ကျွန်တော် လေးစားသော ကျွန်တော့ဘဝ၏ ရှေ့ဆောင် လမ်းပြ ပုဂ္ဂိုလ် ဗိုလ်ချုပ်အောင်ဆန်း

ကျွန်တော် လေးစားသော ကျွန်တော့ဘဝ၏ ရှေ့ဆောင် လမ်းပြ ပုဂ္ဂိုလ်  ဗိုလ်ချုပ်အောင်ဆန်း
ကျွန်တော် လေးစား၊ အားကျ ၊ ဂုဏ်ယူ ၊တန်ဖိုးထားသော ဗိုလ်ချုပ်အောင်ဆန်း

Saturday, February 15, 2014

စပါယ်ရှယ်ပါဝါဆိုတာ


ကိုယ်စားလှယ်လွှဲစာအကြောင်း
ကိုဖြူ။ ကိုယ်စားလှယ်လွှဲစာ ဆိုတာ ဘာလဲဆရာ၊ ရှင်းပြပေးပါ။
ယူတီကေ။ သူတစ်ပါးကို မိမိကိုယ်စားဆောင်ရွက်ပေးဖို့ အာဏာလွှဲအပ်ပေးတဲ့စာကို၊ ကိုယ်စားလှယ်လွှဲစာ (POWER OF ATTORNEY) လို့ခေါ်တယ်။
ကိုယ်စားလှယ်အကြောင်းကို ပဋိညာဉ်အက်ဥပဒေပုဒ်မ (၁၈၂ - ၂၃၈)မှာ ပြဋ္ဌာန်းထားတယ်။ သာမန်ပြည်သူများနား လည်နိုင်အောင် ဥပဒေပြဋ္ဌာန်းချက်တွေကို ရေးသားတင်ပြပါမယ်။
လူသားတွေမှာကိစ္စအသီးသီးကို မိမိကိုယ်တိုင်မဆောင်ရွက်နိုင်တဲ့အခြေအနေမျိုး၊ မိမိကိုယ်တိုင်မသွားရောက်နိုင်တဲ့ အခါမျိုး၊ မိမိကိုယ်တိုင် မဆောင်ရွက်နိုင်၊ မဆောင်ရွက်သင့်တဲ့အခါမျိုးရှိတတ်တယ်။ ဒီလိုကိစ္စအမျိုးမျိုးအတွက် မိမိကိုယ်စား တစ်ဦးတစ်ယောက်ကို လွှဲအပ်တာကို ဥပဒေကခွင့်ပြုထားတယ်။ အခြားလူသူတစ်ယောက် (တတိယပုဂ္ဂိုလ်)နဲ့ ဆက်သွယ်၊ ပြောကြား၊ ဆောင်ရွက်တဲ့ကိစ္စမှာ မိမိကိုယ်စားပြုဖို့အတွက် ကိုယ်စားလှယ်ခန့်ရတတ်တယ်။ ဒီလိုကိုယ်စားလှယ်လွှဲအပ်၊ ခန့်အပ်တဲ့လူကို အကြီးအကဲ (PRINCIPAL) လို့ခေါ်သည်။ ကိစ္စအသီးသီးဆောင်ရွက်စေရန်၊ ကိုယ်စားပြုရန်ခန့်အပ်ခြင်းခံသူကို ကိုယ်စားလှယ် (AGENT) လို့ခေါ်တယ်။ ဒါကိုတော့ သိထားရပါမယ်။
အကြီးအကဲ ။ PRINCIPAL (ကိုယ်စားလှယ်ခန့်နိုင်သူ)
သက်ဆိုင်ရာဥပဒေအရ၊ အရွယ်ရောက်ပြီးသူ၊ စိတ်ပေါ့သွပ်သူမဟုတ်ရင် (မိမိကိုယ်စား၊ အခြားသူကို) ကိုယ်စားလှယ်ခန့် နိုင်တယ်။ (ပုဒ်မ - ၁၈၃)
ကိုယ်စားလှယ် ။ AGENT (ကိုယ်စားလှယ်ခန့်ထားခံရသူ)
မည်သူ့ကိုမဆို ကိုယ်စားလှယ်အဖြစ်ခန့်အပ်နိုင်တယ်။ အရွယ်မရောက်သေးသူ၊ စိတ်ပေါ့သွပ်သူကိုလည်း ကိုယ်စားလှယ်ခန့်အပ်နိုင်တယ်။ ဒါပေမယ့် (ငယ်၊ ရူး)သူကိုယ်စားလှယ်ဟာ သူ့ကိုခန့်ထားတဲ့ အကြီးအကဲကိုဖြစ်စေ၊ အခြားသူ (တတိယလူ)ကိုဖြစ်စေ တာဝန်မရှိဘူး။ (ပုဒ်မ ၁၈၄)
အပေးအယူ ။ ကိုယ်စားလှယ်ခန့်ထားရန်အတွက် မည်သည့် အပေးအယူ၊ အဖိုးစားနားမျှ မလိုပါ။ (ပုဒ်မ -၁၈၅) NO CONSIDERATION
လွှဲအပ်သည့်ကိစ္စ ။
(က) အမှုကိစ္စအတွက်လွှဲအပ်ခံရတဲ့ ကိုယ်စားလှယ်ဟာ ၎င်းအမူကိစ္စအတွက် လိုအပ်တဲ့၊ ဥပဒေနဲ့ ညီညွတ်တဲ့ ကိစ္စဟူ သရွေ့ဆောင်ရွက်ရန် အခွင့်အာဏာရှိတယ်။ (ပုဒ်မ - ၁၈၈) လွှဲအပ်တဲ့အမှုကိစ္စအတွက် ရှေ့နေငှားရမ်းနိုင်တယ်။
(ခ) စီးပွားရေးလုပ်ငန်းတစ်ခုလုပ်ကိုင်ရန် လွှဲအပ်ခံရတဲ့ ကိုယ်စားလှယ်ဟာ လုပ်ငန်းရဲ့လုပ်ကိုင်ရမြဲဖြစ်တဲ့ ဥပဒေနဲ့ ညီညွတ်တဲ့ကိစ္စဟူသရွေ့ဆောင်ရွက်ရန်အခွင့် အာဏာရှိတယ်။ (၁၈၈)
(ဂ) ကိုယ်စားလှယ်ဟာ အရေးပေါ်ကိစ္စမှာ မိမိရဲ့ အကြီးအကဲ၌ ဆုံးရှုံးမှုမရှိအောင် ကာကွယ်ရန်အခွင့်အာဏာရှိတယ်။ (ပုဒ်မ - ၁၈၉)

ကိုယ်စားလှယ်လွှဲစာ (၂)မျိုး၊ (S.P) (G.P)
(၁) အထူးကိုယ်စားလှယ်လွှဲစာ ။ SPECIAL POWER OF ATTORNEY (S.P)
လုပ်ငန်းသဘောအရ၊ သီးခြားလုပ်ငန်းကိစ္စတစ်ခုတည်းအတွက် ဆောင်ရွက်ဖို့လွှဲအပ်တဲ့ကိုယ်စားလှယ်စာဖြစ်တယ်။ ဒီလို အထူးကိုယ်စားလှယ်စာမျိုးဟာ လွှဲအပ်တာဝန်ပေးထားတဲ့ လုပ်ငန်းဆောင်ရွက်ပြီးစီးတာနဲ့ အလိုလိုလုပ်ပိုင်ခွင့်အာဏာ (အသက်) ကုန်သွားပါတယ်။ တံဆိပ်ခေါင်းခွန်ငွေကျပ် (၁ဝဝဝ) ကပ်ရတယ်။
(၂) အထွေထွေကိုယ်စားလှယ်လွှဲစာ။ GENERAL POW ER OF ATTORNEY (G.P)
တစ်ခုထက်ပိုတဲ့ကိစ္စတွေ ဆောင်ရွက်နိုင်ဖို့ လွှဲအပ်တဲ့ကိုယ်စားလှယ်စာဖြစ်တယ်။ ဒီကိုယ်စားလှယ်စာဟာ အသက်ပြင်းတယ်။ ကိုယ်စားလှယ်လွှဲစာထဲမှာ ဖော်ပြထားတဲ့ကိစ္စအရပ်ရပ်အားလုံးကို ဆောင်ရွက်နိုင်တယ်။ ဒီကိုယ်စားလှယ်လွှဲ စာဟာ ပုဒ်မ (၂ဝ၁)မှာ ပြဋ္ဌာန်းထားတဲ့အချက်တွေအရသာလျှင် ကိုယ်စားလှယ်စာ အသက်မဝင်၊ ရပ်စဲသွားပါတယ်။ တံဆိပ်ခေါင်းခွန်ငွေကျပ် (၄ဝဝဝ)ကပ်ရပါတယ်။
ဘယ်သူ့ရှေ့မှာ ကိုယ်စားလှယ်လွှဲအပ်ရမလဲ။
(က) မရွှေ့ပြောင်းနိုင်တဲ့ (အိမ်၊ မြေ) လွှဲပြောင်းခြင်း၊ မှတ်ပုံတင်ခြင်းတို့အတွက် ကိုယ်စားလှယ်ကတစ်ဆင့် စာချုပ်စာတမ်းမှတ်ပုံတင်ရုံးမှာ မှတ်ပုံတင်စာချုပ် ချုပ်ဆိုမယ်ဆိုရင်၊ ကိုယ်စားလှယ်လွှဲစာကို လွှဲအပ်သူ (အကြီးအကဲ)နေထိုင်ရာ ဒေသမှာရှိတဲ့ မှတ်ပုံတင်အရာရှိထံမှာ ကိုယ်စားလှယ်လွှဲအပ်ရမယ်။ (စာချုပ်စာတမ်းမှတ်ပုံတင်အက် ဥပဒေပုဒ်မ - ၃၃ (၁)(က))
(ခ) လွှဲအပ်သူ (အကြီးအကဲ) မည်သည့်အရပ်ဒေသမှာရောက်နေနေ၊ ရောက်ရှိရာဒေသက တရားသူကြီးတစ်ဦးဦးရှေ့ မှာ လွှဲအပ်နိုင်တယ်။ (တရားသူကြီးက လတ်မှတ်ရေးထိုးရမယ်)။
(ဂ) လွှဲအပ်သူ (အကြီးအကဲ)ဟာ ပြည်ထောင်စုသမ္မတမြန်မာနိုင်ငံပြင်ပမှာ ရောက်ရှိနေပါက၊ နိုတြီပဗ္ဗလစ်တစ်ဦးဦးရှေ့၊ သို့မဟုတ် တရားသူကြီးတစ်ဦးဦးရှေ့မှာလွဲအပ်ပြီး၊ မြန်မာနိုင်ငံသံရုံးက တာဝန်ခံအရာရှိတစ်ဦးဦးက မှန်ကန်ကြောင်း လက်မှတ်ရေး ထိုးလွှဲအပ်ရမယ်။
(ဃ) အထက်အပိုဒ်(က)ပါ၊ မရွှေမပြောင်းနိုင်တဲ့ပစ္စည်း လွှဲပြောင်းခြင်းမဟုတ်ရင်၊ ကိုယ်စားလှယ်စာဟာ မလွဲမသွေ မှတ်ပုံတင်ရမယ့် စာချုပ်စာတမ်းမဟုတ်ဘူး။ ဒီအတိုင်းတရားဝင်တယ်။
(င) အထက်အပိုဒ် (က)(ခ)(ဂ)ပါ ပုဂ္ဂိုလ်များရှေ့မှာ ချုပ်ဆိုလွှဲအပ်ထားတဲ့ ကိုယ်စားလှယ်စာတွေဟာ ကိုယ်စားလှယ်လွှဲ အပ်ခဲ့သော “မှန်တယ်လို့မှတ်ယူရတယ်” (SHALL PRESUME) (သက်သေခံ အက်ဥပဒေပုဒ်မ - ၈၅)
(စ) ကိုယ်စားလှယ်လွှဲတာမမှန်ပါဘူးပြောလာရင်၊ မမှန်ကြောင်းငြင်းဆိုသူက သက်သေထင်ရှားပြသရန်တာဝန်ရှိတယ်။ (ဒေါ်စိန်နတ်အမှု) (၁၉၆၆ - မတစ - ၁၃၈၉)
(ဆ) အမှုကိစ္စအတွက်၊ တရားရုံးမှာ ရှေ့နေခန့်အပ်ခြင်းဖြင့် ကိုယ်စားလှယ်လွှဲအပ်နိုင်တယ်။ ရှေ့နေရဲ့ အမှုအကြောင်းခြင်းရာ ဆိုင်ရာဝန်ခံချက်ဟာ အမှုသည်ကိုယ်တိုင်ဝန်ခံသကဲ့သို့ အကျိုးသက်ရောက်တယ်။ သို့သော် မိမိအမှုသည် မသိဘဲ၊ ကြိုတင်သဘောတူညီချက်မရဘဲ အမှုကိစ္စကို ရှေ့နေကပြေငြိမ်း၊ ကျေအေးခွင့်အာဏာမရှိဘူး။

ကိုယ်စားလှယ်၏ တာဝန်ဝတ္တရားများ
ပဋိညာဉ်အက်ဥပဒေပုဒ်မ (၂၁၁ မှ ၂၁၆)မှာ ပြဋ္ဌာန်းထားတယ်။
ကိုယ်စားလှယ်၏ အခွင့်အရေးများ
ပုဒ်မ (၂၁၇ မှ ၂၂၅)မှာ ပြဋ္ဌာန်းထားတယ်။

အကြီးအကဲ၏အခွင့်အရေးများ
ပုဒ်မ - ၂၁၆ ကိုယ်စားလှယ်၏တာဝန် ပြဋ္ဌာန်းတဲ့အတိုင်းဖြစ်တယ်။
ကိုယ်စားလှယ်၏ ဆောင်ရွက်ချက်အတွက် အကြီးအကဲအပေါ် တာဝန်ရှိခြင်း။
ပုဒ်မ - (၂၂၆ မှ ၂၂၉) မှာ ပြဋ္ဌာန်းထားတယ်။
ကိုယ်စားလှယ်ရဲ့ အခွင့်အာဏာကုန်ဆုံးခြင်း။ (TERMINATION OF AGENCY)
အကြီးအကဲက လွှဲအပ်ထားတဲ့ ကိုယ်စားလှယ်တစ်ယောက်ရဲ့ အခွင့်အာဏာဟာ အောက်ပါအခြေအနေများကြောင့် ကုန်ဆုံး၊ ချုပ်ငြိမ်းသွားတယ်။ (ပုဒ်မ - ၂ဝ၁)
(က) အကြီးအကဲက ကိုယ်စားလှယ်စာကို ပြန်လည်ရုပ်သိမ်းလိုက်ခြင်း။ (REVOCATION) လို့ခေါ်တယ်။ မှတ်ပုံတင်ထား တဲ့ ကိုယ်စားလှယ်စာဆိုရင်၊ မှတ်ပုံတင်အရာရှိထံ သတင်းပို့ရမယ်။ သတင်းစာမှာကြော်ငြာရမယ်။ အကြီးအကဲသဘောနဲ့ ပြန်လည်ရုပ်သိမ်းနိုင်တယ်။ အခြားကိုယ်စားလှယ်စာတွေကိုတော့ ကိုယ်စားလှယ်သိအောင်၊ သတင်းစာက ကြော်ငြာလိုက်ရင် ရုပ်သိမ်းရာရောက်ပါတယ်။
(ခ) အထူးကိုယ်စားလှယ် (SPECIAL POWER) တွေမှာ၊ လွှဲအပ်တဲ့လုပ်ငန်းကိစ္စဆောင်ရွက်ပြီးဆုံးသွားတဲ့အခါ အလိုလို ကိုယ်စားလှယ်စာဟာ ချုပ်ငြိမ်းသွားတယ်။
(ဂ) ကိုယ်စားလှယ်က လွဲအပ်တဲ့ကိစ္စကို စွန့်လွှတ်ကြောင်း၊ RENOUNCE ပြန်အပ်ကြောင်း အကြီးအကဲသိစေရင်၊ ကိုယ်စားလှယ်စာ ချုပ်ငြိမ်းတယ်
(ဃ) အကြီးအကဲ၊ သို့မဟုတ် ကိုယ်စားလှယ်ရူးသွားရင်၊ သေသွားရင် ကိုယ်စားလှယ်စာ ချုပ်ငြိမ်းတယ်။
(င) အကြီးအကဲ လူမွဲအဖြစ် ကြေညာခံရရင်၊ ကိုယ်စားလှယ်စာ ချုပ်ငြိမ်းတယ်။ (အတိုမှတ် - ရုပ်၊ ပြီး၊ အပ်၊ ရူး၊ သေ၊ မွဲ)
ကိုယ်စားလှယ်ရဲ့အခွင့်အာဏာကုန်ဆုံးသွားရင် ၎င်းက ခန့်အပ်ထားတဲ့တစ်ဆင့် ကိုယ်စားလှယ်များရဲ့ အခွင့်အာဏာ လည်း ကုန်ဆုံးသွားတယ်။
(ပုဒ်မ - ၂၁ဝ)
ကိုဖြူ ။ ကိုယ်စားလှယ်စာတချို့မှာ “ပြန်လည် ရုပ်သိမ်းခွင့်မရှိတဲ့ကိုယ်စားလှယ်စာ” လို့ရေးထားတာတွေ့ရတယ်။ ဘာဆိုလို တာလဲ။
ယူတီကေ ။ ပဋိညာဉ်အက်ဥပဒေမှာ ဒီအကြောင်းရေးသားပြဋ္ဌာန်းထားတာမရှိပါဘူး။ ပုဒ်မ - ၂ဝ၂ မှာတော့ အကြီးအကဲနဲ့ ကိုယ်စားလှယ်အကြေား အတိအကျချုပ်ဆိုထားတဲ့ ပဋိညာဉ်မရှိရင်၊ ကိုယ်စားလှယ်ရဲ့အကျိုးစီးပွားပါဝင်နေရင်၊ ဒီအကျိုးခံစားခွင့်ကို ဆန့်ကျင်ပြီး လွှဲစာရုပ်သိမ်းလို့မရဘူးလို့ ပြဋ္ဌာန်းထားပါတယ်။
ကိုဖြူ ။ ကိုယ်စားလှယ်စာရဲ့သက်တမ်း ဘယ်လောက်ရှိသလဲဆရာ။
ယူတီကေ ။ ဘယ်လောက်ပဲရှိတယ်လို့ - ဥပဒေက ကန့်သတ်ထားတာမရှိပါဘူး။ လွှဲစာက နှစ်ကြာနေရင်၊ လွှဲသူ အသက်ထင်ရှားရှိ၊ မရှိ၊ ပြန်ရုပ်၊ မရုပ်ဆိုတာတွေကို ရုံးကလူတွေက မေးတတ်၊ သက်သေပြခိုင်းတတ်တယ်။ (အကြံအဖန်၊ အဲ SAFE SIDE ယူကြတာပါ)။ ဥပဒေထဲမှာမပါဘူး။ ဘယ်လောက်ကြာကြာအသက်ဝင်ဆဲ STILL OPERATIVE ပါဗျာ။
UTK (မဟာဝိဇ္ဇာ၊ သိပ္ပံ၊ ဥပဒေ)
မှု့ခင်းသတင်းဂျာနယ်(၂၉-၁-၂၀၁၄)

