ချစ်သူတိုင်လည်းညားကြပါစေ(သန်လေးကို)

Thanlay Ko

Options for this story

{ 2013 August လထုတ် သဇင်မဂ္ဂဇင်းပါ ကျနော့်ဝတ္ထုလေးပါ။ သူပြောငါပြောနဲ့ ကြားဖူးနားဝဟာသလေးတွေကို ဇာတ်လမ်းဆင်ထားတာ ဖြစ်ကြောင်းပါခင်ဗျာ၊ ကိုယ်တွေ့မဟုတ်ရကြောင်းပါ}
“သုံးကျွန်းစံ”
1။
စင်္ကာပူဆိုတဲ့ ကျွန်းနိုင်ငံသေးသေးလေးမှာ အလုပ်လာလုပ်နေကြတဲ့ မြန်မာအခြင်းခြင်း နောက်ပြောင်ပြီး ပြောတတ်ကြတယ်… “ငါတို့က အလုပ်ကြမ်းနဲ့ တသက်တကျွန်းကျနေတာ”…တဲ့။ စင်္ကာပူကျွန်းမကြီးကနေ ထပ်ပြီးသွားရတဲ့ နောက်ထပ်ကွန်းလေးတစ်ကျွန်းဖြစ်တဲ့ ဂျူရောင်းကျွန်းပေါ်မှာ အလုပ်လုပ်ရတဲ့ ကျွန်တော်တို့အဖို့ဆိုရင်တော့ “နှစ်ကျွန်းစံ” တွေလို့ ဆိုရတော့မယ်။ ကျွန်တော်တို့ဆိုတာက ကျနော်နဲ့ ကြည်ဆွေပါ။ ဒီကောင်နဲ့က ရန်ကုန်မှာ ကုမ္မဏီတစ်ခုထဲ အကြာကြီး လက်တွဲပြီးလုပ်ခဲ့ဖူးတယ်။ ခုလည်း တိုက်တိုက်ဆိုင်ဆိုင် Construction Site တခုထဲမှာ လာဆုံနေကြတာ။ ကုမ္မဏီတော့ မတူဘူး။ ကျနော်က iE Consultant က၊ သူက S.V Co က။ အလုပ်အားတဲ့အခါ Canteen မှာ ကော်ဖီသောက်ရင်း ပေါက်တတ်ကရ ပြောဖြစ်ကြတယ်။
“မင်းတို့ ကုမ္မဏီနာမည် S.V Co ရဲ့ အရှည်က ဘာလဲ”
“Southern Village Company..တဲ့”
“နာမည်လေးက လှသားဟ၊ မြန်မာလိုပြန်ရင် နာမည်လှလှလေးရမယ် နော်”
ကျနော်က ဒီကောင့်အကြောင်းသိလို့ ဆွပေးလိုက်တာ…ထင်တဲ့အတိုင်းပဲ
“ငါ မြန်မာလိုပြန်ပေးထားတာ ရှိတယ်”
“ဟုတ်လား…ဘာတဲ့လဲ”
“သောက်ရေးမပါ…ဒို့ကျေးရွာ ကုမ္မဏီ”
“ဟင်…Village ကို ဒို့ကျေးရွာလို့ ပြန်တာက ထားပါတော့ သောက်ရေးမပါကြီးက ဘယ်ကပါလာတာတုံး”
“လစာပေးတာ နည်းတယ်ကွာ၊ အချိန်ပိုခိုင်းပြီး ပိုက်ဆံ မပေးဘူးကွာ၊ ဘောနပ်စ်မရဘူးကွာ၊ သူဌေးက ရိုင်းစိုင်းတယ်ကွာ၊ မန်နေဂျာက ဆိတ်လစေ့ကွာ…ကဲ ဒီထက် သောက်ရေးမပါတာ ဘာရှိသေးလို့တုံး”
