နောက်တစ်ခါ လာပြန်ချည်သေး(သင့်နော်)

 
ပြီးခဲ့တဲ့ အတိတ်ကာလာတစ်လျှောက်လုံးမှာ နှုတ်ကျိုးနေလို့ ဗိုလ်ချုပ်ခင်ညွန့်လို့ပဲ သုံးနှုန်းပါရစေ။

  ဟုတ်ကဲ့ နိုဝင်ဘာ ၂၉ ရက်နေ့ထုတ် သတင်းစာတွေထဲမှာ မျက်နှာဖုံးကနေ "ထောက်လှမ်းရေး ပြန်ဖွဲ့သင့်ဟု ဗိုလ်ချုပ်ကြီးဟောင်း ခင်ညွန့်ဆို" ခေါင်းစဉ်တပ်ထားတဲ့ သတင်းတစ်ပုဒ်ကို ဓါတ်ပုံနှင့်တကွ တွေ့လိုက်ရတော့ "နောက်တစ်ခါ လာပြန်ချည်သေး ... ဟေး ... ဟေ .... ၀ါး" ဆိုတဲ့ နပန်းဆံ သီချင်းထဲက အသံတွေ ပြန်ကြားယောင်ပြီး ကြက်သီးတွေရော ဘဲသီးတွေရော ထလိုက်တာဗျာ။
  "ထောက်လှမ်းရေး" တဲ့ဗျာ .... ပြောရက်လိုက်တာ။ "ပြန်ဖွဲ့သင့်တယ်" တဲ့ .. ပြောရဲလိုက်တာဗျာ။ ဟုတ်တာပေါ့လေ။ သူကတော့ စင်ပေါ်မှာ နေခဲ့သူကိုး။ 'တူ' ဖြစ်ခဲ့တဲ့သူကိုး။ ဖွဲ့သင့်တယ်ပြောမှာပေါ့။ ပြန်ဖွဲ့စေချင်မှာပေါ့။ တကယ်လို့ ပြန်ဖွဲ့ခဲ့ရင် သူပဲ ထိပ်ဆုံးပြန်ရောက် နိုင်ချေ အရှိဆုံး ပုဂ္ဂိုလ်မဟုတ်လား။ တစ်ကျော့ပြန်ထောက်လှမ်းရေး တစ်စခန်းပြန်ထလာရင် သူပဲ ကန့်လန့်ကာ နောက်ကွယ်မှာ အခန့်သား မြိန့်မြိန့်ကြီးပြန်ထိုင်နိုင်ချေ အရှိဆုံးမဟုတ်လား။ နောက်ဆုံးထွက်သက်အထိ ရွှေထီးဆောင်းရမယ့် ကိစ္စဆိုတော့ သူက အခုလတ်တလောမှာ အဲသည်လို စကားဦးသန်းလိုက်တာပေါ့ဗျာ။ "နိုင်ငံတော် လုံခြုံရေးကို ထိပါးလာသော လုပ်ရပ်များကို ကာကွယ်ရန်" တဲ့ဗျာ။ အကြောင်းပြချက်က မပြီးသေးဘူး ကျန်သေးတယ်။ "နိုင်ငံတော်နှင့် ပြည်သူများ လုံခြုံရေးအတွက် ထောက်လှမ်းရေး အဖွဲ့အစည်းတစ်ခု လိုအပ်နေကြောင်း" တဲ့ဗျာ။
ကျေးဇူးတင်ပါတယ် ဗိုလ်ချုပ်။ ကျေးဇူးကြီးမား ပါတယ် ဗိုလ်ချုပ်ရယ်။ ထောက်လှမ်းရေးဆိုတာ ဘာလဲ ဆိုတာ လူတိုင်းသိကြပါတယ်။ "နိုင်ငံတော် လုံခြုံရေးကို ထိပါးသော လုပ်ရပ်များကို ကာကွယ်ရန်" နဲ့ "ပြည်သူများလုံခြုံရေးကို စောင့်ရှောက်ရန်" ဆိုတာက အပေါ်ယံအုပ်ထားတဲ့ Sugar Coated ပါဗျာ ... အထဲမှာ ဆေးခါးကြီးရှိတယ်ဆိုတာ ကြုံဖူးသူရော မကြုံဖူးသူပါ သိကြပါရဲ့။ ဘ၀ပျက်အောင် ၊ အသက်ဆုံးပါးအောင် ၊ ဒုက္ခိတ ဖြစ်အောင် ခံခဲ့ရသူတွေ ခုထိလက်ညှိုးထိုး မလွဲ ရှိနေဆဲပါ ခင်ဗျာ။ အဲသည့် ဒဏ်ရာ ဒဏ်ချက်ကို ဆွေခုနှစ်ဆက် မျိုးခုနှစ်ဆက် အလူးအလဲ ခံနေရသူတွေ လက်တစ်ဖက်ကမ်းမှာ အမြောက်အများ ရှိနေဆဲပါခင်ဗျာ။
  ထောက်လှမ်းရေးတဲ့ဗျာ ... အားလုံးက ကြောက်ဒူးတုန်နေရတဲ့အဖွဲ့အစည်းပါ။ သာမန်အရပ်သား ကလေးကအစ သိတယ်။ ထောက်လှမ်းရေးဆိုရင် အသွေးအသားထဲကပါ ကြောက်ခဲ့ကြရတာ။ ရေကြည်အိုင် ကို ကြောက်တယ် ၊ ကျိုက္ကဆံကွင်း ကို ကြောက်တယ်။ မန္တလေး၊ ရန်ကုန်မြို့ကြီး နှစ်မြို့အပါအ၀င် ရှိရှိသမျှ ဗမာ တပြည်လုံး ထောက်လှမ်းရေး ကွန်ယက်အောက် ပြားပြား မှောက်ရောက်ပြီး နားရွက်တောင် မခတ်ရဲဘူး။ စကားကျယ်ကျယ် မပြောရဲဘူး။ အနီးအနားမှာ လူစိမ်း တစ်ယောက်ယောက် ရောက်လာရင် ကိုယ်ရှိန်သတ်နေရတယ်။ နံရံတိုင်းမှာ နားတွေ ရှိတယ်။ ဘယ်သူ့ ဘယ်သူမှ မယုံခဲ့ကြရတဲ့ခေတ်ဟာ ထောက်လှမ်းရေး အင်အားကောင်းတဲ့ ခေတ်ပဲလေ။ အိမ်နီးချင်းလည်း မယုံရ။ သမ၀ါယမ စာရေးလည်း မသင်္ကာ။ ညည အရပ်ထဲ မုန့်ဖက်ထုပ် လည်ရောင်းတဲ့သူလည်း ထောက်လှမ်းရေးထင်ပြီး ကြောက်တာပေါ့။ ဘယ်သူ့ကိုမှ ကောင်းကျိုးမပေးပဲ မတရားအမှုဆင်ဖမ်းတာတွေ ရေတွက်မကုန်အောင်ရှိတယ်။ သမာသမတ်မရှိဘူး။ မတရား ညှဉ်းပန်းတယ်။ ရက်ရက်စက်စက် အနိုင်ကျင့်တယ်။ အပြစ်မရှိ အပြစ်ရှာပြီး အမှုမကြီးကြီးအောင် ဇွတ်ဖန်တီးတယ်။ ဇာတ်လမ်းတွေ ဆင်တယ်။ ဇာတ်ကောင်တွေ အတင်းရိုက်သွင်းတယ်။ မတရား ပြစ်ဒဏ်တွေ စီရင်စေတယ်။ သူတို့ကြီးစိုးတဲ့ ကာလမှာ တရားရုံးတွေကိုလွှမ်းမိုးတယ်။ အာမခံ ပေးနိုင်တဲ့ အမှု Billable ဖြစ်သည့်တိုင် ထောက်လှမ်းရေးက စွဲတင်ထားတာကြောင့် တရားသူကြီးက အာမခံမပေးရဲဘူး။ ဒါဟာ ဥပဒေပြဌာန်းချက်တွေကို ပြောင်ပြောင်တင်းတင်း ကျူးလွန်တာပဲ။