အိမ်ခြံမြေဝယ်တဲ့အခါ-


အရပ်ကတိစာချုပ်နှင့် အိမ်မြေ၀ယ်ယူခြင်း
ကိုဖြူ။ ကနေ့အိမ်မြေတွေကို အရပ်စာချုပ်နဲ့ပဲ ၀ယ်နေကြတာတွေ့နေရတယ်ဆရာ။ အကျိုးအပြစ်ပြောပြပါ။
ယူတီကေ။ ဥပဒေအရ၊ ကျပ်တစ်သိန်းနဲ့အထက် မရွှေ့မပြောင်းနိုင်တဲ့ အိမ်မြေကိုဝယ်ရင်၊ တရားဝင်ဝယ်ယူခြင်းမြောက်အောင် ဘာတွေလုပ်ရမလဲဆိုတာ ဥပဒေမှာ ပြဋ္ဌာန်းထားတယ်။
(၁) စာချုပ်ချုပ်ရမယ်။
(၂) ၀ယ်ယူတဲ့ တန်ဖိုးအလျောက်တံဆိပ်ခေါင်းထမ်းဆောင်ရမယ်။
(၃) စာချုပ်မှာ ရောင်းသူနဲ့ဝယ်သူတို့လက်မှတ်ထိုးရမယ်။
(၄) သက်သေ(၂)ယောက် လက်မှတ်ရေးထိုးရမယ်။
(၅) စာချုပ်ကို စာချုပ်စာတမ်းမှတ်ပုံတင်ရုံးမှာ မှတ်ပုံတင်ကြေးပေးဆောင်ပြီး မှတ်ပုံတင်ရမယ်။
ဒါမှသာ အပြည့်အ၀၊ တရားဝင်၊ ဥပဒေနဲ့အညီဝယ်ယူခြင်းဖြစ်ကြောင်း၊ ပစ္စည်းလွှဲပြောင်းခြင်းအက်ဥပဒေ၊ စာချုပ်စာတမ်း မှတ်ပုံတင်အက်ဥပဒေ၊ အခွန်တော်ခေါင်းအက်ဥပဒေ၊ ပဋိညာဉ်အက်ဥပဒေတွေမှာ ပြဋ္ဌာန်းထားတယ်။ ဒီလိုမှတ်ပုံတင်စာချုပ်နဲ့ ၀ယ်ယူ ပြီးနောက် ပြန်လည်ရရှိလာတဲ့ မှတ်ပုံတင်စာချုပ်နဲ့ သက်ဆိုင်ရာမြေစာရင်း၊ မြို့တော်စည်ပင်ဌာနမှာ မိမိ ၀ယ်ယူတဲ့မြေအမျိုး အစားအလျောက် အမည်ပြောင်း၊ ဂရန်အမည်ပေါက်ဖောက်ပေးဖို့ ဆက်လက်လုပ်ဆောင်ရပါတယ်။ ဘိုးဘွားပိုင်မြေဆိုရင် မိမိအမည်နဲ့ ဂရန်မြေဆိုရင် မိမိအမည်ပေါက်ဂရန်စာချုပ်နဲ့အတူ မြေစာရင်းပုံစံ (၁၀၅)မြေပုံ၊ မြေစာရင်းပုံစံ(၁၀၆)မြေရာဇ၀င် ထွက်လာပါမယ်။ ဒါဆိုရင် မိမိက၀ယ်ယူတဲ့ အိမ်မြေရဲ့ပိုင်ရေးဆိုင်ခွင့်ကို သက်သေခံစာချုပ် စာတမ်းများနဲ့အတူ ပိုင်ဆိုင်တယ်လို့ မှတ်ယူပါတယ်။
အပြည့်အ၀ တရားဝင် ဥပဒေနဲ့အညီဝယ်ယူခြင်းဟာ အပြည့်အ၀ တရားဝင်ပိုင်ဆိုင်ခွင့်ရရှိစေပါတယ်။ ကိုယ်ဝယ်ယူထား တဲ့ အိမ်မြေက နင်ထုတ်လို့မရဘူး။ သူများကျူးကျော်ဝင်ရောက်လို့မရဘူး။ ကိုယ်သေရင် ကိုယ့်ရဲ့အမွေခံများ ဆက်ဆံခွင့်ရကြ တယ်။ မသက်ဆိုင်သူများကို အိမ်မြေက နှင်ထုတ်လို့ရတယ်။ ကိုယ်က အခြားသူကို လွှဲပြောင်းရောင်းချလို့ရတယ်။ နောက်ဝယ် တဲ့သူဟာ တရားဝင်ပိုင်ဆိုင်ခွင့်ရတယ်။
ကိုဖြူမေးတဲ့ “အိမ်မြေတွေကို အရပ်စာချုပ်နဲ့ဝယ်ခြင်း” ဟာ အပြည့်အ၀ဆောင်ရွက်ခြင်း၊ ၀ယ်ယူခြင်းမဟုတ်ဘူး။ တရားဝင်ဝယ်ယူခြင်း မမြောက်ဘူး။ အကြောင်းက -
(၁) စာချုပ်ဟာ မှတ်ပုံတင်စာချုပ်မဟုတ်ဘူး။ အရပ်စာချုပ်။
(၂) တံဆိပ်ခေါင်းခွန် (၇%) ထမ်းဆောင်မထားဘူး။
(၃) စာချုပ်ကို မှတ်ပုံတင်ကြေးပေးပြီး မှတ်ပုံတင်ရုံးမှာ မှတ်ပုံတင်မထားဘူး။ ရုံးမှာ စာချုပ်မရှိဘူး။
(၄) မြေစာရင်းနဲ့စည်ပင်ဌာနမှာ မိမိအမည်ပြောင်းလျှောက်ထားလို့မရဘူး။ မိမိအမည်ပေါက်နိုင်ဘူး။ ဂရန်မရနိုင်ဘူး။
(၅) မြေပုံ၊ မြေရာဇ၀င်မှာ မိမိအမည်မပေါက်ဘူး။
ဒီလိုအရပ်စာချုပ်နဲ့သာ ၀ယ်ယူထားခြင်းကို “တစ်ပိုင်းတစ်စဆောင်ရွက်ခြင်း” PART PERFORMANCE လို့ခေါ်တယ်။ အပြည့်အ၀ဆောင်ရွက်ထားခြင်းမဟုတ်တဲ့အတွက် ပိုင်ဆိုင်ခွင့်မရနိုင်ဘူး။ တစ်ပိုင်းတစ်စ အခွင့်အရေးသာရနိုင်တယ်။ မြေရဲ့ ပိုင်ဆိုင်ခွင့်အကြောင်း တရားရုံးမှာ အရေးဆိုလို့မရဘူး။ အကြောင်းကတော့ တရားဝင်ဝယ်ယူခဲ့ခြင်းမဟုတ်လို့ တရားဝင်ပိုင်ရေး ဆိုင်ခွင့်မရဘူး။ ပိုင်ရေးဆိုင်ခွင့်ကိုအကြောင်းပြုပြီးတော့ အိမ်မြေအပေါ်ကျူးကျော်သူကို နင်ထုတ်လို့မရဘူး။ ကိုယ်ကအခြားသူ ကို တရားဝင်ပြန်လည်ရောင်းချလို့မရဘူး။ ရောင်းချခဲ့ရင်လည်း ၀ယ်သူဟာ တရားဝင်ပိုင်ရှင်အဆင့် မရနိုင်ဘူး။ ဒါပေမဲ့ ရောင်းသူက ကိုယ့်ကိုဒီမြေပေါ်ကနှင်ထုတ်လိုမှုဆိုလာရင်တော့ သူနဲ့ကိုယ်နဲ့ ချုပ်ဆိုထားတဲ့ အရပ်ကတိစာချုပ်ကို ရုံးတော်ကိုတင်ပြပြီး (ဒိုင်း)အဖြစ် ခုခံကာကွယ်နိုင်တယ်။ ကိုယ့်ကို နင်ထုတ်လို့မရဘူး။ ဒါကြောင့် “တစ်ပိုင်းတစ်စ ဆောင်ရွက်ခြင်း၊ ၀ယ်ယူခြင်းဟာ ဓားအဖြစ်ထိုးခုတ်လို့မရဘူး။ ဒိုင်းအဖြစ်သာ ခုခံ ကာကွယ်နိုင်တယ်” ။ (PART PERFORMANCE IS A SHIELD, NOT A SWORD) လို့ ဥပဒေဆိုရိုးစကားရှိပါတယ်။ ဒါက ဥပဒေ ပြဋ္ဌာန်းချက်ကို တင်ပြရတာပါ။
ကနေ့စာချုပ်စာတမ်းမှတ်ပုံတင်ရုံးတွေမှာ အိမ်မြေအရောင်းအ၀ယ်မှတ်ပုံတင်စာချုပ်ချုပ်ဆိုကြတာ အတော်နည်းသွား တယ်။ (၉၀%)လောက် လျော့နည်းသွားတယ်လို့ ပြောကြတယ်။ ဒါပေမဲ့ အိမ်မြေတွေကတော့ နေ့စဉ်နဲ့အမျှ အရောင်းအ၀ယ် ဖြစ်နေကြတယ်။ သူတို့ ဘယ်လိုအရောင်းအ၀ယ်လုပ်နေကြပါတယ်။
တွေ့ရတာကတော့ ကနေ့ အိမ်မြေအရောင်းအ၀ယ်စာချုပ်နဲ့ ပတ်သက်လို့ ညွှန်ကြားချက်အရ
(၁) ရောင်းသူ၊ ၀ယ်သူဟာ အရောင်းအ၀ယ်စာချုပ်ကြမ်းတင်ပြရတယ်။
(၂) တန်ဖိုးစိစစ်တဲ့အဖွဲ့က အိမ်မြေရဲ့ ဇုန်နှုန်းသတ်မှတ်ချက်အရ တန်ဖိုးသတ်မှတ်တယ်။
(၃) အခွန်ရုံးက ဒီတန်ဖိုးအလျောက်ရောင်းသူ (၁၀%) ၀ယ်ယူ (၃၀%) အခွန်ဆောင်ဖို့ ပြေစာထုတ်ပေးတယ်။ အခွန် ဆောင်ရတယ်။
(၄) အခွန်ဆောင်ပြီးမှ သတ်မှတ်တန်ဖိုးအတွက် တံဆိပ်ခေါင်း(၇%) ၀ယ်ခွင့်ပြုတယ်။ ၀ယ်ရတယ်။
(၅) နောက်စာချုပ်ကို မှတ်ပုံတင်ရုံးမှာ မှတ်ပုံတင်ကြေးပေးသွင်းပြီး မှတ်ပုံတင်ကြရတယ်။
ဥပမာအားဖြင့် - မြို့ထဲက အိမ်မြေတစ်ခုကို တန်ဖိုးကျပ်သိန်း (၁၀၀၀၀)နဲ့ ရောင်းကြ ၀ယ်ကြတယ်ဆိုရင် -
(၁) ရောင်းသူအခွန် ကျပ်သိန်း (၁၀၀၀)
(၂) ၀ယ်သူအခွန်း ကျပ်သိန်း (၃၀၀၀)
(၃) စာချုပ်ခေါင်းဖိုးကျပ် သိန်း (၇၀၀)
စုစုပေါင်းကျပ်သိန်း (၄၇၀၀) အရင်အစိုးရထံအရင်ပေးသွင်းမှ စာချုပ်ကို မှတ်ပုံတင်ရုံးကို တင်ပြလို့ရပါလိမ့်မယ်။ မှတ်ပုံတင်ကြေး၊ အခြားကုန်ကျစရိတ်၊ ရှေ့နေခ စတာတွေမပါသေးဘူး။ ပြီးတော့ မိမိအမည်ပေါက်ဂရန်၊ မြေပုံ၊ မြေရာဇ၀င်ရဖို့ ထပ်ကုန်ကြရဦးမယ်။ ဒီလုပ်ထုံးလုပ်နည်းဟာ သက်ဆိုင်ရာက နောက်ဆုံးညွှန်ကြားတဲ့အခွန်နှုန်းထားနဲ့ လုပ်ထုံးလုပ်နည်းလို့ သိရပါတယ်။
ရောင်းမယ့်သူ၊ ၀ယ်မယ့်သူတွေဟာ ဒီလောက်ငွေတွေ အစိုးရထံကြိုတင်ဆောင်ထားကြဖို့ အတော်နားချယူရဦးမယ် ထင် ပါတယ်။
ရောင်းသူဟာလည်း ရောင်းကြေးကျပ်သိန်း (၁၀၀၀၀)သာ ရမယ်။ ဒါပေမဲ့ ခွဲဝေယူရမယ့်မောင်နှမက (၅)ဦး အကြွေးတွေ ရှိသေးတယ်။ ဒီ(၅)ယောက်က မြို့ပြင်၊ မြို့သစ်မှာ အိမ်ငယ်လေးတစ်လုံးစီ ပြန်ဝယ်ကြရဦးမယ်။ မိဘရည်စူးပြီး အလှူအတန်းက လည်း လုပ်ချင်သေးတယ်။ ဒီတော့ သိန်း(၁၀၀၀) ရောင်းခွန်ဆောင်ဖို့တိုက်တွန်းရတာ အတော်ခက်ပါတယ်။
ဝယ်ယူဘက်ကလည်း ၀ယ်ကြေးက ကျပ်သိန်း(၁၀၀၀၀)ပေးရမယ်။ ၀ယ်ခွန်က ကျပ်သိန်း(၃၀၀၀)၊စာချုပ်ခေါင်းဖိုးကျပ် သိန်း(၇၀၀) အခြားရုံးကိစ္စ၊ မှတ်ပုံတင်ကြေး ရှေ့နေခ၊ အမည်ပြောင်း၊ အတွက်ကုန်ကျဦးမယ့်ငွေ၊ စုစုပေါင်း ကျပ်သိန်း(၄၀၀၀) ထက် မနည်းဘူး။ စုစုပေါင်း အိမ်မြေပိုင်ခွင့်ရဖို့အတွက် တန်ဖိုးက သိန်း(၁၀၀၀) + (၄၀၀၀) သိန်း (၁၄၀၀၀)ရှိမှ တရားဝင် ပိုင်ဆိုင်ခွင့်ရတော့မယ့် အခြေအနေပဲ။
အခွန်နှုန်းထားသစ်နဲ့ အိမ်မြေ၀ယ်သူတွေဟာ ကြောင်နဲ့ကြွက် လိုက်တန်းပြေးတမ်းကစားသလို အခွန်ရှောင်ဖို့ စဉ်းစား လာကြတယ်။ (၉၀%)က အိမ်မြေတွေကို ဘယ်လိုဝယ်နေကြသလဲ။
(၁) အရပ်ကတိစာချုပ်နဲ့ ငွေပြေချေဝယ်ယူတယ်။
(၂) ရောင်းသူဝယ်သူ လက်မှတ်ထိုး၊ သက်သေလက်မှတ်ထိုးကြတယ်။
(၃) အိမ်မြေကို ၀ယ်သူလက်ရောက်ရယူတယ်။
(၄) အိမ်မြေရဲ့ပိုင်ရေးဆိုင်ခွင့်စာချုပ်၊ ဂရန်မူရင်းတွေဝယ်သူ ရယူတယ်။
(၅) ရောင်းသူဟာ ဒီအိမ်မြေနဲ့ မဆိုင်တော့ပါကြောင်း၊ ၀ယ်သူကို ရောင်းချပြီးကြောင်း ကျမ်းကျိန်ချက် လုပ်ယူထား တယ်။
(၆) ရောင်းသူက ၀ယ်သူကို (SPECIAL / GENERAL POWER) အထူးကိုယ်စားလှယ်စာ၊ အထွေထွေကိုယ်စားလှယ်ကို မှတ်ပုံတင်ရုံးမှာ လုပ်ပေးတယ်။ ဒါတွေကတော့ ကနေ့ လက်တွေ့ဖြစ်ပျက်နေတာပါ။
ကိုဖြူ။ အကျိုးအပြစ်ပြောပြပါ။
ယူတီကေ။ အမှန်တကယ်ဝယ်ဈေးက ကျပ်သိန်း(၁၀၀၀၀)ဖြစ်ပေမဲ့၊ တန်ဖိုးဖြတ်အဖွဲ့ရဲ့ သတ်မှတ်ချက်က (၁၅၀၀၀)/ (၂၀၀၀၀)သိန်းလို့ ဖြတ်လိုက်မှာကို။ ရောင်းသူဝယ်သူတွေက စိုးရိမ်နေကြတယ်။ ဖြစ်နိုင်တာပဲ။ ဒါဆိုရင် ကုန်ကျစရိတ်နဲ့အခွန် နှစ်ဆဖြစ်သွားမယ်။ ဒါကြောင့်ဝယ်သူတွေက အထက်ကအတိုင်းလုပ်ထားပြီး အခြေအနေစောင့်နေကြတယ်။ (၉၀%) အခွန်အခ မရဘဲ ဆိုင်းငံ့သွားတယ်။ နိုင်ငံတော်နစ်နာတယ်။
ကိုဖြူ။ အရပ်စာချုပ်နဲ့ဝယ်ထားတဲ့လူတွေကော ဘာဆုံးရှုံးနိုင်သလဲ။
ယူတီကေ ။ ၀ယ်သူတွေအတွက် စာချုပ်ချုပ်ဆိုပေးတဲ့ ရှေ့နေတွေရှိပါတယ်။ ၀ယ်သူမနစ်နာအောင် တတ်နိုင်သမျှတော့ အကုန်လုပ်ထားကြတာပါပဲ။ ဒါပေမဲ့ “ဘာမှမဖြစ်ရင်၊ ဘာမှမဖြစ်ပါဘူး။ ဖြစ်လာရင်တော့ ဘာမဆိုဖြစ်သွားနိုင်တယ်” ဆိုတဲ့ ဥပဒေရှိတယ်လေ။ ဥပမာ (S.P/GP) ပေးထားတဲ့သူ၊ ယူထားတဲ့သူ သေသွားရင်၊ ရူးသွားရင်၊ ပြန်ရုပ်သိမ်းရင် ပြဿနာစပေါ်တာ ပေါ့။ အမှုတွေဖြစ်လာရင်တော့ ရှေ့နေတွေအလုပ်ဖြစ်ကြတာပေါ့ဗျာ။ အခွန်ကောက်ခံသူ၊ အခွန်ထမ်းသူနှစ်ဦးနှစ်ဖက်စိတ်ဓာတ် MINDSET တွေပြင်ကြရင်တော့ ကောင်းသွားမှာပါ။
UTK (မဟာဝိဇ္ဇာ၊ သိပ္ပံ၊ ဥပဒေ)
မှု့ခင်းသတင်းဂျာနယ်(၅-၂-၂၀၁၄)