“ဟာ…ပေါက်ပြီ၊ မင်းးရဲ့ ဘာသာပြန်စွမ်းရည် တော်တော်တိုးတက်လာတာပဲ”
“ဟင်း…ဟင်း…ပေါက်စမ်းဘာ”
2။
ဒီကောင်က အင်္ဂလိပ်စာနဲ့ ပတ်သက်လို့ ရာဇဝင်နဲ့။
လူက အင်္ဂလိပ်လို မတောက်တခေါက်သိတာရယ်။ ဘာသာပြန်တာတော့ အရမ်းဝါသနာပါတယ်။
ရန်ကုန်မှာ အလုပ်လုပ်နေတုံးက ညနေပိုင်း အားနေတော့ ကွန်ပြူတာ သင်တန်းသွားတက်တယ်၊ သုံးလေးရက်လောက်နေတော့ မသွားတော့ဘူး၊ ဒါနဲ့ မေးကြည့်မိတယ်… …
“ဟေ့ရောင်… ကွန်ပြူတာ သင်တန်းက မသွားတော့ဘူးလား”
“အေး၊ သင်တန်းဆရာနဲ့ အဆင်မပြေလို့”
အင်း…ဒီကောင် ဘာမတော်မတရား သွားလုပ်ပြန်ပြီလဲ မသိ။ ဟိုက လွန်တာတော့မဖြစ်နိုင်ဘူး။
“ဘယ်လိုဖြစ်တာလဲ ပြောပါအုံး”
“ကွန်ပြူတာအခေါ်အဝေါ်တွေကွာ..၊ အင်္ဂလိပ်လိုခေါ်ရတာခက်လို့ မြန်မာလိုခေါ်ပါလားလို့ ဆရာ့ကိုအကြံပြုတာ၊ သူက မင်းဘာသာပြန်ခဲ့ ဆိုလို့ ငါကဘာသာပြန်ပေးလိုက်တယ်၊ ဒါကို သူက ဖတ်ကြည့်ပြီး၊ မင်းသိပ်တော်တယ်တဲ့ ဒီသင်တန်း တက်စရာမလိုလောက်အောင်ကို တော်နေတယ်လို့ ပြောတယ်၊ ဒါနဲ့ ငါလည်း မသွားတော့တာ”
“ဟုတ်လား၊ ပြစမ်းပါအုံး မင်းဘာသာပြန်”
“ရော့…”
ဖတ်ကြည့်လိုက်တော့… …
ကီးဘုတ် = သော့ခုံ
မောက်စ် = ကြွက်
မော်နီတာ = အတန်းခေါင်းဆောင်
မားသားဘုတ် = အမေရေယဉ်
ဟိုက် ရှားလဘား၊ ဆက်မဖတ်ရဲတော့ဘူး၊ ဆက်ဖတ်ရင် ဦးရှင်ကြီးတို့၊ နန်းကရိုင်းမယ်တော်တို့၊ ကိုကြီးကျော်တို့ ပါလာစရာအကြောင်းရှိတယ်။
“အဲ နေပါအုံး၊ Key Board နဲ့ Mouse ကို ဘာသာပြန်ထားတာကတော့ နီးစပ်မှုရှိလို့ ထားပါတော့၊ ဘယ့်နှယ့် Monitor က အတန်းခေါင်းဆောင်ဖြစ်ရတာလဲ”
“ဟာ…မင်းကလည်း ညံ့ပါ့၊ ငါတို့ငယ်ငယ်လေးထဲက အတန်းခေါင်းဆောင်ကို မော်နီတာ လို့ ခေါ်လာတာပဲလေ”
“အင်း..အဲ ဟုတ်ပ့ါ၊ ဒါဆို အမေရေယဉ် ဆိုတာကြီးကရော”