ဘယ်တုန်းကမှ မကြားဖူးတယ် ထောင်ဒဏ် အနှစ်ခြောက်ဆယ်။ အနှစ်တစ်ရာ။ အနှစ်တစ်ရာကျော်အထိ ချခံခဲ့ကြရတာတွေ ဟာ ထောက်လှမ်းရေးတွေရဲ့ ရက်စက်မှုတွေမဟုတ်လား။ ထောက်လှမ်းရေးဒဏ်ခံရဖူးသူ မည်သူ့ကိုမဆိုမေးပါ။ အညစ်မခံရပါဘူး။ အရစ်မခံရပါဘူး။ အနှိပ်စက် မခံရပါဘူး။ သေလုမျောပါး အထုအထောင်းမခံရပါဘူး။ လူကို လူလို ဆက်ဆံခံရပါတယ် လို့ ဖြေမယ့်သူ တစ်ယောက်မှ မရှိပါဘူး။ လူမဆန်တဲ့ အပြုအမူတွေ ၊ မိုက်ရိုင်းမှုတွေ၊ ရက်စက်မှုတွေနဲ့ နာဇီအော့စ၀စ် အကျဉ်းစခန်းထက်သာအောင် ချေမှုန်းတာ ခံရသူတွေချည်းပါပဲ။ အစာရေစာ အငတ်ထားတာလောက်တော့ ပျင်းစရာကောင်းတယ်။ လေးငါးည မအိပ်ရတာလောက်တော့ ပျင်းသေးတယ်။ ဘယ်လောက်ဒုက္ခပေးသလဲဆိုရင် ထောင်ထဲရောက်သွားတာတောင် ဇာတ်လမ်းကမဆုံးသေးဘူး။ ထောင်ကျသူ မှန်သမျှ ခံစားရတဲ့ လျှော့ရက်(ကွာ) ပုံမှန်ရနေကျကိစ္စအထိပါ စွက်ဖက်တတ်လို့ (ကွာ) ၃ လတစ်ကြိမ်မရပဲ ပြစ်ဒဏ် ခံရက် အတိအကျ နဲ့ နေခဲ့ကြရသူတွေ အများကြီးမှ အများကြီးပါ။ အကျဉ်းဦးစီးဌာနကလည်း စစ်ထောက်လှမ်းရေးကို ဘာမှ ပြန်ပြောရဲကြတာမှ မဟုတ်တာ။ သူတို့လုပ်သမျှ ခံကြရသူချည်းပါပဲ။ သူတို့လုပ်သမျှဟာလည်း တရားလက်လွတ်တွေချည်းပါပဲ။
ဘယ်လိုပဲ ဆေးကြော ဆေးကြော မပျေက်ပျက် မပြယ်လွင့်နိုင်တဲ့ ပြစ်မှု အညစ်အကြေးတွေ ဗိုလ်ချုပ်ခင်ညွန့် ဆီမှာ ရှိတယ်။ သူကျူးလွန်ခဲ့တဲ့ အပြစ်တွေဟာ လူမျိုးဆက် တစ်ဆက် (One Generation) နဲ့ မလုံလောက်ဘူး၊ ဂယက်တွေ အကျိုးဆက်တွေဟာ နောင်နှစ်ကာလများစွာအထိ သက်ရောက်နေမှာ။ သူပြုသမျှဟာ ကောင်းကျိုးဘာမှ မရခဲ့ဘူး။ နေရာတိုင်းမှာ ဥက္ကဌ ၀င်လုပ်ပြီး တိုင်းပြည်ကို စနစ်တကျ ဖျက်ဆီးခဲ့တယ်လို့ပြောရင် အားလုံးက သဘောတူမှာပါ။