Sunday, February 9, 2014

အတိတ်ထဲကသမိုင်း

အသက် ၈၉နှစ် အရွယ်ရှိ ဦးဘဌေး (ဓာတ်ပုံ- တေဇလှိုင်/ဧရာဝတီ)
အညာ, ပေါ်တူဂီ, ဥရောပတောင်ပိုင်း, အိန္ဒိယသမုဒ္ဒရာ, ဘရင်ဂျီ, စစ်ကိုင်းတိုင်း, ခင်ဦးမြို့, မုံလှရွာ
ဤအရပ်ဒေသသို့ သူတို့ ရောက်ရှိအခြေချခဲ့ကြသည်မှာ ယခုနှစ် ဖေဖော်ဝါရီလ ဆိုလျှင် နှစ်ပေါင်း ၄၀ဝ တင်းတင်း ပြည့်တော့မည်ဖြစ်သည်။
သူတို့၏ ဘိုးဘွား များသည် ၁၆ ရာစုခန့်ကတည်းက အိန္ဒိယသမုဒ္ဒရာအတွင်း စွန့်စားသွားလာကာ ကူးသန်း ရောင်းဝယ်နေသည့် ဥရောပတောင်ပိုင်းသားများဖြစ်
ကြပြီး မြန်မာ့သမိုင်း၏ အစောပိုင်း ကာလများက အရေးပါသောဇာတ်ကောင်များ ဖြစ်ခဲ့ကြသော်လည်း ယခုအခါ မေ့လျော့ ခံများသဖွယ် ဖြစ်သွားခဲ့လေပြီ။ ဒေသခံများက သူတို့ကို ဘရင်ဂျီ (ဖာရင်ဂီ) များဟု ခေါ်ဝေါ်ကြသော်လည်း အမှန်တကယ် သူတို့သည် ပေါ်တူဂီအနွယ်များမှ ဆင်းသက် လာသူများသာ ဖြစ်သည်။
စစ်ကိုင်းတိုင်း၊ ခင်ဦးမြို့ အနောက်ဘက် ၁၄ မိုင်ခန့် အကွာရှိ မုံလှရွာလေးသည် ပူပြင်းသည့်  နေရောင်အောက်တွင် ငြိမ်သက်လျက်ရှိသည်။ ရံဖန် ရံခါ ကွင်းပြင်များကို ဖြတ်သန်းတိုက်ခတ်လာသည့် လေသည် မူးမြောင်းရေနှင့် ထိတွေ့သည့်အခါ လေ အေးအဖြစ် ပြောင်းလဲသွားသည်မှအပ ထူးခြားမှု  မရှိပေ။
လွန်ခဲ့သည် ၁၂ ရာစုခန့်က ဥရောပ၌ ခေတ်စား ခဲ့သော ဂိုသစ် လက်ရာဟန် တည်ဆောက်ထားသော “စိန့်မိုက်ကယ်” ကက်သလစ် ဘုရားကျောင်းကြီးက တိတ်ဆိတ်လှသည့် မုံလှရွာလယ်၌ ထီးထီး။ ကျောင်း ပရိဝုဏ်အတွင်း၌မူ သာသနာပြုရန် ဥရောပမှ လာ ရောက်နေထိုင်ရင်း ပျံလွန်တော်မူသွားသည့် အီတလီ အခြေစိုက် ဘားရ်နားဘိုက် (barnabite) သာ သနာပြု ခရစ်ယာန်ဘုန်းတော်ကြီးများ၏ ဂူသင်္ချိုင်း များက  အစီအရီ။  “မြန်မာပုံနှိပ်စာ  တီထွင်သူ” အီတလီ ဘုန်းတော်ကြီး မွန်ဆာဂျွန်မာရီပဲရ်ကော်တို (Monsor John Mary Precoto) ဆိုသည့် နာမည် ကိုလည်း သင်္ချိုင်းဂူတခု၏ စကျင်ကျောက်ပြားပေါ် တွင် ကမ္ပည်းထိုးထားသည်။
ဤသင်္ချိုင်းကား အညာဒေသသို့ သုံ့ပန်းအဖြစ် ပို့ဆောင်ခြင်းခံရသည့် ပေါ်တူဂီများကို ဘာသာရေး အရ ထိန်းကျောင်းပေးရန် ရောမသာသနာမှ စေ လွှတ်လိုက်သည့် ရိုမန်ကက်သလစ် ဘုန်းတော်ကြီး များ၏ အုတ်ဂူများဟု မုံလှရွာခံများက ဆို၏။ ရွာခံ များထဲ၌ အသက် ၈၉နှစ် အရွယ်ရှိ ဦးဘဌေး ဆိုသူ ကိုယ်တိုင်ပင် ပေါ်တူဂီအနွယ်မှ ဆင်းသက်လာသူ တဦးဖြစ်ပြီး အရပ်ရှည်ရှည်၊ နှာတံပေါ်ပေါ်၊ ထူထဲ သည့် မျက်ခုံးနှင့် ပြာလဲ့သည့်မျက်လုံးတစုံကို ကြည့် ခြင်းဖြင့် ရုပ်ရည် ရူပကာယမှာ ပီဘိ ပေါ်တူဂီပင်။
“မိဘကပြောလို့သာ ပေါ်တူဂီမျိုးနွယ်က ဆင်း သက်လာတယ်လို့ သိရပေမယ့် ဖဲထုပ်များလိုသာပ၊ ကုလားဖန်ထိုးလွန်းလို့ အထက်ဟာ အောက်ရောက်၊ အောက်ဟာ အထက်ရောက်၊ အရောရောအနှောနှော ဖြစ်ကုန်ပြီ” ဟု ဦးဘဌေးက သူ၏ မျိုးရိုးဇာတိနှင့် ပတ်သက်၍ စကားဆို၏။
ပေါ်တူဂီအနွယ်မှ ဆင်းသက်လာသူဖြစ်ကြောင်း ရုပ်ရည်အရ သက်သေခံနေသော်ငြားလည်း စကား ပြောသည့်  အခါတွင်မူ  အညာလေဖြင့်  ဥပမာ ဥပမေယျ ကြွယ်ကြွယ်၊ ဇဝဉာဏ်ရွှင်ရွှင် ပြောတတ်ကာ ပြောင်းဖူးဖက် ဆေးလိပ်ကို ခဲထားသည့် သူ၏ ဟန်ပန်က အညာသားတဦးကဲ့သို့ပင်။ ဦးဘဌေး သာမက သားသမီး၊ မြေးများ၏ ရုပ်ဆင်းအင်္ဂါများ ကလည်း မျက်လုံးပြာပြာ၊ နှာတံပေါ်ပေါ်များပင် ဖြစ်ပြီး မျိုးရိုးဗီဇအရ တိမ်မြုပ်နေသည့် ပေါ်တူဂီသွေး ပြန်လည်ပေါ်ထွက်လာပုံရသည်။
မုံလှရွာတွင် ပေါ်တူဂီအနွယ်ဝင် ဘရင်ဂျီအိမ်ခြေ ပေါင်း ၁၇၀ ခန့်ရှိပြီး လယ်ယာကိုင်းကျွန်း၊ အမဲ လိုင်စင်လုပ်ငန်း၊ ဈေးရောင်းခြင်းတို့ဖြင့် အသက်မွေး ကြပြီး ဘေးပတ်ဝန်းကျင်ရှိ ဗုဒ္ဓဘာသာဝင်များနှင့် လည်း လူမှုရေးအရ သင့်တင့်ညီညွတ်စွာ နေထိုင်ကြ သည်ဟု သိရသည်။
အလားတူ ရေဦးမြို့နယ်အတွင်းရှိ ချမ်းသာရွာ ၌လည်း ပေါ်တူဂီ အနွယ်ဝင် ဘရင်ဂျီ ၁၁၀ဝ ကျော် နေထိုင်လျက်ရှိပြီး ရွာလယ်ရှိ မယ်တော်ဘုရား ကျောင်း၌ စာသင်နေသည့် ကလေးအများစု၏ ရုပ် ဆင်းအင်္ဂါမှာ နိုင်ငံတကာ ဘောလုံးပွဲများတွင် မြင် တွေ့နေကျ ပေါ်တူဂီ ဘောလုံးသမားများဖြစ်သည့် ကွန်ဆီကာအို၊ ရူဒီကော်စတာ၊ ပေါ်လိုဆိုဆာ၊ လူးဝစ်ဖီဂို၊ စီရော်နယ်ဒို၊ နာနီတို့ကဲ့သို့ ရုပ်ချင်း ခပ် ဆင်ဆင်။
ပေါ်တူဂီအနွယ် ဘုန်တော်ကြီး ဖာသာ ပေါလ် သက်ခိုင် (Fr.Paul Thet Khaing) ကမူ “မျိုးဆက်အနေနဲ့ သုံးဆက်လောက်ခြားခဲ့ပြီ ဆိုပေမယ့် ကိုယ့် ကိုယ်ကိုယ် ပေါ်တူဂီမျိုးနွယ်လို့ စိတ်ထဲက ခံစားမိ တော့၊ ဘောလုံးပွဲ အားပေးရင်တောင် ဒိုလေး (စီ ရိုနယ်ဒို) တို့၊ နာနီတို့ပါတဲ့ ပေါ်တူဂီအသင်းကိုပဲ ကိုယ့်အမျိုးအသင်းလိုမှတ်ပြီး အားပေးတယ်၊ ဝေး တော့ ဝေးခဲ့ကြပါပြီ” ဆိုသည်။
ဥရောပ တောင်ပိုင်းသား ပေါ်တူဂီများ အညာ ဒေသသို့  ရောက်ရှိလာပုံကို  လေ့လာကြည့်ပါက ၁၄၉၈ ခုနှစ် ဗာစကိုဒဂါးမားက အိန္ဒိယတိုက်ငယ်ကို ရှာဖွေတွေ့ရှိခြင်းက စတင်ရပေမည်။ အိန္ဒိယတိုက် ငယ်ကို ရှာဖွေတွေ့ရှိခဲ့ခြင်းကြောင့် ပုပ်ရဟန်းမင်းကြီး ဆဋ္ဌမမြောက် အလက်ဇန္ဒားက သူတို့၏ ဘိုးဘွား ပေါ်တူဂီများကို  ကမ္ဘာ့အရှေ့ခြမ်းအား အပိုင်စား ပေးခဲ့၏။ ဤကား သူတို့၏ ဘဝတဆစ်ချိုး ပြောင်း စေမည့် အစဟုပင် ဆိုရပေမည်။
အညာ, ပေါ်တူဂီ, ဥရောပတောင်ပိုင်း, အိန္ဒိယသမုဒ္ဒရာ, ဘရင်ဂျီ, စစ်ကိုင်းတိုင်း, ခင်ဦးမြို့, မုံလှရွာ
မုံလှရွာတွင် ပေါ်တူဂီအနွယ်ဝင် ဘရင်ဂျီအိမ်ခြေ ပေါင်း ၁၇၀ ခန့်ရှိသည် (ဓာတ်ပုံ- တေဇလှိုင်/ဧရာဝတီ)
အိန္ဒိယသမုဒ္ဒရာ ရေပြင်ထက်တွင် ကျက်စားရင်း ပါရှန်ပင်လယ်ကွေ့မှသည် မလက္ကာအထိ ရေလမ်း ကြောင်းကို ထိန်းချုပ်ကာ မြန်မာအပါအဝင် ဂိုအာ၊ သီဟိုဠ်၊ ထိုင်း၊ မလက္ကာ၊ မကာအို စသည့် အာရှ နိုင်ငံများနှင့် ရင်းနှီးကျွမ်းဝင်ခဲ့ကြသည်။ စွန့်စား သွားလာကာ နယ်သစ်ရှာဖွေသူများပီပီ တိုက်ခိုက် ရေးနှင့် စစ်ရေးစစ်ရာအတတ်တွင် ဝါသနာထုံသည့် အလျောက် ဒေသတွင်းမြို့ပြနိုင်ငံများ၏ ပဒေသရာဇ် စစ်ပွဲများတွင် ကြေးစားစစ်သားများအဖြစ် ပါဝင် တိုက်ခိုက်ခဲ့ကြ၏။
၁၅၀၅ ခုနှစ်က ပဲခူးရောက် အီတလီကုန်သည် တဦးက ပဲခူးဘုရင်ထံတွင် ပေါ်တူဂီစစ်သား ၁၀ဝ၀ ခန့် လစာရိက္ခာနှင့် အမှုထမ်းနေကြောင်း မှတ်တမ်း တင်ခဲ့ဖူးသည်။ တချိန်တည်းမှာပင် သံလွင်မြစ်ဝှမ်းရှိ မုတ္တမ (Mataban)၊ ဧရာဝတီ မြစ်ဝကျွန်းပေါ်ရှိ ပုသိမ် (Cosmin) နှင့် ရခိုင်ပြည်နယ် မြောက်ဦး စသည့် ခေတ်ပြိုင် မြို့ပြနိုင်ငံများသို့ ဝင်ထွက်ကာ ကူးသန်းရောင်းဝယ်ရင်း အမှုထမ်း အခြေချနေထိုင် ခဲ့ကြ၏။
တောင်ငူဘုရင် တပင်ရွှေထီး လက်ထက်နှင့် ဘုရင့်နောင် မင်းတြားကြီး၏ ပဲခူး၊ အင်းဝ၊ မိုးညှင်း၊ မဏိပူရ၊ မုတ္တမ၊ ရှမ်းကုန်းမြင့်၊ ဇင်းမယ်၊ အယုဒ္ဓယ၊ လင်းဇင်း စသည့် မြို့ပြနိုင်ငံများကို တိုက်ခိုက်သိမ်း ပိုက်ကာ ဟံသာဝတီ အင်ပါယာ ထူထောင်ရာ၌ ပေါ်တူဂီတို့သည် အရေးပါသည့် ကြေးစားစစ်သား များ ဖြစ်လာကြသည်။
ဘုရင့်နောင် နတ်ရွာစံပြီး နောက်ပိုင်း ဟံသာဝတီ  အင်ပါယာ  ပြိုကွဲသွားရာ  မြို့ပြနိုင်ငံများ ပြန်လည် ခေါင်းထောင်လာခဲ့၏ ၁၅၅၉-၆၀ ခုနှစ် အနောက်ဘက်ရှိ ရခိုင်ဘုရင် မင်းရာဇာကြီးသည် တောင်ငူမင်းနှင့် ပူးပေါင်းကာ ဟံသာဝတီ နန္ဒဘုရင် ကို  တိုက်ခိုက်အောင်မြင်သဖြင့် ၄င်း၏ ပေါ်တူဂီ ကြေးစားစစ်သား “ဖီလစ် ဒီဗရစ်တို နီကိုတီ” ကို သန်လျင်ဆိပ်ကမ်း ဘုရင်ခံအဖြစ် အပိုင်စားပေးပြီး အုပ်ချုပ်စေခဲ့သည်။
ဒီဗရစ်တို ကဲ့သို့သော ကြေးစားစစ်သားတဦး၏ လက်သို့ ရေကြောင်းအချက်အချာကျသော သန်လျင် အား ပေးအပ်လိုက်ခြင်းသည် မြန်မာမြေရောက် ကျန်ပေါ်တူဂီများအဖို့ မကြာမီ အပြောင်းအလဲ ဖြစ် လာမည့် နိမိတ်ဆိုးကြီးတခုပင် ဖြစ်၏။ ငဇင်ကာ အမည်ရ ဖိလစ်ဒီဗရစ်တို သည် ပေါ်တူဂီ စစ်ဗိုလ် ဆာလ်ဗာဒေါ ရီဘေ အီရိုဒေ ဆိုဆာ နှင့်အတူ သန် လျင်ကို အခိုင်အမာပြုပြီးလျှင် ဗုဒ္ဓဘာသာ ကျောင်း ကန် ပုထိုးမှ ကြေးခေါင်းလောင်းများကို အရည်ကျို ကာ အမြောက်လက်နက်သွန်းလုပ် စစ်ရေးပြင်သည်။
မိမိကိုယ်မိမိ  “ဘုရင် ဒီဗရစ်တို”  အဖြစ် ကြေညာအုပ်စိုးပြီး တခြားသော ဆိပ်ကမ်းမြို့များ ဖြစ်သည့် ပုသိမ်နှင့် ဒလကိုပါ ဆက်လက် သိမ်းပိုက် ကာ ပင်လယ်ရေကြောင်းကုန်သွယ်ရေးကို ထိန်းချုပ် သည်။ အခွန်ကင်းလွတ်ခွင့်ပြုသည့်အတွက် ကူးသန်း ရောင်းဝယ်ရေး  လုပ်ကိုင်ရန်  ပေါ်တူဂီလူမျိုး အမြောက်အမြား သန်လျင်တွင် လာရောက်နေထိုင် ကြရာ ဘာသာရေးအရ ကြည့်ရှုစောင့်ရှောက်မည့် ရိုမန်ကက်သလစ် ဘုန်းတော်ကြီးများလည်း တပါ တည်း ပါလာသည့်အတွက် ဒီဗရစ်တိုက သန်လျင် တွင် ဘုရင်ဂျီ ဘုရားရှိခိုးကျောင်းကြီး ဆောက်လုပ် ကာ လှူဒါန်း၏။