“Mother က အမေလေ၊ Boat က လှေတို့ မော်တော်တို့ကိုခေါ်တာမလား၊ ဒ့ါကြောင့် Mother Boat အမေရေယဉ်”
“Board ထင်ပါတယ်ကွာ၊ Boat မဟုတ်လောက်ပါဘူး၊ သောက်တလွဲ”
“သိဘူး၊ ငါက Boat ထင်လို့”
ဒီလိုဆိုတော့လည်း ဆရာကပြောတော့မှာပေ့ါ တော်တယ်လို့…
ဒီထက်ဆိုးတာက ကျနော်တို့ အလုပ်လုပ်တဲ့ ကုမ္မဏီနာမည်ကို ဘာသာပြန်တဲ့ ကိစ္စပဲ
ကုမ္မဏီနာမည်က Power Man Metal Industry (PMMI)
သူ မြန်မာမှုပြုလိုက်တဲ့ နာမည်က.. …
“မိုးကျရွှေကို သတ္တုတူးဖော်ရေး ကုမ္မဏီ”…တဲ့ဗျား။
ဒါကို သူဌေးက သိသွားတော့ သူကို သုံးလစာ ဆုချပြီး နောက်နေ့ကစလို့ ကုမ္မဏီကို မလာတော့ဖို့ တောင်းပန်လိုက်ရှာတယ်။
3။
တစ်ရက်မှာပေ့ါ။
Main Con မှာ ECO လုပ်နေတဲ့ မြန်မာမလေး နဲ့ ကျနော်နဲ့ Canteen ထိုင်နေတုံး ဒီကောင်ဘယ်က လှမ်းမြင်တယ် မသိဘူး နောက်ရက်ကျတော့ ကျနော့်ကို ဂျီကျပါလေရော… …
“မင်းက အဲ့ဒီကောင်မလေးနဲ့ သိနေတာတောင် ငါ့ကို မပြောဘူး၊ ဘာလဲ ကြိပ်ကြံနေတာပေ့ါလေ”
“ဟကောင် လျှောက်မပြောနဲ့ဟ၊ ဟိုက အပျိုလေး၊ ငါက အိမ်ထောင်ကွဲ၊ ကလေးတစ်ယောက်ဖအေ၊ ကြားသွားရင် မကောင်းပါဘူးကွာ”
“ဒါဆိုလည်း ငါနဲ့ မိတ်ဆက်ပေးပါလားကွ၊ ငါက သူ့ကို Site ထဲမှာ တွေ့တွေ့နေတာ၊ မြင်တိုင်းရင်ခုန်ပေမယ့် ဘယ်လို ချဉ်းကပ်ရမှန်းမသိလို့”
သူ့အကြောင်းသိနေတော့ မိတ်ဆက်မပေးချင်ဘူး။ တော်ကြာ တလွဲတွေ လျှောက်လုပ်နေရင် ကိုယ်ပဲမျက်နှာပျက်ရမှာ။ ဒါနဲ့ အင်တင်တင်လုပ်နေတာပေ့ါ။
“ဟေ့ရောင် ဘယ်လိုလဲ၊ မိတ်ဆက်ပေးမှာလား?”
“မင်းဟာမင်း ကြိုးစားပါလားကွာ”
“မလွယ်လို့ပေ့ါကွ၊ လွယ်ရင် မင်းတောင် သိလိုက်မှာမဟုတ်ဘူး”
“ငါက ဘယ်လို မိတ်ဆက်ပေးရမှာလဲ”
“နောက်ရက် မင်းတို့ Canteen ထိုင်နေတဲ့အခါ အမှတ်တမဲ့ တွေ့သလိုလိုဘာလိုလိုနဲ့ မင်းကို ငါလာနှုတ်ဆက်မယ်၊ အဲ ဒီတော့ မင်းက မိတ်ဆက်ပေးလိုက်ပေ့ါကွ လွယ်လွယ်လေး”
