန်သွားသောအခါ ရှိသမျှပိုင်သမျှ
ပစ္စည်းတွေ၊လယ်တွေ၊ နွားတွေကို ရောင်းတန်ရောင်း၊ ပေးတန်ပေး၊ လှူတန်လှူပြီး
မြို့ပေါ်တက်လာခဲ့သည်။ စာပေလောကထဲ ခြေစုံပစ်ဝင်ခဲ့သည်။
ဇနီးဖြစ်သူ ဆိုညာကလည်း ပါရမီဖြည့်ဖက်ပီသလှသည်။ တော်စတွိုင်း၏ ဆန္ဒကို
လိုက်လျောဖြည့်ဆည်းပေးခဲ့သည်။ စာပေနယ်မှာ ရုန်းကန်လှုပ်ရှားရင်း ရှိတာလေး
ကုန်သွားတော့လည်း မညည်းမညူဆက်လက်ရင်ဆိုင်သည်။
တော်စတွိုင်းရသည့် စာမူခနှင့် မလောက်မငဖြစ်လာသောအခါမှာလည်း ရွာကိုပြန်ပြီး
သူ့အမျိုးတွေဆီကဆန်ကလေး ပဲကလေးကအစ ငါးပိငါးခြောက်ကလေးကအစ သွားဆွဲလာပြီး
စားဝတ်နေရေးကို ကြံဖန်ဖြေရှင်းခဲ့သည်။
နောက်ဆုံးဘယ်လိုမှ ဆက်လက်ရပ်တည်ဖို့ မလွယ်တော့သောအခါကျမှ ကလေးတွေခေါ်ပြီး ရွာမှာ
ခဏပြန်ခိုခဲ့ခြင်းဖြစ်သည်။ ဆွေမျိုးတွေကလည်း ကောင်းကောင်းမွန်မွန် စောင့်ရှောက်ထားကြသည်။
တော်စတွိုင်းကိုလည်း အပြစ်မတင်ကြ။
တော်စတွိုင်းက စိတ်ရင်းကောင်းသူဖြစ်၏။ ရွာမှာနေခဲ့တုန်းက အပေးအကမ်းရက်ရောသည်။
သူမြို့ကိုတက်ခါနီးတော့ သူတို့ဆီမှာ အလုပ်လုပ်သော သူရင်းငှားတွေကို လယ်တစ်ကွက်ဆီ
အပိုင်ပေးခဲ့ဖူးသည်။ ထို့ကြောင့် တော်စတွိုင်းတို့နွမ်းပါးနေချိ
စောင့်ရှောက်ကြခြင်းဖြစ်၏။
ဆွေမျိုးသားချင်းတွေကလည်း တော်စတွိုင်း ဆင်းရဲနေတာကို အထင်မသေးတဲ့အပြင် သူတို့ရွာက
နာမည်ကြီး စာရေးဆရာ ထွက်တယ်ဆိုပြီး ဂုဏ်တောင်ယူနေကြသေးသည်။
ဆွေမျိုးတွေမှာ ဘယ်လောက်ပဲကောင်းကောင်း ဆိုညာတို့ သားအမိတစ်တွေမှာ အားငယ်စိတ်
ဝင်မိမှာတော့ သေချာသည်။ တော်စတွိုင်းသည် အိမ်ထောင်ဦးစီးတစ်ယောက်အနေဖြင်
စားဝတ်နေရေး ပြေလည်အောင်မဖန်တီးပေးနိုင်သြ
သူ့အပေါ်နားလည်လွန်းရှာသော ဆိုညာတို့သားအမိတွေကိုလည်း ဂရုဏာသက်မိ၏။
ခုရေးနေသည့် လုံးချင်းဝတ္ထုထုတ်ဝေဖို့ အဆင်ပြေခဲ့လျှင်တော့ ဆိုညာနှင့်ကလေးများကို ပြန်ခေါ်မည်။
လုံးချင်းဝတ္ထုဆိုတော့ စာမူခတစ်လုံးတစ်ခဲတည်းရနိုင်သည်
တစ်ဆိုင်တည်ထားနိုင်လျှင် အထိုက်အလျှောက် ပြေလည်နိုင်သည်ဟု စိတ်ကူးယဉ်နေမိသည်။
ဂေါ်ကီကတော့ 'တောသားကြီး'သီချင်းကို ခံစားမှုအပြည့်ပါသော အသံနှင့် ဟဲလို့ကောင်းတုန်း။
"မောင်ဂေါ်ကီ ပြောကြားမယ်၊ တောသားလည်း ဟုတ်နိုင်ပေါင်ခင်ရယ်၊ ထင်တာတွေ အကုန်လုံး
မှားကြမယ်၊ ရတနာသုံးပါးလည်း ကြည်ညိုတယ်၊ သံယောဇဉ်တွေခွေကာဝိုင်းတဲ့ ကာမဂုဏ်တိုင်းကို
အစဉ်ခွာမယ်၊ မြင်တာရယ်၊ ကြားတာရယ်၊ မွှေးတာရယ် အရသာရယ်... အတွေ့ဟူသမျှ ရှောင်ကာရှားမယ်၊
တစ်ကိုယ်တည်းပင် တောထွက်သွားမယ်၊ တောသားကြီးပေါ့ကွယ်..."
--------------------
မင်းလူ
--------------------