  အတွင်းရေးမှူး(၁)ဖြစ်တယ်။ ၀န်ကြီးချုပ်ဖြစ်တယ်။ သူ့မှာ တာဝန်အရှိဆုံး။ ကောင်းကျိုးသာ ခံစားရစတမ်းဆိုရင် ခုလောက်ရှိ တိုင်းပြည်ဟာ လျှမ်းလျှမ်းတောက်နေရောပေါ့။ အကြောင်းကြောင့် အကျိုးဖြစ်တာပါ။ သူလုပ်တာကိုင်တာ ညံ့ဖျင်းလို့၊ စေတနာမပါလို့ အခု အဲသည် အကျိုးဆက်တွေ ဆက်ခံနေရတာပဲပေါ့။ သူရှုပ်ထားတဲ့ အရှုပ်ထုပ်ကြီးကို အခု အသေအလဲ ရှင်းနေရတာပဲလေ။ လက်နက်ကိုင် အဖွဲ့အစည်းတွေနဲ့ ငြိမ်းချမ်းရေးယူတယ်ဆိုပြီး အခွင့်အရေးတွေ လုပ်ပိုင်ခွင့်တွေ ဖောခြင်း သောခြင်း ပေးထားတာတွေဟာ ခုနေခါမှာ ခေါင်းခဲရတဲ့ ကိစ္စတွေ ဖြစ်လာတယ်။ ပညာရေး အနှုတ်လက္ခဏာပြရတဲ့ အခြေအနေကို ဆိုက်ရောက်သွားရတာလည်း ပညာရေးကော်မတီ ဥက္ကဌ မှာ တာဝန် အရှိဆုံး မဟုတ်လား။
  မှားခဲ့ကြောင်း ၀န်ခံဖို့ တောင်းပန်ဖို့ ခုထိ မစဉ်းစားသေးဘူး။ နိုင်ငံရေး မလုပ်တော့ပါဘူးလို့တော့ ပြောပြီးရင်းပြောနေတယ်။ နိုင်ငံရေးလုပ်ပါလို့ ခင်ဗျားကို ဘယ်သူက အဘိယာစက ပြုနေလို့လဲ။ သူ့ကြောင့် တိုင်းပြည်ပျက်ခဲ့တာ လူတိုင်းသိပြီးသားပဲ။ နိုင်ငံရေးဆိုတာ ထ လုပ်ချင်တိုင်း ထ လုပ်လို့ ရတယ်များ ထင်နေသလားမသိဘူး။ လွယ်တယ်ထင်ရင် စမ်းကြည့်လေ။ ပါတီထောင်ကြည့်ပါလား။ လူထု တရားပွဲ တစ်ပွဲလောက်လုပ်ပြီး ဟောကြည့်ပါလား။ လူထု သဘောထား သိသွားအောင် နိုင်ငံရေးထဲ ၀င်လုပ်ကြည့်စေချင်တယ်။ အဲသည်တော့မှ အမယ်လေး အဘ လေး တ နေရမယ်။ မယုံရင် စမ်းကြည့်ပါ။ လုပ်ကြည့်ပါ။ လုပ်ကြည့်လိုက်စမ်းပါ။ နိုင်ငံရေးနယ်ပယ်ထဲဝင်ပြီး လက်စွမ်းပြကြည့်စမ်းပါ။ ကြိုးဝိုင်းထဲ ၀င်လှည့်စမ်းပါ။ ဘယ်လိုခံစားသွားရမလဲ ဆိုတာ သိသွားစေချင်တယ်။ ၀င်ဖြစ်အောင် ၀င်ပြီး နွှဲစေချင်တယ်။ နွားပျိုသန်လှ နွားအိုပေါင်ကျိုး စိတ်ဓါတ်မွေးစေချင်တယ်။
  တိုင်းသူပြည်သား လူအများတို့မှာ ၁၉၈၈ ခုနှစ်ကစပြီး ၂၀၁၀ အထိ အုပ်ချုပ်ခဲ့တဲ့ (န.၀.တ) နဲ့ (န.အ.ဖ) ခေတ်ကို သိပ်ကြိုက်တာပဲ။ သိပ်သဘောကျတာပဲ ဆက်အုပ်ချုပ်ပါလို့ တောင်းဆိုကြမယ့်လူ ဘယ်လောက်  ရှိမယ်ထင်လဲ။ န.၀.တ အတွင်းရေးမှူး(၁)ရဲ့ ဆောင်ရွက်မှုတွေဟာ သိပ်စိတ်ချမ်းမြေ့စရာ ကောင်းတာပဲ။ ၀န်ကြီးချုပ်ဘ၀ရောက်တော့လည်း တိုင်းပြည်တိုးတက်ထွန်းကားအောင်လုပ်သွားလို့ သိပ်သိပ်ကျေးဇူးတင်တာပဲ လို့ ၀မ်းသာ အားရ ပြောမယ့်သူ ဘယ်နှယောက်ရှိမယ်ထင်သလဲ။ အချီးမွမ်း ခံရမယ်လို့ ထင်သလား။