“ငါက ဘယ်လို ပြောပြီး မိတ်ဆက်ရမှာလဲ”
“ဟေ့ကောင်၊ မင်း ရစ်မနေနဲ့၊ မိတ်ဆက်တာပဲကွာ၊ ဒီမှာဝေဝေ ဒါငါ့သူငယ်ချင်းလေ၊ အင်ဂျင်နီယာလူပျိုကြီးပေ့ါ၊ သဘောကောင်းတယ် ဘာညာနဲ့ သာသာထိုးထိုးလေးပြောပြီး မိတ်ဆက်ပေးလိုက်ရုံပဲဟာ၊ လုပ်ပါကွာ၊ ပင်နင်ဆူလာက ဧရာဝတီမှာ ဘီယာနဲ့ ပြုစုပါ့မယ်ဆရာရယ်”
“အေးလေ၊ ကြည့်လုပ်တာပေ့ါ၊ မင်းနဲ့က ခင်မိခဲ့တာကိုး၊ အော် ဒုက္ခ ဒုက္ခ”
4။
တကယ်ပဲဗျာ …
နောက်နေ့ကျတော့ ကျနော်နဲ့ ဝေဝေ Canteen ထိုင်နေတုံး မျက်နှာပြောင်ပြောင်နဲ့ ရောက်ချလာပါရော
ခုမှ မြင်သလိုလို ဘာလိုလိုနဲ့ လာနှုတ်ဆက်တယ်… …
“ဟာ…ဇော်ကြီး၊ ကော်ဖီလာသောက်တာလား”
“မဟုတ်ဘူး၊ လဘက်ရည်လာသောက်တာ”
အမြင်ကပ်လို့ ဘုတောပေးလိုက်တယ်၊ ဒါကို အခွက်ပြောင်ပြောင်နဲ့ ဆက်ပြောတယ်… …
“အော်…ဟုတ်လား၊ ငါလည်း လဘက်ရည်လာသောက်တာကွ၊ ဒီမှာ ထိုင်မယ်နော်”
“ထိုင်လေ၊ ငါတို့က အခုပဲ သွားတော့မလို့၊ ဘိုင့်ဘိုင်နော် နောက်မှတွေ့မယ် သူငယ်ချင်း”
“အာ…နေပါအုံးကွ ချစ်သူငယ်ချင်းကြီးကလည်း၊ မင်းနဲ့မတွေ့တာ ကြာနေပြီဆိုတော့ စကားလေး ဘာလေးပြောကြရအောင်ပါ”
“ဘာ မတွေ့တာ ကြာရမှာလဲကွ၊ မနေ့ကတောင် တွေ့လို့ လဘက်ရည်အတူတူ သောက်ကြသေးတယ်လေ”
“ဟုတ်လား၊ ငါမေ့သွားလို့ပါကွာ…ဟဲ ဟဲ”
ကျနော့်ဘေးကပ်ထိုင်ပြီး ခုံအောက်ကနေ ပေါင်ကိုကုတ်ပြီး အချက်ပြတယ်၊ ဝေဝေနဲ့ မိတ်ဆက်ပေးလေ ဆိုတဲ့ သင်္ကေတပေ့ါ… …
အင်း… မိတ်ဆက်ပေးရသေးတာပေ့ါလေ၊
“အော်…ကြုံတုံး မင်းနဲ့ မိတ်ဆက်ပေးရအုံးမယ်၊ ဒါ ဝေဝေနှင်း တဲ့၊ Main Con က ECO ပေ့ါ၊ ရောက်လာတာတော့ မကြာသေးဘူး”
“အဟီး…ဟီး၊ ဟုတ်ကဲ့ Site ထဲမှာတော့ တွေ့တွေ့နေတာ မြန်မာမလေးမှန်း မသိဘူး၊ Main Con ယူနီဖောင်းနဲ့ ဆိုတော့ သူတို့လိုပဲ ကိုရီးယားမလေး မှတ်နေတာ၊ လူပုံကလည်း ခပ်ချောချောဆိုတော့လေ…ဟီး”
စ, ပြီ၊ တကယ်ပဲဗျ ဒီက မိတ်ဆက်ပေးတာတောင် မဆုံးသေးဘူး