ဒီဗရစ်တိုသည် တောင်ငူကိုသိမ်းယူကာ မိတ်ဆွေ ဖြစ်သူ နတ်သျှင်နောင်ကို သန်လျင်သို့ တပါတည်း ခေါ်ဆောင်ပြီး ဗရင်ဂျီ ဘာသာသို့ ကူးပြောင်းစေ သည်။ ၄င်းတို့ မိတ်ဆွေနှစ်ဦးသည် နောက်ဆုံး အချိန်အထိ သေသည့်တိုင် အတူတကွ နေထိုင်ခဲ့ကြ သည်။ အင်းဝ၌ အုပ်စိုးနေသည့် ဘုရင့်နောင်၏မြေး အနောက်ဘက်လွန်မင်းသည် တန်ခိုးထွားလာသည့် ငဇင်ကာ (ခ) ဒီဗရစ်တို ၏ ဩဇာကို အပြီးတိုင် အဆုံးသတ်ရန် စီစဉ်တော့သည်။
၁၆၁၃ ခုနှစ် ဖေဖော်ဝါရီ ၂၀ ရက်တွင် လက်ဦးမှုယူပြီး သန်လျင်ကိုလုပ်ကြံရာ အောင်မြင် သဖြင့် ငဇင်ကာ (ခ) ဒီဗရစ်တို နှင့် သူ၏ မိတ်ဆွေ တောင်ငူဘုရင် နတ်သျှင်နောင် အပါအဝင် တခြား သော ပေါ်တူဂီခေါင်းဆောင်တို့ ကွပ်မျက်ခံရ၏။ ရှုံးနိမ့်မှု၏ နောက်ဆက်တွဲ အကျိုးဆက်ကား ကျန် ပေါ်တူဂီ ခရစ်ယာန် ၅ ထောင်ကျော် သုံ့ပန်းများ အဖြစ် ဖမ်းဆီးခံရကာ အင်းဝနေပြည်တော် အပါ အဝင် ဝေးလံပြီး ပူပြင်းခြောက်သွေ့သည့်  မူးမြစ်နှင့် ချင်းတွင်းမြစ်အကြား ကျေးရွာများသို့ ပို့ဆောင်ခံရ ခြင်း ဖြစ်လေသည်။
ပေါ်တူဂီများအား  သုံ့ပန်းအဖြစ်  အင်းဝသို့ ဖမ်းဆီးခေါ်ဆောင်ရာတွင် အလွန်ဆိုးရွား နိမ့်ကျလှ သည့် အခြေအနေကို ဘုန်းတော်ကြီး မာနြူရယ် ဒီဖုန်း ဆေးကာ (Fr.Manuel De Fonseca) က အိန္ဒိယနိုင်ငံ ဂိုအာမြို့ရှိ ပေါ်တူဂီဘုရင်ခံချုပ်ထံသို့ ဤသို့ စာရေးခဲ့၏။
အညာ, ပေါ်တူဂီ, ဥရောပတောင်ပိုင်း, အိန္ဒိယသမုဒ္ဒရာ, ဘရင်ဂျီ, စစ်ကိုင်းတိုင်း, ခင်ဦးမြို့, မုံလှရွာ
ရွာလယ်ရှိ မယ်တော်ဘုရား ကျောင်း (ဓာတ်ပုံ- တေဇလှိုင်/ဧရာဝတီ)
“ပေါ်တူဂီ ခရစ်ယာန်အားလုံး ကျေးကျွန်အဖြစ် သတ်မှတ်ခံရကာ၊ ကျွန်ုပ်နှင့် ဘုန်းတော်ကြီး ဒီအာ ဂူးနစ်တို့လည်း သံခြေချင်း အခတ်ခံရ၏။ အဆိုးရွား ဆုံး ရက်စက်ကြမ်းကြုတ်သည့် ညှဉ်းပန်းနှိပ်စက်မှုကို ခံရသည်။ မဟာ ပထဝီမြေကြီးသည် ကျွန်ုပ်တို့၏ မွေ့ရာ ခုတင်များဖြစ်ပြီး အစားအစာအတွက် တနေ့ လျှင် ဆန်ပြုတ်တခွက်သာ ရရှိပြီး မြန်မာစစ်သား များက လက်နက်ချ အညံ့ခံရန် ငြင်းဆန်သူများဟု စွပ်စွဲကာ မကြာခဏရိုက်နှက်၏။ အင်းဝသို့ ရောက် လျှင် မင်းစိုးရာဇာအမျိုးသမီးများနှင့် သာမန် အမျိုး သမီးများသည် ငတ်လွန်းလှသဖြင့် တအိမ်တက် ဆင်း တောင်းရမ်းစားသောက်ကြရပြီး မိသားစုများ မှာ မယားတကွဲ သားတကွဲ ဖြစ်နေကြရသည်အထိ ဘဝများ ကြမ်းတမ်းလှသည်” ဟု မှတ်တမ်းတင်ခဲ့ သည်။
ညှဉ်းပမ်းနှိပ်စက်မှုကြောင့် ဘုန်းတော်ကြီး ဒေ အေဂို နူနစ် (Fr.Diego Nunes) သည် လမ်းခရီးတွင်  ပျံလွန်တော်မူသည့်အတွက်  ဖာသာ  ဒီဖုန်း ဆေးကား တဦးတည်း အင်းဝတွင် စစ်အကျဉ်းသားအဖြစ် နေထိုင်ကာ ပေါ်တူဂီ ၅ ထောင်ကျော်ကို စောင့်ရှောက်ရ၏။
အင်းဝဘုရင်က အမြောက်လက်နက်ကျွမ်းကျင် သည့် ပေါ်တူဂီတို့ကို ဘုရင်၏ တော်ဝင်အမြောက် တပ်တွင် တာဝန်ထမ်းဆောင်စေသည်။ ၁၆၃၅ ခုနှစ် သာလွန်မင်းလက်ထက် အင်းဝတွင် ပေါ်တူဂီလူဦးရေ တိုးလာရာ ပုန်ကန်မှု ဖြစ်ပွားမည်ကို စိုးရိမ်သဖြင့် စစ်မှုထမ်းနှင့် အကြီးအကဲတချို့မှလွဲ၍ ကျန်သူများ ကို ချင်းတွင်းမြစ်နှင့် မူးမြစ်ကြားရှိ မုံလှ၊ ချမ်းသာ၊ မေဂွန်၊ ချောင်းရိုး၊ နဘက်၊ လက်တော်ရာ၊ ချောင်းဦး၊ မုဆိုးဘို၊ ဟံလင်း၊ ရွာတော် စသည့် ၁၃ ရွာသို့ ပို့ကာ လွတ်လပ်စွာ ကိုးကွယ်စေသည်။
အသားအရောင်ကို လိုက်၍ အသားဖြူများကို မုံလှနှင့် ချမ်းသာရွာ၊ ဂိုအာမှပါလာသည့် အိန္ဒိယ အနွယ်ဝင်များကို ချောင်းရိုးရွာ၊ ဒီဗရစ်တို၏ ဆွေမျိုး များကို တပရင်းကျွန်းတောသို့ပို့ဆောင်သည်။ သူတို့ ကဲ့သို့ ပင်လယ်ပျော်များကို ကုန်းခေါင်ခေါင် အရပ် သို့ ပို့ဆောင်ထားခြင်းကား ရေနေ ငါးသတ္တဝါကို ကုန်းပေါ်သို့ ပစ်တင်လိုက်သကဲ့သို့ပင် ဘဝမှာ ခက်ခဲ ကြမ်းတမ်းလှပေ၏။
စိုက်ပျိုးရေးဖြင့် အသက်မွေးဝမ်းကျောင်း ပြုရ သကဲ့သို့ တခါတရံ ဖြစ်ပေါ်လာသည့် ပဒေသရာဇ် စစ်ပွဲများတွင်  ကျွမ်းကျင်ရာလိမ္မာ  ဆိုသကဲ့သို့ အမြာက်တပ်သားများအဖြစ် အမှုထမ်းရသည်။ ၁၇၅၆ ခုနှစ် အလောင်းမင်းတရားကြီး ရန်ကုန်၊ သန်လျင်၊ ပဲခူး စသည့် တိုက်ပွဲများနှင့် ယိုးဒယားတို့ နှင့် တိုက်သည့် စစ်ပွဲတွင် ဖမ်းဆီးရမိသည့် ပြင်သစ် စစ်သုံ့ပန်း ၂၀ဝ ကို ပေါ်တူဂီများရှိရာ အဆိုပါရွာ များသို့ ထပ်မံပို့ဆောင်ခဲ့ပြန်၏။
ဆင်ဖြူရှင်မင်း လက်ထက် တရုတ် – မြန်မာ စစ်ဖြစ်ပွားရာ ကုလားဗိုလ်ဘွဲ့ခံ ပြင်သစ်ရေတပ်ဗိုလ် ပေတလု မိလဒ် (Petrus Millard) ခေါင်းဆောင် သည့် ပေါ်တူဂီ အမြောက်တပ်ဖွဲ့က မြန်မာတို့နှင့် အတူ ရဲဝံ့ကျွမ်းကျင်စွာ တိုက်ခိုက်ခဲ့ကြ၏။
ဘကြီးတော်ဘုရား လက်ထက် အင်္ဂလိပ်-မြန်မာ ပထမစစ်ပွဲ၌မူ ဗရင်ဂျီတပ်သားများ အများ အပြား ကျဆုံးခဲ့သည့်အတွက် ပေါ်တူဂီများအဖို့  ဒုတိယအကြိမ် လောကဓံတရားကို ဝမ်းနည်းဖွယ် ရာဖြင့် ကြုံရပြန်လေသည်။
ဤသို့ဖြင့်ပင် အသက်ရှင် ရပ်တည်မှုအတွက် ရှင်သန်ထမြောက်ရန် ကြိုးစားဖြတ်သန်းခဲ့သည်မှာ မျိုးဆက် ၄ ဆက်တိုင်တိုင် ရှိခဲ့လေပြီ။ မျိုးဆက် ၄ ဆက်အတွင်း ကိုးကွယ်ရာ ရိုမန်ကက်သလစ်ဘာသာ ကို ဆက်လက်ထိန်းသိမ်းထားနိုင်ခဲ့ကြသော်လည်း ယဉ်ကျေးမှုကိုမူ ထိန်းသိမ်းနိုင်ခြင်းမရှိသည့်အတွက် ယခုတိုင် ပေါ်တူဂီယဉ်ကျေးမှုဟူ၍ သူတို့ထံ၌ ဘာမျှ မတွေ့ရတော့ချေ။
“နှစ် ၄၀ဝ မှာ သွေးရောနှောမှု အရမ်းများသွား တော့ ပေါ်တူဂီဆိုတဲ့ အစွမ်းအစကို မရှိဘူး။ ဆင်း သက်လာတယ် ဆိုရုံလောက်ပဲ ပြောနိုင်တော့တယ်။ လူမှုရေး၊ ယဉ်ကျေးမှုက ဘာမှမရှိတော့ဘူး။ ဘာ သာရေးဘက်မှာသာ ထိန်းသိမ်းထားနိုင်တော့တယ်” ဟု ပေါ်တူဂီနွယ်ဖွား ဘုန်းတော်ကြီး ဖာသာ အာလ်ဖွန်း ဦးကိုလေး (Fr.Alphonse U Ko Lay) က ဆိုသည်။
အညာရောက် ပေါ်တူဂီများအနေဖြင့် ဒေသခံ မြန်မာများနှင့် သွေးနှောကာ မြန်မာ – ပေါ်တူဂီ ကပြားများ ထွက်ပေါ်ခဲ့သော်လည်း ယဉ်ကျေးမှုနှင့် ပတ်သက်၍မူ ကပြား ယဉ်ကျေးမှုအသစ်တခု ပေါ် ထွန်းလာခြင်းလည်း မရှိ။ တခြားသော မြန်မာမြေ ရောက် တရုတ်၊ ဟိန္ဒူ၊ မွတ်ဆလင်တို့ကဲ့သို့ ပေါ်တူဂီ များအနေဖြင့် မိမိတို့၏ယဉ်ကျေးမှုကို ထိန်းသိမ်းနိုင် ခြင်း မရှိပေ။ ရှေးဟောင်း ရိုမန်ကက်သလစ် ဘုရား ကျောင်းများသာ ပေါ်တူဂီတို့၏ အငွေ့အသက် အဖြစ် ကျန်ရစ်ခဲ့သည်။
ပေါ်တူဂီတို့ ပထမဆုံးအခြေချခဲ့သည့် သန်လျင် (Syriam) သည်ပင်လျှင် တခြားသော မလက္ကာ၊ ပီနန်၊ မကာအို၊ ဂိုအာ တို့ကဲ့သို့ ပေါ်တူဂီယဉ်ကျေးမှု ဘာသာစကား၊ ရပ်ကွက်များ၊ လမ်းများ အဆောက် အဦများ၊ စားသောက်ဆိုင်များပင် မကျန်ရစ်ခဲ့ကြပေ။
“ဒီဗရစ်တို” လှူဒါန်းခဲ့သည့်  မယ်တော်သခင်မ ဘုရားရှိခိုးကျောင်းကြီးသည် စစ်အတွင်း ပျက်စီးခဲ့ သည့်အတွက် ၁၇၅၀ ခုနှစ်တွင် အီတလီ ဘုန်းတော် ကြီး ပါအိုလို မာရီး နယ်ရီးနီး (Rev.Fr.Paolo Marie Nerini) က ပြန်လည်ပြင်ဆင်ခဲ့သည်။ စစ်၏ဒဏ်ကို အကြိမ်ကြိမ်ခံခဲ့ရသည့် ပျက်စီးနေ သော အဆိုပါ ဘုရားကျောင်းကြီးတခုသာ သမိုင်း အမွေအနှစ်အဖြစ် သန်လျင်တွင် ကျန်ရစ်ခဲ့၏။ ထို ကျောင်းတော်ကြီးပင်လျှင် အစိုးရက သိမ်းထား သည့်အတွက် မူလ ပေါ်တူဂီအနွယ်ဝင် ဘရင်ဂျီ ရိုမန်ကက်သလစ် ခရစ်ယာန်များအနေဖြင့် စီမံခန့်ခွဲ ခွင့် မရရှိပေ။
မြန်မာဘုရင်များ လက်ထက်နှင့် အင်္ဂလိပ် အစိုးရ လက်ထက်တိုင် တိုင်းပြည်ကာကွယ်ရေးတွင် ပါဝင်ခဲ့သည့် ပေါ်တူဂီအနွယ် ဘရင်ဂျီများဟု အသိ အမှတ်  ပြုခံခဲ့ရသော်လည်း  မြန်မာ့ဆိုရှယ်လစ် လမ်းစဉ်  အစိုးရလက်ထက်နှင့် စစ်အစိုးရ လက် ထက်တွင် အသိအမှတ်ပြုခြင်းပင် မခံရတော့ဘဲ သက်သေခံကတ်တွင် မြန်မာအဖြစ်သာ ထည့်သွင်း ခွင့် ရှိတော့သည်။
လူမျိုးဇာတိသာမက ဘာသာတရား ကိုးကွယ် ယုံကြည်မှုနှင့် ပတ်သက်၍လည်း ဖိနှိပ်ချုပ်ချယ်မှု များနှင့်ပင်  ကြုံခဲ့ရသည်ဟု  ဖာသာ  အာလ်ဖွန်း ဦးကိုလေးက ဆိုသည်။
“သမိုင်းကို သမိုင်းလိုပဲ ပြောချင်တယ်။ အဘိုး တွေ အဖေတွေအကြောင်းပြောရင် ဒါတွေက ပါလာ မှာပဲ။ ဖျောက်ဖျက်လို့လည်း ရတာမဟုတ်ဘူး။ တချို့က အမြင်စောင်းပြီး သံသယဖြစ်တယ်။ အမေ ကျော် ထွေးတော်လွမ်းတယ် ဆိုပြီး ဖြစ်လာတယ်။ ဘာသာရေးမှာလည်း လွတ်လပ်စွာဝတ်ပြုဆုတောင်း ခွင့်ပဲ ရှိတယ်။ ဘာသာရေးအရတော့ လွတ်လပ်ခွင့် မရှိဘူးလို့  ဆိုရမှာပါ”  ဟု  ဖာသာ အာလ်ဖွန်း ဦးကိုလေးက ထောက်ပြသည်။
ကိုးကား
၁။        “အင်းဝရောက် ခြေရာများ” – ဖာသာ အေ ကိုလေး
၂။        “မန်းလေး ကက်သလစ် သာသနာနှင့် ဘရင်ဂျီရွာကြီးများ ” – ဆရာအောင်ညွန့်
၃။        ချမ်းသာရွာသမိုင်း