  သူ့လက်ထက်မှာ နေရထိုင်ရတာ အေးချမ်းသာယာပြီး နှလုံးစိတ်ဝမ်း ချမ်းမြေ့လိုက်တာ သူတော်ကောင်းကြီး ဘုန်းကြီးပြီး အသက်ရှည်ပါစေတော် လို့ ဆုတောင်းခံရမယ့် ပုဂ္ဂိုလ်လား။ ဗိုလ်ချုပ်ကြီးဟာ ဘယ်လိုလူလဲ၊ ဘယ်လိုပုဂ္ဂိုလ်လဲ မပြောလည်း သိပါတယ်။ အင်္ဂ၀ိဇ္ဇာ မတတ်လည်း သိတာပါပဲ။ နိုင်ငံရေးမလုပ်တော့ဘူးဆိုရင်လည်း ထောက်လှမ်းရေး ပြန်ဖွဲ့သင့်တယ်လို့ ၀င်ပြောမနေနဲ့လေ။ ကိုယ့်ဖာသာ ကိုယ် ကော်ဖီရောင်းပြီး အေးအေးနေပေါ့။ နိုင်ငံရေး မလုပ်ပါဘူးလို့လည်း ဆိုသေး ၊ ထောက်လှမ်းရေး ပြန်ဖွဲ့သင့်ပါတယ်လို့လည်း အကြံပေးနေသေးတယ်။ ဘယ်သူက အကြံဥာဏ်တောင်းနေလို့ ပေးရတာတုံးဗျား။ တကယ်တော့ နိုင်ငံရေးမလုပ်ပါဘူးလို့ ပြောချင်လို့ ပြောနေတာ။ ဗိုလ်ချုပ်က ဘယ်တုန်းက နိုင်ငံရေးလုပ်ဖူးခဲ့လို့လဲ။ အာဏာရှင် စစ်ဗိုလ်ပဲ လုပ်ခဲ့တာ မဟုတ်လား။ ထောက်လှမ်းရေးမှူးချုပ်ပဲ လုပ်ခဲ့တာ မဟုတ်လား။ နိုင်ငံရေးဆိုတာ ဘာလဲလို့ သေသေချာချာ လေ့လာဖူးရဲ့လား။ အမိန့်နာခံတတ်တာ အမိန့်ပေးတတ်တာလောက်နဲ့ နိုင်ငံကို အုပ်ချုပ်လို့ ဘယ်ရမှာတုံး။
၁၉၆၂ ခုနှစ် (စင်စစ်တော့ ၁၉၅၈ ခုနှစ်) က စ တဲ့ ဇာတ်လမ်းဟာ အခုအထိ မဆုံးသေးပါဘူး။ ဗိုလ်ချုပ်နေ၀င်း အိမ်စောင့်အစိုးရဖြစ်လာပြီ ဆိုကတည်းကစခဲ့တဲ့ ဇာတ်လမ်းဟာ ခုထိ ခံနေရတုန်းပါပဲ။ ဒီကနေ့ တိုင်းပြည်မှာ အချမ်းသာဆုံး မီလျံနာ၊ ဘီလျံနာ တွေဟာ ဘယ်သူတွေလဲ။ သူတို့ ဘယ်ပုံဘယ်နည်းနဲ့ ဘယ်လို ကြိုးပမ်းအားထုတ်လို့ မီလျံနာ ၊ ဘီလျံနာတွေ ဖြစ်လာခဲ့ကြတာလဲ။ ခေတ်စားတဲ့ စကားလုံးဖြစ်တဲ့ ခရိုနီ ဆိုတာကရော သူတို့ဘာသာ သူတို့ ပေါက်ဖွားလာကြတာလား။ ဘယ်သူတွေက မွေးဖွားပေးခဲ့တာလဲ။ ဘယ်သူတွေက မြေတောင်မြှောက်ပေးခဲ့တာလဲ။