ပပ်ကြားအက်ထဲက မစင်တုံး ခွေး စ, ကော်နေပြီ။
ဒီမျက်နှာရူးကောင်တော့ တွေ့ကြသေးတာပေ့ါ… …
“ဝေဝေ၊ သူက ကြည်ဆွေတဲ့၊ အင်ဂျင်နီယာပေ့ါ၊ လူပျိုကြီး ရီးစားမရှိသေးဘူး”
“ဟုတ်ကဲ့ရှင့်၊ ဦးဇော်လိုပဲ ကျမကို ခင်နိုင်ပါတယ်”
“ဟီး…ဟီး…ဟီး…ဝုတ်ကဲ့ ဝုတ်ကဲ့ ခင်မယ်ခင်ဗျ ခင်မယ်”
“သူတို့က ဆွေကြီးမျိုးကြီးတွေ ဝေဝေရဲ့၊ ဒီမှာလာပြီး အလုပ်မလုပ်လည်း သူ့မိဘတွေက ချမ်းသာပြီးသားရယ်”
“ဟီး..ငါ့သူငယ်ချင်းကလည်း မြောက်နေပြန်ပြီ”
“…ပြီးတော့ သူက တစ်ဦးတည်းသောသားလေ၊ မိဘတွေက အလိုလိုက်ထားတော့ ကောင်လေးက ရူးတူးပေါတောလေးပေမယ့် သဘောကောာင်းတယ် ဝေဝေရဲ့၊ လိုတဲ့ အကူအညီရှိရင်တောင်း”
“ဟုတ်လား…”
ဟိ…ဟုတ်လား တဲ့၊ ဒီကလေးမကလည်း Innocent ရယ်၊ ဘာပြောပြော အဟုတ်ထင်တာ၊ ဟိုကောင်ကတော့ ကျုပ်ကို သတ်ချင်နေပြီ၊ မျက်ထောင့်နီကြီးနဲ့ လူကို ကြည့်နေတယ်၊ ပြီတော့ ဇောင့်ကနဲထပြီး ပြောတယ်… …
“ငါ သွားတော့မယ် ဟေ့ကောင်၊ မင်းနဲ့ငါနဲ့ နက်ဖန်ခါမှ ပြန်တွေ့ကြသေးတာပေ့ါ နော့်”…ဆိုပြီး လစ်သွားပါလေရော…
သူတော်တော် ဒေါကန်သွားပြီ၊ ဟီ ဟိ နက်ဖြန်ခါတော့ နဘမ်းလုံးရချေသေးရဲ့
5။
နောက်ရက် Canteen မှာ တွေ့တော့ တန်းဆဲပါလေရော… …
“ဟေ့ကောင် လူယုတ်မာ၊ မင်း မနေ့က ဘာသောက်ချိုးချိုးတာလဲ”
“ဟင်…ဘာချိုးလို့လဲ၊ မင်းပဲ မိတ်ဆက်ပေးဆို၊ သာသာထိုးထိုးလေး ပြောဆို”
“သာသာထိုးထိုး ပြောပေးဆိုတာနဲ့ပဲ ကောင်လေးက ရူးတူးပေါတောလေးလို့ ပြောရရောလားကွ”
“အော်…ငါစကားမှား သွားလို့ပါကွာ၊ ငါတကယ်ပြောချင်တာက ကောင်လေးက ပျော်ပျော်နေတတ်တယ်၊ သဘောကောင်းတယ် အဲလိုပါကွ”
“လုပ်မနေနဲ့ ဟေ့ကောင်၊ ငါက ငါ့ကောင်မလေးရှေ့မှာ သောက်ရှက်ကွဲခဲ့ပြီ”
အမယ်…ငါ့ ကောင်မလေး တဲ့၊ အဟက်ဟက်…ဖြစ်မှ ဖြစ်ရလေ…ဆက်ပြီး နောက်လိုက်အုံးမှ…