Monday, February 3, 2014

အရူးထောင်



အရူးထောင်

ကျုပ်အခု အရူးထောင်မှာဗျ။   ဗျာ---  (အာ ) သွားလေ့လာနေတာမဟုတ်ဘူး ကျုပ်ကိုယ်တိုင် အရူးတစ်ယောက်အနေနဲ့ ရောက်နေတာပါ။ အဟုတ်ပြောတာ တကယ် ။ နေဦး ကျုပ်ရောက်နေတဲ့ အရူးထောင်အကြောင်း ခင်ဗျားကိုနည်းနည်းပြောပြမယ်။ 

ကျုပ်ရောက်နေတဲ့အရူးထောင်ကြီးက အကျယ်ကြီးရယ်။ တောတွေ တောင်တွေလည်းရှိတယ်။ ရေတံခွန်တွေ ချောင်းတွေ မြစ်တွေလည်းရှိတယ်။ ကျေးငှက်သာရကာတွေလည်းရှိတယ်။ ဥဒဟိုသွားလာနေတဲ့ ယဉ်ကြီးယဉ်ငယ် တွေလည်းရှိတယ်။ ကြည်လင်သန့်ရှင်းစင်ကြယ်တဲ့ လေနုအေးလေးတွေ ရှိတဲ့နေရာ ရှိသလို ကာဗွန်ဒိုင်အောက်ဆိုဒ် ဖုံမှုံ့တွေနဲ့ မွန်းကျပ်နေတဲ့ နေရာလည်းရှိတယ်။ ပြောပီပါပကော  အကျယ်ကြီးပါဆိုနေ။
ထူးဆန်းတာက မွန်းကျပ်ပိတ်လှောင်နေတဲ့နေရာကို အရူးတွေတော်တော်ကြိုက်တာဗျ။ အခုကျုပ်လည်း အဲဒီ နေရာမှာပဲ။ အရူးဆိုပေမယ့် ကိုယ့်ကိုယ်ကို ရူးမှန်းတော့ ဘယ်သူသိပါ့မလဲ။ အားလုံး ပျော်နေကြတာပေါ့။ အဲ တစ်ခုထူးဆန်းတာက ဒီအရူးထောင်မှာ အရူးကုဆရာဝန်မရှိဘူးဗျို့။ အဲ ပျောက်ချင်ရင်တော့ ကိုယ့်ဖာသာ ကုပေတော့။ တစ်ခါတုန်းကတော့ ဒီမှာ အရူးတွေကို လွတ်မြောက်အောင် ကုစားပေးတဲ့ ဆရာကြီး တစ်ပါး ရှိခဲ့ဖူးတယ်တဲ့ဗျ။ သူ့မေတ္တာတရားကြောင့်အရူးအတော်များများ လွတ်မြောက်ချမ်းသာသွားဖူးတယ်။ ဆရာကြီးလည်း နောင် အရူးတွေ ပျောက်စေချင်တဲ့ မေတ္တာနဲ့ တပည့်တွေမွေးပြီး ကုနည်းတွေ သင်ခဲ့ပေးပါရဲ့။ ခုတော့ သူ့တပည့်တွေထဲကတောင် အချို့ သွက်သွက်ခါနေမှတော့  အင်းးးး ကျုပ်တို့အရူးတွေပျောက်ဖို့ မျှော်လင့်ချက် မှေးမှိန်စပြုနေပီပေါ့ဗျာ။

ကျုပ်တို့ အရူးထောင်မှာ သံတံတိုင်းတွေနဲ့ ကာရံမထားဘူး။ ကြိုးတွေနဲ့ တုတ်နှောင်မထားဘူး။ ခြေထိပ်လက်ထိပ် မခတ်ထားဘူး။ အရူးတွေကို စောင့်ရှောက်ထိမ်းသိမ်းကြပ်မတ်ဘို့ ဝန်ထမ်းမရှိဘူး။ ဘာဖြစ်လို့လဲဆိုတော့ မလိုလို့ဗျ။ ဟုတ်တယ်။ ဘာလို့လဲဆိုတော့ ကျုပ်တို့အရူးတွေကိုယ်တိုင် အင်မတန်ခိုင်ပြီး မမြင်ရတဲ့ ကြိုးတွေနဲ့ အရူးအချင်းချင်း နှလုံးသားတွေ ဖောက်ပြီး တုတ်နှောင်ထားတယ်။ အခြား အရာဝတ္တုတွေနဲ့လည်း တုတ်နှောင်ထားတတ်တယ်။ ကိုယ်ကျေကျေနပ်နပ် တုတ်နှောင်ထားတဲ့ကြိုးတွေကို ကိုယ်တိုင် မဖြုတ်မဖြတ်ချင်မှတော့ဗျာ  အခြား ဘာလိုသေးလို့လဲ။
အဆန်းမဟုတ်ပါဘူး။

ကျုပ် အခု မှန်တာပြောရရင် ဒီအရူးထောင်ကနေ လွတ်မြောက်ချင်တယ်ဗျ။ ကျုပ် စိတ်ကူးနဲ့ ရုန်းထွက်ကြည့်သေးတယ်။ ကျုပ်နှလုံးသားနဲ့ ဆက်ထားတဲ့ သံမဏိသံယောဇဉ်ကြိုးကြောင့် သွေးစိမ်း တောက်တောက်ကျအောင် နာကျင်တယ်ဗျို့ မခံစားနိုင်သေးဘူး။ ကျုပ်တောင် ဒီလောက်နာရင် အခြား ကျုပ်နဲ့ ဆက်ထားတဲ့ နှလုံးသားတွေလည်း နာမှာပဲ။ ကျုပ်ဒီလိုတွေးရင်းလက်လျှော့ခဲ့ရတယ်။အချို့အရူးတွေလည်း ကြိုးတန်းလန်းနဲ့ အရူးထောင်ကနေ လွတ်အောင် ကြိုးစား ရုန်းနေတာ ကြည့်ပြီး ကျုပ် ပြုံးမိတယ်။ ဒီကြိုးတွေ မပြတ်ဘဲ မဖြတ်ဘဲ ဘယ်အရူးမှ ဒီအရူးထောင်က လွတ်မှာ မဟုတ်ဘဲကိုး။ 

အချို့အရူးတွေကိုတော့ ကျုပ်လေးစားသဗျ။ သူတို့ ချည်နှောင်ထားတဲ့ကြိုးတွေကို တစ်ခါတည်း အကုန်အစင် မဖြတ်နိုင်မှန်းသိလို့ ဖြတ်လို့ရတဲ့ကြိုးတွေ ရွေးပြီးဖြတ်နေကြတယ်။ သူတို့ တစ်နေ့ လွတ်မြောက်မှာလို့ ကျုပ်တော့ ယုံကြည်တယ်။ တစ်ခုပဲ တစ်ကြိုးပြတ် တစ်ကြိုးထပ်မချည်ဘူးဆိုရင်ပေါ့လေ။

ထပ်ပြောချင်သေးတယ်
ကျုပ် ဒီအရူးထောင်ကနေ လွတ်ချင်ပါတယ်

အခု မလွတ်သေးပေါ့အတူတူတော့ ကိုထီးရဲ့ သီချင်းလေးကို ညည်းလိုက်ဦးမယ်ဗျာ--

``အချစ်ထောင်``တဲ့
အချစ်ထောင်××× သံယောဇဉ်ကြိုးနဲ့ တည်းနှောင်ထားတဲ့×× အကျဉ်းထောင်×× ကိုယ်ဘယ်လိုလုပ်ြ့ပီး ရုန်းမှာလဲ××  မင်းပြောပါ××ကိုယ်ပိုင်တဲ့ ××လွတ်လပ်မှုတွေ အားလုံး×× ဆုံးရှုံးပြီ×× အိုးးး  ထာဝရ ချုပ်နှောင်××  မင်းအကျဉ်းထောင်
နေပူပါစေ×× မိုးချုပ်ပါစေ  ×× ရတယ်××မှောင်နေပါစေ×× လင်းလွန်းပါစေရတယ်×× ရီပါစေ××ငိုပါစေ×× ပြုံးပါစေ×× မဲ့ပါစေ×× ဘာဖြစ်ဖြစ်ရနေပါတယ်×× အစဉ်မြဲလည်းရပါစေမယ်××  အချစ်×× အကျယ်ချုပ်လားအချစ်×× တကယ်လုပ်မလားအချစ်×× ကျေအက်နှလုံးသား×× စံပြအကျဉ်းသား××-

တိုင်းပြည်မဆုတ်ယုတ်ကြောင်းတရား

တိုင်းပြည် မဆုတ်ယုတ်ကြောင်းတရား

Written by  မိုးသု (မန္တလေး)

စင်ကာပူနိုင်ငံရောက် အင်ဂျင်နီယာလေးတစ်ဦးက ဘုရားရှင်ဟာ “သဗ္ဗညုတ ဘုရားရှင်” ဖြစ်ပြီးမှ အမှား လုပ်မိသေးလား” လို့ မေးပါတယ်။ “မလုပ်မိဘူး” လို့ဖြေတော့ “ဝေသာလီ တိုင်းပြည်ဟာ ဘုရားရဲ့ အမှားကြောင့် ပျက်စီးခဲ့ရတာ မဟုတ်ဘူးလား” လို့ ပြန်ပြောပါတယ်။ စာကို သေချာ ဖတ်မထားရင်၊ စာပေကျမ်းဂန် နှံ့နှံ့စပ်စပ် ဖတ်မထား သူမှန်ရင် သူထင်သလိုပဲ ထင်ကြမှာပါပဲ။
သူက အရှင်အာနန္ဒာနဲ့ ဘုရားရှင်တို့ အပြန်အလှန်ပြောတဲ့ စကားတွေကြောင့် ဝေသာလီပြည် ပျက်စီးရတယ်လို့ ထင်မှတ်နေတာ ဖြစ်ပါတယ်။ ဒီကိစ္စဟာ သာသနာတော်အတွက် ဖြေရှင်းပေးသင့်တဲ့ ကိစ္စဖြစ်သလို မြန်မာနိုင်ငံကြီးကို ဖွံ့ဖြိုး တိုးတက်အောင် တည်ဆောက်နေရာမှာလည်း ဒီအချက်အလက်တွေဟာ အထောက်အကူ ပြုနိုင်တာကြောင့် ရေးသားတင်ပြ ပေးချင်ပါတယ်။
ဝေသာလီပြည်နဲ့ ရာဇဂြိုဟ်ပြည် အကြားမှာ တစ်နှစ်လျှင် အခွန်ငွေ တစ်သိန်းထွက်ရှိတဲ့ ဆိပ်ကမ်းရွာလေး တစ်ရွာ ရှိပါတယ်။ အဲဒီရွာကလေးဟာ ရွာတစ်ဝက်က ဝေသာလီ နယ်နိမိတ်ထဲ ပါဝင်ပြီး တစ်ဝက်က ရာဇဂြိုဟ် နယ်နိမိတ်ထဲ ပါဝင်နေကာ တိုင်းပြည်နှစ်ခု သူပိုင်ငါပိုင် အငြင်းပွားနေတဲ့ ရွာကလေးပါ။ အခွန်ကောက်ချိန် ရောက်ရင် ဝေသာလီကအရင် ရောက်လာရင် ရွာသူကြီးက ဝေသာလီကို ပေးလိုက်ပါတယ်။ ရာဇဂြိုဟ်အရင် ရောက်လာရင်လည်း ရာဇဂြိုဟ်ကို ပေးလိုက်ပါတယ်။ စည်းကမ်းရှိတာက ဝေသာလီကို ပေးလိုက်ရင်လည်း ရာဇဂြိုဟ်က ရွာသူကြီးကို ပြဿနာ မရှာပါဘူး။ ရာဇဂြိုဟ်ကို ပေးလိုက်တဲ့ နှစ်မှာလည်း ဝေသာလီက ပြဿနာ မရှာပါဘူး။ မြန်မာနိုင်ငံမှာ ပြည်နယ်အချို့မှာ လက်နက်ကိုင်က အခွန်ကောက်လိုက် အစိုးရက အခွန် ကောက်လိုက် ဖြစ်နေတာကို ပြည်သူတွေကို ထောက်ထားသောအားဖြင့် ပြန်လည် စဉ်းစားသင့်တယ်လို့ ထင်မြင်မိပါတယ်။
တစ်နှစ်တော့ ဝေသာလီက အရင်ရောက်လာတာမို့ ရာဇဂြိုဟ်လာတဲ့အခါမှာ ဝေသာလီကို ပေးလိုက်ပြီ ဖြစ်ကြောင်း ရွာသူကြီးက တင်ပြပါတယ်။ ဝေသာလီက အခွန်ငွေ တစ်သိန်းကို ၂ နှစ်ဆက်တိုက် ရရှိသွားပါတယ်။ ရာဇဂြိုဟ်အဖွဲ့ဟာ နေပြည်တော် ပြန်ပြီး အဇာတသတ်မင်းကို အကြောင်းစုံ တင်လျှောက်ပါတယ်။ တင်ပြမှု အဆုံးမှာ အဇာတသတ်မင်းဟာ ဒေါသ ခြောင်းခြောင်းထွက်ပြီး “ဝေသာလီကို အပြုတ်တိုက်ပြီး ဝဇ္ဇီမင်းမျိုးတွေကို မျိုးတုံးသတ်မယ်” လို့ပြောပြီး ဝေသာလီကို စစ်သွားတိုက်ဖို့ ဆိုင်ရာ စစ်သူကြီးတွေကို စစ်အင်္ဂါလေးပါး ပြင်ခိုင်းပါတယ်။ စစ်ချီဖို့ အဆင်သင့် ဖြစ်နေပြီဆိုတဲ့ အကြောင်း ဆိုင်ရာစစ်သူကြီးများက တင်ပြတဲ့အခါမှာ အဇာတသတ်မင်းဟာ သတိပြန်ကပ်ပြီး “တိုင်းတစ်ပါးကို စစ်တိုက်ခြင်းကား အလွန်ဝန်လေး၏။ ပညာရှိတို့နဲ့အရင် တိုင်ပင်သင့်၏။ ဤလောက၌ ဘုရားတည်းဟူသော ပညာရှိမည်သည်ရှိ၏။ အကယ်၍ ငါစစ်ထိုး၍ အကျိုးရှိမည် ဖြစ်လျှင် ဘုရားရှင်သည် ဆိတ်ဆိတ်နေလိမ့်မယ်။ အကျိုးမရှိလျှင် စစ်တိုက်လို့ ဘာအကျိုးရှိမှာလဲလို့ မိန့်တော်မူလိမ့်မယ်” လို့ ကြံစည် စဉ်းစားပြီး ဝေဿကာရ အမတ်ချုပ်ကြီး ဘုရားဆီ စေလွှတ်ပြီး အကြောင်းစုံ လျှောက်ထားခိုင်းပါတယ်။