  လုပ်ငန်းရှင် အကြီးစားတွေ ၊ ကုဋေကြွယ်သူဌေးကြီးတွေ ဘယ်ကဘယ်လို အတောင်ပေါက်ပြီး ဒီကိုရောက်လာကြတာလဲ။ ကျောထောက်နောက်ခံ မရှိဘဲ အလိုလိုဖြစ်လာကြတာလား။ ကမ္ဘာ့အဆင်းရဲဆုံး တိုင်းပြည်ထဲမှာ အပါအ၀င်ဖြစ်နေရပေမယ့် ငါတို့တိုင်းပြည်မှာ ကမ္ဘာ့အဆင့်မီ သူဌေးကြီးတွေလည်း အများကြီးရှိသဟ လို့ ဂုဏ်ယူဝင့်ကြွားရမလိုဖြစ်နေပြီ။
ပြဿနာတွေ တစ်ထွေးကြီးနဲ့ ရှေ့ခရီးဆက်နေရတယ်။ ပြည်သူလူထုမှာ ဒုက္ခပင်လယ်တွေ ဝေပြီးရင်း ဝေနေကြတယ်။ ငတ်လို့ သေတဲ့ မသာမရှိဘူးဆိုတဲ့စကားကို လက်မခံကြတော့ဘူး။ တစ်နိုင်ငံလုံး တရုတ်လက်ထဲ ရောက်သလောက်ဖြစ်နေပြီ။ အခြေခံလူတန်းစားအားလုံးလိုလိုဟာ တရုတ်အားထား ၊ တရားအားထုတ်နေရတာပဲလေ။ မိုးလင်းပြီဆိုကတည်းက တရုတ်သွားပွတ်တံ၊ တရုတ်သွားတိုက်ဆေး။ တရုတ်ဆပ်ပြာ၊ တရုတ်ဆပ်ပြာမှုန့်၊ တရုတ်ကျောပိုးအိတ်၊ တရုတ်ဘောလ်ပင်၊ တရုတ်ခြေအိတ်၊ တရုတ်ဖိနပ်၊ တရုတ်ဦးထုပ်၊ တရုတ် T-Shirt ၊ အိပ်ယာဝင်တဲ့အထိ တရုတ်နဲ့ပဲ နပန်းလုံးနေရတယ်။ တရုတ်စက်ဘီး၊ တရုတ်ဆိုင်ကယ်၊ တရုတ် ထော်လာဂျီ၊။ အစားအသောက်လည်း တရုတ်။ အ၀တ်အထည်လည်း တရုတ်၊ သွားလေရာ ရောက်လေရာ တရုတ်နဲ့ ဘာတစ်ခုမှ မလွတ်ဘူးလို ဖြစ်နေတယ်။ ဘယ်အစိုးရလက်ထက်မှာမှ အခုကာလလောက် တရုတ်တွေ ဖောဖောသီသီ လွှမ်းမိုးခြင်းကို မခံခဲ့ရဘူး။
  တရုတ် မြစ်ဆုံ စီမံကိန်း၊ တရုတ်တိုင်းပြည်နှစ်ခြမ်းဖြတ် ဓါတ်ငွေ့ပိုက်လိုင်း၊ တရုတ် လက်ပန်းတောင်းတောင်။ ဘယ်လောက်များ တရုတ်က ၀ါးချင် မျိုချင်နေသလဲ ဆိုရင် ရေကျသွားလို့ မြစ်လယ်ခေါင်မှာ ထွန်းလာတဲ့သောင်ကိုပါ မရအရ ၀ယ်ကြတယ်ဗျာ။ ကြားဖူးကြရဲ့လား။ ဧရာဝတီထဲမှာ ရာသီအလိုက်ပေါ်ထွန်းလာတဲ့ ကျွန်းမြေကို တောင်းသလောက်ပေးဝယ်သတဲ့ဗျို့။