“ဒါနဲ့ မိတ်ဆက်ပေးခ ဘီယာက မနက်ဖန်တိုက်မှာလား”
“မင်းလိုကောင်ကို ဘီယာတိုက်ဖို့မပြောနဲ့ သေးနဲ့တောင် လှည့်မပန်းဘူး၊ သေခန်းပြတ်ပြီ မှတ်ထား”
“နေပေ့ါလေ၊ ဒါဆိုလည်း ငါနဲ့ဝေဝေ နှစ်ယောက်ထဲ သွားစားရတော့မှာပေ့ါ”
“ဘာ…ဘာ…ဘာကွ၊ ဘာပြောတာလဲ”
“အော်…မနက်ဖန် စီးတီးဟောမှာ တွေ့ပြီး နေ့လည်စာစားကြဖို့ ဝေဝေက ချိန်းထားတယ်ကွ၊ မင်းကိုလည်း ခေါ်ခဲ့ပါတဲ့၊ ခု မင်းက ငါနဲ့သေခန်းပြတ်ပြီဆိုတော့ ငါတို့ နှစ်ယောက်ထဲ သွားရတော့မှာမလို့ စိတ်မကောင်းဖြစ်မိတယ်ကွာ…”
“ဟင်…ဟဲ..ဟဲ သူငယ်ချင်းကလည်းကွာ၊ နောက်တာပါကွ၊ ဒီလောက် အကြာကြီးခင်လာတဲ့ သူငယ်ချင်းတွေ၊ အလကား လွယ်လွယ်နဲ့ပြတ်ပ့ါမလား၊ မင်း ကလည်း”
“ဒါဆို ဘီယာတိုက်မှာလား၊ သေးနဲ့လှည့်ပန်းမှာလား”
“ဟီး..ဟီး သေးနဲ့ပန်းစရာလားလို့… ဘီယာတိုက်မှာကွ ဘီယာ”
သေနာကောင်…. ခုတစ်မျိုး တော်ကြာတစ်မျိုး။
တော်သေးတယ် ဒီဘက်ကလည်း နိုင်ကွက်ကိုင်ထားနိုင်လို့….
6။
ဒီလိုနဲ့ တိုတိုပဲပြောရရင် သူတို့နှစ်ယောက် ချစ်သူတွေ ဖြစ်သွားကြတယ်။
နားတော့ အတော်အေးသွားတာ
ရီးစားမဖြစ်မချင်း ကျနော့်ကို ခဏခဏလာပြီး ဂျီကျကျနေတာတွေ ရပ်သွားပြီ
ဆိုဒ်ထဲက Canteen မှာ သူတို့နှစ်ယောက်တွဲ ထိုင်ထိုင်ပြီး ပြုံးပျော်နေကြတာတွေ တွေ့တွေ့နေရတယ်။
ဒီလိုနဲ့ မေ့မေ့ပျောက်ပျောက် နေလာလိုက်တာ တရက်တော့ မောင်မင်းကြီးသား ပေါက်ချလာပါလေရော…
ပါးစပ်ကလည်း အော်လာတယ်… …
“ဇော်ကြီးရေ… အိုင်ဘလူး အိုင်ဘလူး”
“ဘာလဲဟ အိုင်ဘလူးကြီးက”
“I blue ငါ ပြာနေပြီလို့ ပြောတာ”
“ရိုးရိုးလုပ်ပါကွာ၊ မင့်ဟာကလဲ၊ ဘာပြာတာလဲ”
“ဝေလေးနဲ့ လက်ထပ်တော့မလို့ကွ၊ အဲဒါ ငွေလိုလို့ လုပ်ပါအုံး”
လုပ်ပြီ၊ မအေပေးက၊ ခုထိငါ့လက်က အကူအညီလိုတုံး၊ မတတ်နိုင်ဘူးလေ သူ့ခမျာ ဘလူးနေတော့လည်း၊ အဲ ပြာနေပြီဆိုတော့လည်း ကူညီရတော့မှာပေ့ါ… ..