ဝေဿကာရ အမတ်ချုပ်ကြီးရဲ့ လျှောက်ထားချက်ကို ကြားသိရတဲ့ ဘုရားရှင်ဟာ အမတ်ချုပ်ကြီးကို ဘာမှမပြောဘဲ အနားမှာ ယပ်ခတ်ပေးနေတဲ့ အရှင်အာနန္ဒာမထေရ်ကို မေးခွန်းများ မေးတော်မူပါတယ်။

၁။ “ချစ်သား အာနန္ဒာ ဝဇ္ဇီမင်းတို့သည် မကြာမကြာ စည်းဝေးကုန်၏လော။ အကြိမ်များစွာ စည်းဝေးကုန်၏လော။ သင်ချစ်သား အဘယ်သို့ ကြားရကုန်သနည်း”

“မြတ်စွာဘုရား၊ ဝဇ္ဇီမင်းတို့သည် မကြာမကြာ စည်းဝေးကုန်၏။ အကြိမ်များစွာ စည်းဝေးကုန်၏ဟု တပည့်တော် ကြားသိရပါသည်”

“အာနန္ဒာ၊ ဝဇ္ဇီမင်းတို့ မကြာမကြာ စည်းဝေးကုန်လျက် ကြိမ်ဖန်များစွာ စည်းဝေးနေကြသမျှ ကာလပတ်လုံး ဆုတ်ယုတ် ပျက်စီးရန် အကြောင်းမရှိ။ ကြီးပွား တိုးတက်ရန်သာ အကြောင်းရှိ၏”

၂။ “ချစ်သား အာနန္ဒာ၊ ဝဇ္ဇီမင်းတို့သည် အညီအညွတ် စည်းဝေးကုန်လော။ အညီအညွတ် အစည်းအဝေးမှ ထကြကုန်၏လော။ တိုင်းရေးပြည်ရာ ကိစ္စများကို အညီအညွတ် ဆောင်ရွက်ကြကုန်၏လော။”

“မြတ်စွာဘုရား၊ ဝဇ္ဇီမင်းတို့သည် အညီအညွတ် စည်းဝေးကုန်၏။ အညီအညွတ် အစည်းအဝေးမှ ထကြကုန်၏။ တိုင်းရေးပြည်ရာ ကိစ္စများကို အညီအညွတ် ဆောင်ရွက်ကုန်၏”

“အာနန္ဒာ၊ အညီအညွတ် စည်းဝေးကြကုန်လျက် အညီအညွတ် အစည်းအဝေးမှ ထကြကုန်လျက် တိုင်းရေးပြည်ရာ ကိစ္စများကို အညီအညွတ် ဆောင်ရွက်နေကြသမျှ ကာလပတ်လုံး ပျက်စီးဆုတ်ယုတ်ရန် အကြောင်းမရှိ။ ကြီးပွား တိုးတက်ရန်သာ အကြောင်းရှိ၏”

၃။ “ချစ်သား အာနန္ဒာ၊ ဝဇ္ဇီမင်းတို့သည် မပညတ်ခဲ့သော အရာကို မပညတ်ဘဲ ရှိကုန်၏လော။ ပညတ်ပြီးသော အရာကို မပယ်ဖျက်ဘဲ ရှိကုန်၏လော။ ပညတ်ထားသမျှသော ကျင့်ထုံးဥပဒေတို့ကို လိုက်နာကြကုန်၏လော”

“မြတ်စွာဘုရား၊ ဝဇ္ဇီမင်းတို့သည် မပညတ်ခဲ့သော အရာကို မပညတ်ကြကုန်။ ပညတ်ပြီးသော အရာကိုလည်း မပယ်ဖျက်ကြကုန်။ ပညတ်ထားသမျှသော ကျင့်ထုံးဥပဒေတို့ကိုလည်း လိုက်နာကြကုန်၏”
“အာနန္ဒာ၊ ဝဇ္ဇီမင်းတို့သည် မပညတ်ခဲ့သော အရာကို မပညတ်ကြဘဲ။ ပညတ်ပြီးသော အရာကိုလည်း မပယ်ဖျက်ဘဲ။ ပညတ်ထားသမျှသော ကျင့်ထုံးဥပဒေတို့ကိုလည်း လိုက်နာနေကြသမျှ ကာလပတ်လုံး ပျက်စီး ဆုတ်ယုတ်ရန် အကြောင်းမရှိ။ ကြီးပွားတိုးတက်ရန်သာ အကြောင်းရှိ၏။” ဒီအမေးအဖြေမှာ မပညတ်ခဲ့သော အရာကို မပညတ်ကြဘဲဆိုတာက ရှေးမင်းများ လက်ထက် အခွန်အတုတ် မကောက်ယူခဲ့တဲ့ အရာဌာနတွေကို အခွန်ကောက်ယူခြင်း မယူခြင်းကို မေးမြန်းလိုတာ ဖြစ်ပါတယ်။ ပညတ်ပြီးသော အရာကိုလည်း မပယ်ဖျက်ဘဲဆိုတာက ရှေးမင်းများလက်ထက် ကောက်ယူခဲ့တဲ့ အခွန်အတုတ်တွေကို မှန်မှန်ကန်ကန် ကောက်ယူရဲ့လားလို့ မေးမြန်းလိုရင်း ဖြစ်ပါတယ်။
၎။ “ချစ်သား အာနန္ဒာ၊ ဝဇ္ဇီမင်းတို့သည် အသက်ကြီးကုန်သော ဝဇ္ဇီမင်းတို့ကို အရိုအသေ ပြုကြကုန်၏လော။ အလေးပြုကြကုန်၏လော။ မြတ်နိုးကုန်၏လော။ ပူဇော်ကုန်၏လော။ ထိုအသက်ကြီးသူတို့၏ စကားကိုလည်း နာယူသင့်သည်ဟု ထင်မှတ်ကြကုန်၏လော”

“မြတ်စွာဘုရား၊ ဝဇ္ဇီမင်းတို့သည် အသက်ကြီးကုန်သော ဝဇ္ဇီမင်းတို့ကို အရိုအသေ ပြုကြကုန်၏။ အလေးပြုကြကုန်၏။ မြတ်နိုးကုန်၏။ ပူဇော်ကုန်၏။ ထိုအသက်ကြီးသူတို့၏ စကားကိုလည်း နာယူသင့်သည်ဟု ထင်မှတ်ကြကုန်၏”

“အာနန္ဒာ၊ ထိုသို့ဖြစ်လျှင် ဝဇ္ဇီမင်းတို့သည် ပျက်စီး ဆုတ်ယုတ်ရန် အကြောင်းမရှိ။ ကြီးပွားတိုးတက်ရန်သာ အကြောင်းရှိ၏”

၅။ “ချစ်သား အာနန္ဒာ၊ ဝဇ္ဇီမင်းတို့သည် အမျိုးသမီးကြီးငယ်တို့ကို အတင်းဆွဲငင်၍ အနိုင်အထက် မသိမ်းပိုက်ဘဲ ရှိကြကုန်၏လော”

“မြတ်စွာဘုရား၊ ဝဇ္ဇီမင်းတို့သည် အမျိုးသမီးကြီးငယ်တို့ကို အတင်း ဆွဲငင်၍ အနိုင်အထက် မသိမ်းပိုက်ကြပါကုန်”

“အာနန္ဒာ၊ ထိုသို့ဖြစ်လျှင် ဝဇ္ဇီမင်းတို့သည် ပျက်စီး ဆုတ်ယုတ်ရန် အကြောင်းမရှိ။ ကြီးပွားတိုးတက်ရန်သာ အကြောင်းရှိ၏”

၆။ “ချစ်သား အာနန္ဒာ၊ ဝဇ္ဇီမင်းတို့သည် မြို့တွင်း မြို့ပြင်ရှိ နတ်ကွန်းတို့ကို အရိုအသေ ပြုကြကုန်၏လော။ အလေးပြုကြကုန်၏လော။ မြတ်နိုးကုန်၏လော။ ပူဇော်ကုန်၏လော။ ထိုနတ်ကွန်းတို့ကို ရှေးက ပေးလှူမြဲ ပြုမြဲ ဖြစ်သော တရားနှင့် မဆန့်ကျင်သည့် ဗလိနတ်စာကိုလည်း မဆုတ်ယုတ် စေဘဲရှိကုန်၏လော”

“မြတ်စွာဘုရား၊ ဝဇ္ဇီမင်းတို့သည် မြို့တွင်း မြို့ပြင်ရှိ နတ်ကွန်းတို့ကို အရိုအသေ ပြုကြကုန်၏။ အလေးပြုကြကုန်၏။ မြတ်နိုးကုန်၏။ ပူဇော်ကုန်၏။ ရှေးက ပေးလှူမြဲ ပြုမြဲဖြစ်သော တရားနှင့် မဆန့်ကျင်သည့် ဗလိနတ်စာကိုလည်း မဆုတ်ယုတ်စေကုန်”

“အာနန္ဒာ၊ ထိုသို့ဖြစ်လျှင် ဝဇ္ဇီမင်းတို့သည် ပျက်စီး ဆုတ်ယုတ်ရန် အကြောင်းမရှိ။ ကြီးပွားတိုးတက်ရန်သာ အကြောင်းရှိ၏”

မြို့တွင်း မြို့ပြင်ရှိ နတ်ကွန်းတို့ကို အရိုအသေပြုကြကုန်၏။ အလေးပြု ကြကုန်၏။ မြတ်နိုးကုန်၏။ ပူဇော်ကုန်၏။ ရှေးက ပေးလှူမြဲ ပြုမြဲဖြစ်သော တရားနှင့် မဆန့်ကျင်သည့် ဗလိနတ်စာကိုလည်း မဆုတ်ယုတ်စေသော မင်းတို့အား နတ်တို့သည် အစောင့်အနေ ကောင်းစွာ ချထားမှု မပြုကြကုန်။ နတ်တို့သည် မဖြစ်သေးသော ဆင်းရဲဒုက္ခကို ဖြစ်စေရန် မစွမ်းနိုင်ကြကုန်သော်လည်း ဖြစ်နေသော နှာစေးခြင်း၊ ခေါင်းကိုက်ခြင်းစသော ဆင်းရဲဒုက္ခတို့ကို တိုးပွားအောင် ပြုလုပ်နိုင်ကြကုန်၏။ ဗလိနတ်စာ တင်မြှောက်သော မင်းအား နတ်တို့သည် တတ်နိုင်သမျှ စောင့်ရှောက်ကြကုန်၏။ ဖြစ်နေသော ချောင်းဆိုး၊ ခေါင်းကိုက်စသော ရောဂါဝေဒနာတို့ကိုလည်း လျင်မြန်စွာ ပျောက်ကင်းအောင် လုပ်ပေးကြကုန်၏။ စစ်ဖြစ်သောအခါမှာ မိမိတိုင်းပြည်မှ တပ်တို့သည် ရှိရင်းထက် နှစ်ဆသုံးဆသဖွယ် တစ်ဖက်ရန်သူ အမြင်မှားရအောင် ဖန်ဆင်း ပေးကြကုန်၏။ တစ်ဖက်ရန်သူတို့ ကြောက်မက်ဖွယ်ရာ အဆင်းသဏ္ဌာန်တို့ ဖန်ဆင်းပြ ကုန်ကြ၏” လို့ ဒီအမေးအဖြေနဲ့ ပတ်သက်လို့ မဟာဗုဒ္ဓဝင်ကျမ်းမှာ မင်းကွန်းဆရာတော်ဘုရားကြီးက အကျယ်တဝင့် ရှင်းလင်း ပေးထားပါတယ်။

၇။ “ချစ်သား အာနန္ဒာ၊ ဝဇ္ဇီမင်းတို့သည် မကြွလာသေးသော ရဟန္တာတို့ကို ကြွလာစေခြင်းငှာ၊ ကြွလာပြီးသော ရဟန္တာတို့ကိုလည်း ဝဇ္ဇီတိုင်း၌ ချမ်းသာစွာ နေရခြင်းငှာ တရားနှင့်အညီ ကောင်းမွန်စွာ စောင့်ရှောက် ကာကွယ် ပေးကြကုန်၏လော”

“မြတ်စွာဘုရား၊ ဝဇ္ဇီမင်းတို့သည် မကြွလာသေးသော ရဟန္တာတို့ကို ကြွလာစေခြင်းငှာ၊ ကြွလာပြီးသော ရဟန္တာတို့ကိုလည်း ဝဇ္ဇီတိုင်း၌ ချမ်းသာစွာ နေရခြင်းငှာ တရားနှင့်အညီ ကောင်းမွန်စွာ စောင့်ရှောက် ကာကွယ်ပေးကြကုန်၏”

“အာနန္ဒာ၊ ထိုသို့ဖြစ်လျှင် ဝဇ္ဇီမင်းတို့သည် ပျက်စီး ဆုတ်ယုတ်ရန် အကြောင်းမရှိ။ ကြီးပွား တိုးတက်ရန်သာ အကြောင်းရှိ၏”

ဘုရားရှင်ဟာ အရှင်အာနန္ဒာ အမေးအဖြေ ပြုပြီးနောက်မှာ “ဝဿကာရ တစ်ခါတုန်းက ဝေသာလီပြည် သာရန္ဒဒ နတ်ကွန်း၌နေစဉ် ဝဇ္ဇီမင်းတို့အား တိုင်းပြည် ကြီးပွား တိုးတက်ကြောင်း ဤအပရိဟာနိယတရား ခုနစ်ပါးတို့ကို ငါဘုရား ဟောကြားခဲ့လေပြီ။ ဝဇ္ဇီမင်းတို့သည် ဤအပရိဟာ နိယတရားတို့ကို ကျင့်သုံးနေသမျှ ကာလပတ်လုံး ပျက်စီး ဆုတ်ယုတ်ရန် အကြောင်းမရှိချေ” လို့ အမတ်ချုပ်ကြီးကို မိန့်တော်မူပါတယ်။

ဒီအခါမှာ အမတ်ချုပ်ကြီးက “မြတ်စွာဘုရား၊ ဤအပရိဟာနိယတရား တစ်ပါးပါးနဲ့ ပြည့်စုံနေလျှင်ပင် ဝဇ္ဇီမင်းတို့ အဖို့ရာ ပျက်စီး ဆုတ်ယုတ်ရန် အကြောင်းမရှိပါ။ ခုနစ်ပါးလုံး ကျင့်နေလျှင်ကား ဆိုဖွယ်ရာ မရှိပါ။ အဇာတသတ်မင်းသည် ဖြားယောင်း သွေးဆောင်မှုကိုဖြစ်စေ အချင်းချင်း စိတ်ဝမ်း ကွဲစေမှုကို ဖြစ်စေ မပြုလုပ်ဘဲ စစ်တိုက်လျှင် ဝဇ္ဇီတိုင်းပြည်ကို သိမ်းပိုက်နိုင်ဖွယ်ရာ မရှိပါ။ တပည့်တော်တို့ကို ခွင့်ပြုပါဦး။ တပည့်တော်တို့သည် ပြုလုပ်ဖွယ်ရာ ကိစ္စများ ပြားကြပါကုန်၏” လို့ လျှောက်ထား ကန်တော့ပြီး နန်းတော် ပြန်သွားပါတယ်။

ဘုရားရှင်ဟာ အရှင်အာနန္ဒာနဲ့ အမေးအဖြေ စကားတို့ကို ဝဿကာရ ကြားသိပြီး ဝဇ္ဇီမင်းတို့ကို စစ်တိုက်ရန် ဗျူဟာ ရသွားမှာကို မသိ မဟုတ်ပါဘူး။ သိပါတယ်။ သိရဲ့နဲ့ ဘာလို့ ပြောတုံးဆိုတော့ အကယ်၍ ယခုလို မပြောဘဲနေရင် အဇာတသတ်မင်းက ဝဇ္ဇီမင်းတွေ အုပ်ချုပ်တဲ့ ဝေသာလီကို စစ်သွားတိုက်တော့မှာပါ။ အဇာတသတ်မင်းဟာ စစ်အင်အား အင်မတန် ကြီးမားတဲ့ စစ်ဘုရင်ကြီးမို့ အပရိဟာနိယ တရားကို ဝဇ္ဇီမင်းတွေ ကျင့်သုံးနေပါသော်လည်း အဇာတသတ်ကို စစ်ရှုံးကြရမှာပါ။ အဲဒီခေတ်အခါမှာ အဇာတသတ်မင်းရဲ့ ဂုဏ်ထူးတစ်ခုက “များသော စစ်အင်အားရှိသော မင်းကြီး” ဆိုတာ ဖြစ်ပါတယ်။ အခုလို မြတ်စွာဘုရားရဲ့ အမေးအဖြေစကားကြောင့် အဇာတသတ်မင်းဟာ ဝဇ္ဇီမင်းတွေ အချင်းချင်း စိတ်ဝမ်းကွဲအောင် လုပ်တာ သုံးနှစ်ကြာသွားတာမို့ ဝဇ္ဇီမင်းတွေအဖို့ အသက်သုံးနှစ် ရှင်သန်ခွင့် ပိုရသွားကြပါတယ်။ မြတ်စွာဘုရားသာ အမေးအဖြေမလုပ်ရင် ဝဇ္ဇီမင်းတွေ ရက်ပိုင်းအတွင်းမှာ သေကုန်ကြရမှာပါ။ မြတ်စွာဘုရားဟာ လှည့်ပတ် ပြောဆိုရာ မကျဘူးလားလို့ မေးစရာရှိပါတယ်။ လှည့်ပတ် ပြောဆိုရာ မကျပါဘူး။ အကယ်၍ စစ်အင်အားချင်းသာ ညီခဲ့မယ်ဆိုရင် ဒီတရား ခုနစ်ပါးကို ကျင့်သုံးတဲ့ နိုင်ငံက သေချာပေါက် စစ်နိုင်မှာပါ။ မြတ်စွာဘုရားရှင်က သီအိုရီကို ပြောပြခြင်းမျှသာ ဖြစ်ပါတယ်။ ဒါကြောင့် ဝေသာလီ တိုင်းပြည် ပျက်တာ ဘုရားရှင်ရဲ့ အမှားမဟုတ်ပါဘူး။
မြတ်စွာဘုရားရှင် မိန့်ကြားချက်များကို ခြုံငုံ သုံးသပ် ကြည့်လိုက်မယ်ဆိုရင် တိုင်းပြည်အုပ်ချုပ်သူတွေဟာ ညီညီညွတ်ညွတ် စည်းစည်းလုံးလုံး မှန်မှန်ကန်ကန် အလုပ်လုပ်ပြီး တရားဥပဒေကို အုပ်ချုပ်သူ လူတန်းစားများ ကိုယ်တိုင် လေးစားလိုက်နာရင် တိုင်းပြည်ဟာ ဖွံ့ဖြိုး တိုးတက်မယ်လို့ မိန့်တော်မူရင်း ဖြစ်တယ်ဆိုတာ သိသာ ထင်ရှားပါတယ်။ ခေတ်မီ ဖွံ့ဖြိုး တိုးတက်တဲ့ တိုင်းပြည်တစ်ခုဖြစ်ဖို့ လူတန်းစားမရွေး တရားဥပဒေကို လေးစား လိုက်နာဖို့ရန် လိုအပ်ပါတယ်။

ရှင်သူနှင့်သေသူများ

 
ရှင်သူနှင့်သေသူများ

-------------- ရေးသားသူ- ရဲမိုး

 နိုင်ငံရေးသမား နှစ်မျိုးနှစ်စားရှိပါသည်။ တစ်မျိုးကတော့ သမိုင်း၏ဆယ်စုနှစ်၊ ရာစုနှစ်များစွာကို ဖြတ်သန်းပြီး ဘယ်တော့မှမသေဆုံးသူ Immortal များဖြစ်ပြီး နောက်တစ်မျိုးကတော့ မရဏကိုမလွန်ဆန်နိုင်သည့် လူသားများအဖြစ် သေခြင်းတရား၏ ခေါ်ဆောင်ရာကို လိုက်ပါသွားကြသူများဖြစ်သည်။ ဘယ်တော့မှမသေဆုံးသည့် ထာဝရရှင်သန်မှု (Immortality)ကို ရရှိသွားသူများကတော့ သူတို့၏သတ္တိ၊ ရိုးသားမှု၊ စွန့်လွှတ်အနစ်နာခံမှုနှင့် သဘောထားကြီးမှုကို ရင်းနှီးပြီး သမိုင်း၏ရှင်သန်မှုကို ပိုင်ဆိုင်သွားခဲ့ကြသည်။ မရဏကိုမလွန်ဆန်နိုင်သူများကတော့ အချိန်တန်သည့်အခါ သင်္ခါရတရားအရ လူ့လောကကိုနှုတ်ဆက်စွန့်ခွာသွားကြသည်။ တဖြည်းဖြည်းနှင့် သမိုင်းစာမျက်နှာများအကြားမှာ သူတို့နာမည်များ မှေးမှိန်ပျောက်ကွယ်သွားကြရသည်။ ပြောရလျှင်တော့ ကမ္ဘာ့သမိုင်း၏ နိုင်ငံရေးသမားအများစုက ဒီအစုမှာ ပါပါလိမ့်မည်။ ၂၀၁၃ ခုနှစ် ဒီဇင်ဘာ ၅ ရက်က တောင်အာဖရိကနိုင်ငံ ဂျိုဟန်နက်စ်ဘာ့ဂ်မြို့မှာ နယ်လ်ဆင်မန်ဒဲလား မသေဆုံးခဲ့ပါ။ “သတ္တိရှိတဲ့လူဟာ ငြိမ်းချမ်းရေးရဖို့အတွက် ခွင့်လွှတ်ပေးရမှာကို ဘယ်တော့မှမကြောက်ဘူး”ဟုဆိုသည့် နယ်လ်ဆင်မန်ဒဲလားက မသေဆေး(Immortality)ကို ရရှိသွားခဲ့သူဖြစ်သည်။ သူ၏ယဉ်ကျေးသည့်ဘာသာစကား၊ သဘောထားကြီးသည့် စိတ်ဓာတ်နှင့် ပြည်သူအများအတွက် အနစ်နာခံမှုက လူသားရာဇ၀င်၏ ကျောက်သားမှာ ထွင်းထုခံထားရပြီဖြစ်သည်။ ၂၇ နှစ်တိတိ အကျဉ်းထောင်ထဲမှာနေခဲ့ရသူ၏ ယဉ်ကျေးဖော်ရွေသည့်အပြုံးက ကမ္ဘာမြေသားကို ထုတ်ချင်းပေါက်သွားစေခဲ့သည်။ မန်ဒဲလား မသေဆုံးပါ။ သူ့အသက် (၉၈)နှစ်ရှိပါပြီ။ ၁၈၀၉ ခုနှစ်၊ ဧပြီ ၁၅ ရက်က အမေရိကန်ပြည်ထောင်စု ကင်တပ်ကီပြည်နယ်မှာ အေဘရာဟင်လင်ကွန်း လုပ်ကြံခံခဲ့ရသည်။ သို့သော် သူ မသေဆုံးခဲ့ပါ။ သူ အခုထိ အသက်ရှင်ရပ်တည်နေဆဲ။ အမေရိကန်ပြည်ထောင်စုမှာ သူရှိနေဆဲပါ။ “ကျွန်တော် ရန်သူတွေကို ချေမှုန်းတဲ့နည်းလမ်းကတော့ သူတို့ကိုမိတ်ဆွေပြုလိုက်တာပါပဲ”ဟု သူဆိုခဲ့သည်။ လင်ကွန်း၏ စိတ်ရှည်မှု၊ သည်းခံမှုနှင့် သဘောထားကြီးမှုက သူ၏ခေတ်ပြိုင်နိုင်ငံရေးသမားများ၊ အစိုးရအဖွဲ့ဝင်များကို တုန်လှုပ်စေခဲ့သည်။ လင်ကွန်းမသေပါ။ သူ့အသက် (၂၁၅)နှစ်ရှိပါပြီ။ ၁၉၄၇ ခုနှစ် ဇူလိုင် ၁၉ ရက်က ရန်ကုန်မြို့အတွင်းဝန်ရုံးမှာ ဦးအောင်ဆန်း လုပ်ကြံခံခဲ့ရသည်။ သို့သော် ဦးအောင်ဆန်း မသေဆုံးခဲ့ပါ။ ကျွန်တော်တို့နှင့်အတူ ဦးအောင်ဆန်း ရှိနေပါသည်။ နေ့တိုင်း ကျွန်တော်တို့ကို သူလမ်းပြနေသည်။ ကျွန်တော်တို့ သူနှင့် နေ့တိုင်းစကားပြောနေရသည်။ “တိုင်းပြည်နှင့် ပြည်သူလူထုအကျိုးကိုကြည့်ပြီး ပြတ်ပြတ်သားသား ဆောင်ရွက်ကြ”ဟု ပြောခဲ့သည့် ဦးအောင်ဆန်းက သူ၏အနစ်နာခံမှု၊ ငွေကြေးစီးပွားမတပ်မက်မှု၊ တစ်ဘ၀လုံးကို ပြည်သူ့အကျိုးအတွက် မြှုပ်နှံထားမှုနှင့် အာရှတိုက်၏ ထင်ရှားသောခေါင်းဆောင်တစ်ယောက်အဖြစ် (Immortality)ကို ရရှိသွားခဲ့သည်။ သူ့အသက် (၉၉)နှစ်ရှိပါပြီ။ မန်ဒဲလား၊ လင်ကွန်းနှင့် ဦးအောင်ဆန်းတို့လိုမဟုတ်သူ နိုင်ငံရေးသမားများကတော့ လူ့သက်တမ်းကုန်ဆုံးသည့်အခါ မရဏတရားနောက်ကို လိုက်ပါသွားကြသူ အများစုကြီးဖြစ်ပါသည်။ သူတို့ကိုတော့ သက်တမ်းကုန်ဆုံးလျှင် သေဆုံးသွားကြသူများ Mortals ဟု ခေါ်ရမည်။ သေဆုံးသူ Mortals များအကြားမှာ ထူးခြားသည့် နောက်အစုအဖွဲ့တစ်ခုရှိသည်။ သူတို့ကတော့ လူ့သက်တမ်းမကုန်ဆုံးမီမှာပင် နာမည်သေဆုံးသွားကြရသူများဖြစ်သည်။ ပြည်သူအများစုက သူတို့၏အမည်များကို သမိုင်းစာမျက်နှာများပေါ်မှာ မြေမြှုပ်သင်္ဂြိုဟ်ခြင်းခံလိုက်ရသူများဖြစ်သည်။ “ကြိုတင်သေဆုံးသွားကြသူများ”ဟု ခေါ်ကြရမည်လား။ အစိုးရအဖွဲ့ဝင်များနှင့် နိုင်ငံရေးသမားများခင်ဗျာ - ထာဝရရှင်သန်မှု Immortality ကို ၀ယ်ယူ၍ရပါသည်။ သင်တို့၏ပြည်သူလူထုအပေါ် ယဉ်ကျေးမှု၊ အနစ်နာခံမှုနှင့် သဘောထားကြီးမှုများဖြင့် ၀ယ်ယူနိုင်ပါသည်။ City Mart ကို မသွားပါနှင့်၊ သူတို့ရောင်းချနိုင်သည့် ကုန်ပစ္စည်းမဟုတ်ပါ။ ပြည်သူလူထုဆီကသာ ၀ယ်ယူနိုင်မှာဖြစ်ပါသည်။ အချိန်မီမ၀ယ်ယူလျှင်တော့ “ကြိုတင်သေဆုံးသူများ” စာရင်းတွင် ပါသွားနိုင်ကြောင်း သတိပေးချင်ပါသည်။ ပြီးခဲ့သည့်ရက်များအတွင်းကတော့ မြန်မာနိုင်ငံအလယ်ပိုင်း၊ ကျေးရွာတစ်ရွာမှာ ၀န်ကြီးတစ်ဦး သေဆုံးခဲ့ပါသည်။ မိသားစုနှင့် ထပ်တူထပ်မျှဝမ်းနည်းပါသည်။ ကောင်းရာသုဂတိလားပါစေ။ ငြိမ်းချမ်းစွာအိပ်စက်ပါတော့။ ။

Saturday, February 1, 2014

စောင်ကလေးတစ်ထည် - ဦးဘုန်း(ဓါတု) (2013)

မောင်အောင်ဆန်း၏ ပွဲဦးထွက်သတ္တိ

 
မောင်အောင်ဆန်း ၏ ပွဲဦးထွက်သတ္တိ...
===================

ယခု တင်ပြမည့် ဆောင်းပါးတွင် ဗိုလ်ချုပ်အောင်ဆန်း၏ ကိုယ်ရေးအတ္ထုပ္ပတ္တိများတွင်၎င်း၊ အခြားသူများ ဟောပြော တင်ပြကြသော ဗိုလ်ချုပ်၏ အတ္ထုပ္ပတ္တိများတွင်၎င်း၊ မပါဝင်သေးသော အကြောင်းအချင်းအရာများကို ဖတ်ရှုရမည် ဟု ထင်မြင်မိပါသည်... လွန်ခဲ့သည့် အနှစ်လေးဆယ်ကျော်က အိုးဝေဂျာနယ်တွင် စည်သူကျော်ထင် ရေးသားခဲ့သော " မောင်အောင်ဆန်း ၏ ပွဲဦးထွက်သတ္တိ..." ဆောင်းပါးအား ပြန်လည် ကောက်နှုတ် ဝေမျှလိုက်ပါသည်.
ဗိုလ်ချုပ် အောင်ဆန်းငယ်ရွယ်စဉ် နတ်မောက်မြို့ ဦးသောဘိတ ကျောင်းသားဘ၀ မရောက်မီ ကလေးဘ၀က ကိုအောင်ဆန်းသည် တစ္ဆေ သရဲကို အလွန်ကြောက်တတ်ကြောက်တတ်ကြောင်း နတ်မောက်မြို့ပေါ်၌ ၀ါတွင်းတွင် အတီးအမှုတ် အကအခုန်တို့ဖြင့် အဖိတ်နေ့တိုင်း အလှူခံထွက်ရာ လူတစ်ယောက်က ဖိုးသူတော်ရုပ်ကြီးထဲဝင်ပြီး ကခုန်သည်ကိုမြင်လျှင်လည်း ကြောက်ရွံ့သဖြင့် အိမ်ခန်းတွင်းသို့ ၀င်ရောက် ပုန်းအောင်းနေတတ်ကြောင်း ၊ ကာကာ ဆိုင်သို့လာလျှင် ကာကာကုလားကိုလည်း ကြောက်သဖြင့် ကာကာဆိုင်သို့ပင် မသွားကြောင်း အစရှိသည့် ငယ်ရွယ်စဉ် ကလေးဘ၀ အကြောက်ကြီး ကြောက်တတ်ပုံတို့ကို " အောင်သန်း၏ အောင်ဆန်း" စာအုပ်တွင်၎င်း ၊ " အောင်ဆန်း မိသားစု" စာအုပ်တွင်၎င်း စာရှုသူများ တွေ့ဘူး ဖတ်ဘူးခဲ့ကြပေလိမ့်မည်...