“ဒါနဲ့ မင့်နာရေးက ဘယ်တော့တုံး…”
“ဘာကွ…”
“အဲလေ… မင့်မင်္ဂလာရက်က ဘယ်တော့တုံး”
“နောက်လ ၂၆ ရက်”
“အာ… တော်တော်ကပ်နေပြီပဲ၊ ခုမှ ပြောရသလားဟ ကျက်သတုံးရ”
“အေးကွာ၊ ငါလည်း ငါ့ဟာငါ ကြိုးစားကြည့်သေးတယ်၊ သိပ်အဆင်မပြေတာနဲ့ မင်းဆီလာလိုက်တာ”
“ရပါတယ်ကွာ၊ သူငယ်ချင်းတွေပဲ၊ ငွေဘယ်လောက်လိုတာလဲ”
“ငါ့ရှိတာနဲ့ဆို နောက်ထပ် ငါးထောင်လောက်ရရင် ဖြစ်ပါတယ်၊ ပြီးတော့ ခန်းမကိစ္စတွေ အဝတ်အစားကိစ္စတွေ လိုက်လုပ်ပေးအုံးနော်”
“အေးပါကွာ ငုတ်မိသဲတိုင်ပေ့ါ…”
7။
သူတို့ မင်္ဂလာပွဲကို Cultural Hotel မှာ ကျင်းပဖြစ်တယ်။
အစစ ကိုယ်ပဲ လိုက်လုပ်ပေးရတာပါ။
မင်္ဂလာ အခန်းအနား စိုစိုပြေပြေလေးဖြစ်အောင်လို့ သူငယ်ချင်း ကိုငြိမ်းတိုးရဲ့ Independent Music Group တီးဝိုင်းကို အလကားမတ်တင်းလောက် နီးနီးနဲ့ ငှားထည့်ပေးလိုက်တယ်။
တီးဝိုင်းဆရာကလည်း ငွေးကြေးအတွက်မဟုတ်ဘဲ ဝါသနာပါလို့ လုပ်နေတာဆိုတော့ ပျော်ပျော်ကြီးပဲ လိုက်ပါဆောင်ရွက်ပေးပါတယ်။
မင်္ဂလာပွဲရက်မှာ ကျနော်လည်း သီချင်းတစ်ပုဒ်ဆိုပြီး ချီးမြှင့်ခဲ့တယ်….
ဆိုခဲ့တဲ့ သီချင်းလေးက ….“ပန်းတံတားပေါ်မှလျှောက်ပါ”
ဆိုချင်တဲ့ သီချင်းလေးက… “ချစ်သူတိုင်းလည်း ညားကြပါစေ”
ဒီလိုပါပဲ… လောကသဘာဝ ဖြစ်ချင်တိုင်း မဖြစ်ကြရဘူးမဟုတ်လား
သီချင်းဆိုနေရင်းနဲ့ ပရိသတ်တွေထဲမှာ ပြုံးပျော်ရွှင်မြူးနေတဲ့ သူငယ်ချင်းတို့ စုံတွဲကိုမြင်လိုက်တိုင်း…
ကျနော့် ဘယ်ဘက်ရင်ဘတ် အပေါ်ပိုင်းက အောင့်အောင့်လာတယ်…
အင်း… ခုမှ အောင့်တာတော့ မဟုတ်ပါဘူးလေ
ကြည်ဆွေက သူ ဝေဝေ့ကို ချစ်နေမိပြီလို့ ပြောတဲ့ နေ့ကတည်းပါ… ….
တကယ်တော့… ….
ကျနော်ဟာ သုံးကျွန်းကျနေတဲ့ သူပါဗျာ… ….။
အားလုံး ခဏလေးဖြစ်ဖြစ် ပြုံးနိုင်ကြပါစေ…
သန်၎ကို
{ဝတ္ထုလေးရဲ့ အရသာကို သိရအောင် ဒီသီချင်း ၂ ပုဒ်စလုံးကို နားထောင်ကြည့်သင့်ပါတယ်}
ပန်းတံတားပေါ်မှာ လျှောက်ပါ... လင့်
http://www.youtube.com/watch?v=6xImJwnJE7k
ချစ်သူတိုင်းလည်း ညားကျပါစေ...လင့်
http://www.youtube.com/watch?v=e0jqe3h2NgY

11 hours ago

· Edited · Singapore, Singapore