ဤနေရာတွင် ကြောက်စိတ်ဟူသည် လူ့ဘ၀တလျောက်လုံး လူ့ခန္ဓာအတွင်း၌ ရာသက်ပန် ကိန်းအောင်း တည်ရှိ နေနိုင်သော အခြင်းအရာမျိုး မဟုတ်ကြောင်း ပြောကြားလိုပါသည်.. ကြောက်လျှင်လွဲ ရဲလျှင်မင်းဖြစ် ကြောက်မွေးပါ ဇာဂနာ ဖြင့်နှုတ် ဟူသော စကားနှင့် အညီ ကြောက်စိတ်ကို ရဲစိတ်ဖြင့် တွန်းလှန်ချေမှုန်းပစ်လျှင် လုံးဝကင်းစင် ပပျောက်ပြီး အာဇာနည် သူရဲကောင်းဘ၀သို့တိုင် ရောက်အောင်ပင် တက်လှမ်းနိုင်တတ်ပေသည်။ ကြောက်သွေးဟူသမျှကို ရဲဆေးဖြင့် သုတ်သင်ဆေးကြောပစ်နိုင်သဖြင့် မြန်မာ့လွတ်လပ်ရေးကို လက်ဝယ်ပိုင်ပိုင် အနိုင်ရအောင် တိုက်ယူနိုင်စွမ်းရှိခဲ့သည်ကို ဗိုလ်ချုပ်အောင်ဆန်းကိုယ်တိုင်က သက်သေထူလျက်ရှိပေသည်။ ရဲသွေး ရဲမာန် နှင့် သတ္တိ ဗျတ္တိ ဟူသည် လေ့ကျင်ပျိုးထောင်၍ ရနိုင်ကောင်းသော အခြင်းအရာမျိုးဖြစ်ပေသည်။ ထိုသို့သော သတ္တိမျိုးကို ဗိုလ်ချုပ်အောင်ဆန်း ကောလိပ်ကျောင်းသား ဖြစ်ပြီးကာစ အသက်(၁၇)နှစ်သား အရွယ်က လေ့ကျင့်ပျိုးထောင်ခဲ့ပေသည်။

ကိုအောင်ဆန်း မည်သို့ လေ့ကျင်ပျိုးထောင်ခဲ့ပါသနည်း.....

အချိန်ကား မြန်မာလွတ်လပ်ရေး ဗိသုကာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းဟူ၍ နိုင်ငံဥသျှောင်ကြီးတဆူဖြစ်လာမည့် ကျောင်းသားကိုအောင်ဆန်းသည် ရန်ကုန်တက္ကသိုလ်တွင် အိုင်အေဂျူနီယာ (ခေါ်) ဥပစာအောက်တန်း (ထိုစဉ်က ပထမနှစ် မခေါ်သေး)တွင် တစ်နှစ်တာ ပညာသင်ကြားပြီး၍ အတန်းတင်စာမေးပွဲများ ဖြေဆိုပြီးကာ နွေရာသီ ကျောင်းပိတ်ရက်အရောက်တွင် နတ်မောက်မြို့ရှိ မိခင်ကြီးအမေစုထံသို့ ပြန်ရောက်လာသော အခါသမယပေတည်း ....

နတ်မောက်မြို့ကလေးသည် တောမြို့ကလေးတမြို့ ဖြစ်ရကား ထိုစဉ်က မြို့ပေါ်ရှိ များစွာသော အမျိုးသမီးကြီးများသည် အားလပ်သောအချိန်များတွင် တစ္ဆေ မှင်စာ သရဲသဘက် ဘုတ် ပြိတ္တာ စသည်တို့၏ အကြောင်းကို ဒဏ္ဍာရီ ပုံပြင်များ သဖွယ် အကျယ်ချဲ့ကာ ပြောလေ့ ပြောထ ရှိတတ်ကြပေ၏။ ထို့အတူ နတ်မောက်မြို့ အရှေ့ပိုင်းရပ်ရှိ အမေစု ၏ အိမ်ဝန်းကျင်မှ ဒေါ်ကြီး ဒေါ်လေးတို့သည်လည်း ထိုသို့သော သရဲသဘက်ပုံပြင်များကို အားပါးတရ လျှာလိပ်ပါးလိပ် ပြောကြလေရာ ကိုအောင်ဆန်းအဖို့ ထိုဒဏ္ဍာရီဇာတ်လမ်းများကို မကြားချင်အဆုံး ဖြစ်၍နေလေတော့သည်။

မည်သို့ပင် နားလျှံအောင် ကြားရသော်လည်း ကိုအောင်ဆန်းအဖို့ ယင်းသို့သော နာနာဘာဝ များကို အကောင်အထည်နှင့်တကွ တွေ့မြင်ရခြင်း မရှိသဖြင့် လုံးဝအယုံအကြည် မရှိခဲ့ပေ။ ပူအိုက်လှသော နွေရာသီ နေ့တစ်နေ့တွင် ကိုအောင်ဆန်းသည် ဦးသောဘိတ ကျောင်းတွင်နေစဉ်က သူနှင့် ကျောင်းနေဘက်သူငယ်ချင်းများဖြစ်ခဲ့ကြသော ကြွက်ကဒိုး (ကုန်သည်ကြီး ဦးဘအေး) ၊ ဖိုးနီ(ကျောင်းဆရာ ဦးဖိုးနီ)၊ မောင်ညာ(ကုန်သည် ဦးညာပွား)၊ မောင်ညို(မြွေအလမ္ပယ်ဆရာ ဦးညို) နှင့် ရန်ဒါး (ယခုရန်ကုန်မြို့ ကမာရွတ်တွင်နေထိုင်သူ ကပေါင်းကုန်းကြီးရွာသား ရန်ဒါး) စသော သူငယ်ချင်းများ နှင့် ဂျင်းသုပ်သည် ဒေါ်စော အိမ်တွင် စုဝေးကာ ထွေရာလေးပါး စကားစမြည်များ ပြောဆိုလျှက် နေကြပေ၏ ..

ထိုလူစုအနက် ကိုအောင်ဆန်းက စတင်၍ ..

ဆန်း ... ဒီလောကမှာ တစ္ဆေ သရဲရှိတယ်ဆိုတာ မင်းတို့ ယုံကြသလား ..ငါတော့ လုံးဝ မယုံဘူး .. ဒါကြောင့် .. ငါ ဒါတွေကို ကြောက်လဲ မကြောက်ဘူး ..ဂရုလဲ မစိုက်ဘူး...

ထိုစကားကို ကြားလျှင် ၎င်းတို့တွင် အသက်ကြီးဆုံးဖြစ်သူ ကြွက်ကဒိုးက ကြားဝင်၍..
ဒိုး ...... မယုံ မရှိနဲ့ မောင် ..တခါက ငါ့ကို မြို့ရဲ့ အရှေ့ဖျားက မယ်စာပင် ခေါ်တဲ့ သရက်ပင်ကြီးအောက်က သရဲခြောက်လို့ ပြေးလိုက်ရတာ တင်ပါး နဲ့ ဖ၀ါး တသားထဲကျသွားတာပဲ ..

ဆန်း .... အဲဒါ သရက်ပင်အောက် ခွေးတစ်ကောင်က မင်းကိုမြင်လို့ လန့်ပြေးတာ ..မင်းက သရဲခြောက်တယ်ထင်ပြီး ထွက်ပြေးတာ ဖြစ်မှာပေါ့ .. သရဲဆိုတာ တကယ် မရှိဘူး ...

ထိုသို့ ကြွက်ကဒိုး နှင့် ကိုအောင်ဆန်းတို့ ဆွေးနွေးပြောဆိုနေကြသည်ကို ကြားလျှင် ပျော်ပျော်နေတတ်သူလည်းဖြစ်၍ သူငယ်ချင်းတစ်စု လူရည် အလည်ဆုံးလည်း ဖြစ်သော မောင်ညာက မျက်နှာမဲ့ရွဲ့ကာဖြင့် ...
ညာ .... အောင်ဆန်း မင်း တစ္ဆေ သရဲ ရှိတယ်ဆိုတာကို တကယ် မယုံဘူးလား...
ဆန်း ... လုံးဝ မယုံဘူး ..ရှိလဲ မရှိဘူး ... ဒါကြောင့် ကြောက်စရာလဲ မလိုဘူး .....

ညာ ..... ကောင်းပြီ..ဒီလိုဆိုရင် ည(၁၀)နာရီအချိန်လောက်မှာ မင်းတစ်ယောက်တည်း သင်္ချိုင်းကို သွားရဲလား ..
ဆန်း ... သွားရုံမက .. ဟိုဘက် ဆယ်ဘူတာလောက်လွန်သွားသေးတယ်..ငါသွားရဲရင်..မင်းတို့က ငါ့ကို ဘာများ ဆု ပေးကြမလဲ ...

ညာ ... မင်း သွားရဲရင် မင်း ရန်ကုန်ကောလိပ်ကျောင်း အပြန်မှာ နတ်မောက်-ရန်ကုန် မီးရထား မထမတန်း လက်မှတ်ကို ဒို့တတွေက စုဝယ်ပေးမယ် ..ကဲ ဘယ်နှယ့်လဲ ..
ဆန်း ... ကောင်းပြီ..စိန်လိုက်..

ညာ .... မင်း .. ဒီည (၁၀)နာရီ တိတိမှာ မြို့လည်ခေါင်ဝတ်ဇရပ်နားက ဂုံးတံတားက စထွက်ပြီး သင်္ချိုင်းအလယ်မှာရှိတဲ့ မင်းဖခင် ဦးဖာရဲ့ အုတ်ဂူပေါ်မှာ ဦးဖာရဲ့ သက်စေ့ ဖရောင်းတိုင် ထွန်းညှိရမယ်..ဖရောင်းတိုင် အားလုံးထွန်းပြီးရင်
ဒီတံတားကို ပြန်လာရမယ်.. ဒီတံတာမှာ ဒို့ အသင့်စောင့်နေမယ်.. မင်းပြန်ရောက်ရောက်ခြင်း မင်းတကယ် လုပ်မလုပ် ဒို့အားလုံး ပြန်သွားကြည့်မယ်..မင်းသွားရင်တော့ အဖော်တစ်ယောက်မှ ခေါ်မသွားရဘူး ..

ဆန်း.... ကောင်းပြီ..ည(၁၀)နာရီ ငါ့အဖေရဲ့ အုတ်ဂူပေါ်မှာ သက်စေ့ဖယောင်းတိုင်(၆၄)တိုင် နဲ့ မီးညှိဘို့ မီးခြစ်သာ အဆင်သင့်ပြင်ထားကြ .. ငါလာခဲ့မယ်.. ဒီတချီတော့ တစ္ဆေ သရဲ ယုံတဲ့ မင်းတို့တတွေကို ငါ ကျွတ်အောင် ချွတ်ပြမယ်...

ထိုနေ့ညဦးစောစောကပင် ကြွက်ကဒိုး၊ ဖိုးနီ၊ မောင်ညာ ၊ မောင်ညို နှင့် ရန်ဒါး တို့သည် ဒီပင်္ကရာကျောင်းတိုက်အနီးမှ ကုန်စုံဆိုင်ဖြစ်သော ကြတ်တန်ဘိ ခေါ် ကိုမောင်ကလေး၏ ကုန်မျိုးစုံဆိုင်မှ ဦးဖာသက်စေ့ ဖယောင်းတိုင်(၆၄)တိုင်နှင့် မီးထွန်းညှိရန် မီးခြစ်တို့ကို အဆင်သင့်ဝယ်ယူထားပြီး အဆိုပါ တံတားထိပ်မှ စောင့်ဆိုင်းလျက်နေကြလေသည်..

ည(၁၀)နာရီထိုးရန် ၁၅ မိနစ်အလိုတွင် ကိုအောင်ဆန်း ရောက်၍ လာပါချေပြီ ...ည(၁၀)နာရီ သံချောင်းခေါက်သည်နှင့် တပြိုင်နက် ကိုအောင်ဆန်းသည် ကတိအတိုင်း ဖခင်၏ သက်စေ့ဖယောင်းတိုင် (၆၄)တိုင် နှင့် မီးခြစ်တို့ကို ယူဆောင်ကာ နတ်မောက်မြို့ အနောက်ဖက်ရှိ သုဿာန်သို့ တယောက်တည်း ချက်ခြင်း ထွက်သွားလေသည်.. ကိုအောင်ဆန်းသည် ဥပါဒါန်လည်းမကပ် စိုးစဉ်းမျှလည်း တုန်လှုပ်ခြောက်ခြားခြင်း မရှိဘဲ သုဿာန် သင်္ချိုင်းသို့သွားကာ ဖခင်ဦးဖာ၏ အုတ်ဂူပေါ်တွင် သက်စေ့ဖယောင်းတိုင်(၆၄)တိုင်ကို စိမ်ပြေ နပြေ ထွန်းညှိလေတော့သည်..

ထွန်းညှိပြီးနောက် သူငယ်ချင်းများစုဝေးရာ မြို့လယ်တံတားသို့ ပြန်ရောက်ချိန်တွင် ည(၁၁)နာရီ ထိုးသည့် သံချောင်းပင်ခေါက်လေပြီ.. ထိုအခါတွင် မှ ကျန် သူငယ်ချင်းငါးယောက်တို့သည် ကြည့်ရှု စစ်ဆေးရန် ဓါးများ၊ လှံများကို ကိုင်ဆောင်၍ သွားကြည့်ကြသည်.. ဓားလှံများ ယူဆောင်သွားရခြင်းမှာ တစ္ဆေ သရဲရှိသည်ဟု ယုံကြည်သူများဖြစ်ကြ၍ ရင်ဆိုင်တွေ့ရလျှင် ခုခံရန် ယူဆောင်သွားကြခြင်းဖြစ်သည်..

ကိုအောင်ဆန်းသည် သူငယ်ချင်းများ ပေးလိုက်သော ဖယောင်းတိုင် တစ်ခုမကျန် အကုန် ထွန်းညှိခဲ့ကြောင်းတွေ့ရပြီး မြို့လယ်တံတားသို့ ပြန်လာကြလေသည်..။

သူငယ်ချင်း ငါးယောက် ကိုအောင်ဆန်း နှင့် ပြန်လည်ဆုံတွေ့ကြသောအခါ မောင်ညာကစတင်၍..
ညာ..... မောင်ရင့် သတ္တိကျု ကိုယ်တို့တကယ် ချီးကျူးပါတယ်...မောင်ရင် ငယ်စဉ်ကနဲ့..ခုနဲ့ ..ပြဒါးတလမ်း သံတစ်လမ်းဘဲ..
ဆန်း... မင်းတို့ကို ငါပြောထားသားဘဲ.. တစ္ဆေ သရဲဆိုတာ တကယ်မဟုတ် လံကြုတ်တွေရဲ့ လုပ်ဇာတ်ပါလို့...

ညာ..... မောင်ရင် လက်တွေ့ ပြပေလို့ ..တို့တွေလဲ အမှန်ကို လက်တွေ့သိရပြီ.မောင်မင်းကြီးသား ရန်ကုန်ပြန်တဲ့အခါ ပထမတန်းလက်မှတ်ကိုသာ မကပဲ ပါသမျှ အထုပ်အပိုးတွေကိုပါ ကိုယ်တို့တတွေ ထမ်းပြီ ရထားပေါ်တင်ပေးပါ့မယ်..

ဆန်း... ဒါတွေကို အသာထားစမ်းပါမောင်ညာ ..ရှင်းရှင်းပြောရရင် မင်းတို့ အယူမှားတွေကို ဒီတချီ ငါ အကျွတ်ချွတ်လိုက်ရလို့ ကျေနပ်တယ်ကွာ...

အထက်ပါ အဖြစ်သနစ်ကို သေချာစွာ အကဲခတ်သည်ရှိသော် ကိုအောင်ဆန်းသည် ငယ်ရွယ်စဉ်က မည်မျှပင် ကြောက်တတ်သည် ဟု ဆိုစေကာမူ ကျောင်းသားဘ၀ရောက်ရှိပြီး အဆိုး အကောင်းကို အကျိုး အကြောင်းနှင့် တကွ ဆင်ခြင် စဉ်းစားလာတတ်သောအရွယ်တွင်မူကား ကြောက်မွေးဟူသမျှကို ဇာဂနာဖြင့် အပြောင်အစင် သုတ်သင် နှုတ်ပါယ်ပြစ်ကာ ရဲစိတ် ရဲမာန်တို့ တဖွားဖွား ပေါ်ပေါက်လာအောင် ပြုစုပျိုးထောင်မွေးမြူနိုင်ပြီး အမိမြန်မာနိုင်ငံကြီး သူ့ ကျွန် ဘ၀မှ လွတ်မြောက်လာသည်အထိ စွမ်းစွမ်းတမံ ခေါင်းဆောင်တိုက်ခိုက်ကာ လွတ်လပ်ရေး အောင်ပန်းကို ဆွတ်လှမ်းပေး ခဲ့ကြောင်းကို ပြည်သူအပေါင်းတို့ အသိပင် ဖြစ်ချေသည်...။



စည်သူကျော်ထင်(အိုးဝေဂျာနယ်)
credit... တို့ဗမာအစည်းအရုံး Dobama Asiayone

( copy from Kyaw Naing facebook )