  တရုတ်တွေ နယ်စပ်ဖြတ်ကျော်ဝင်လာပြီး နီးရာမြို့မှာ ရှမ်းအဖြစ်၊ ၀ အဖြစ် ၊ ကိုးကန့်အဖြစ် မှတ်ပုံတင်လုပ်ကြတယ်။ တိုင်းရင်းသားအဆင့် တိုက်ရိုက်ရသွားတယ်။ လွယ်လိုက်တာ။ နယ်စပ်မှာ ဘိန်းနဲ့ ရသမျှပိုက်ဆံတွေနဲ့ မြို့ပေါ်တက်လာပြီး အိမ်၊ ခြံ၊ မြေ ၊ တိုက်တွေ ၀ယ် .. လုပ်ငန်းကြီးတွေ ထူထောင်။ ရွာနေပြည်ထိုင်တွေကို ငွေထုပ်ကြီးနဲ့ ပေါက်ပြီးဖယ်ရှား။ အာဏာပိုင်တွေကို ငွေထုပ်ကြီးတွေပေးပြီး ခစား။ ခုတော့ မန္တလေး တစ်မြို့လုံး တရုတ်တွေကို မနည်းကြီးရှောင်နေရပြီ။ ခွေးလေ ခွေးလွင့်ပေါသလိုကို ပေါနေတာ။ အခု တရုတ်တွေက ဖဆပလ ခေတ်က တရုတ်တွေလို၊ မဆလ ခေတ်က တရုတ်တွေလို မဟုတ်ဘူးဗျို့။ ဟိုတုန်းက တရုတ်တွေက ဗမာပြည်ပေါက် တရုတ်တွေ၊ ဗမာတွေနဲ့ ရောထွေးနေပြီး ဗုဒ္ဓဘာသာကို ကိုးကွယ်ပြီး ဗမာတွေအပေါ် တလေးတစားရှိတဲ့တရုတ်တွေဗျာ။ အခုတရုတ်တွေက ဗမာတွေဆိုတာ ငါတို့ အရေးစိုက်စရာ အနေအထားမဟုတ်ဘူး။ ဂရုစိုက်စရာ အနေအထားမဟုတ်ဘူး။ ဂရုစိုက်စရာမလိုဘူး။ ငါတို့နဲ့ တခြားစီလို့ သဘောထားပြီး အိမ်ရှင်ကို စော်ကားမော်ကား လုပ်ချင်တဲ့ ဧည့်သည်လို ရိုင်းရိုင်းပျပျ ပုံစံပေါက်နေတဲ့ တရုတ်တွေ။ ဘယ့်နှယ့်လုပ်ကြမလဲ။ န၀တ၊ နအဖ ခေတ်မှာ နောက်တိုးရောက်လာကြ ပေါက်ပွားလာကြတဲ့ တရုတ်တွေ။ အဲသည်လို ဗမာတွေအပေါ် နည်းနည်းကလေးမှ စေတနာမထားဘဲ ဗမာပြည်က အဆီအနှစ်တွေ တစ်စက်မကျန်ညှစ်ယူဖို့ပဲ အာရုံစိုက်နေတဲ့ တရုတ်တွေနဲ့ အခု နှဖူးတွေ့ ဒူးတွေ့ ကြုံနေရတာကတော့ မန္တလေး ဒေသကြီးပါပဲ။ မန္တလေးဟာ အဲသည်ဒဏ်ကို မြိန်မြိန်ကြီး ခံနေရတယ်။ မန္တလေးဟာ တရုတ်လက်ထဲကို တအိအိနဲ့ ကျနေပြီ။ နေ့စဉ် တရုတ်ပြည်ထဲကို သွားနေတဲ့ ကုန်ပစ္စည်းပေါင်း အမျိုးအမည်များစွာ အရေအတွက်များစွာထဲမှာ သဘာဝအရင်းအမြစ်တွေတင် မကဘူး။ လူသားအရင်းအမြစ်တွေပါ တစ်ပုံတစ်ခေါင်းကြီး ပါနေပြီ။ လူကုန်ကူးတယ်လေ။ တရုတ်မယားလုပ်ဖို့ ဗမာမတွေကို ဟိုဘက်ပို့ပေးကြတယ်။ ဗမာတွေက ပို့နေတာပါပဲ။ ဘယ်လောက်များ ယိုယွင်းကုန်ကြသလဲလို့။
  ဒါတွေဟာ ဘယ်အစိုးရလက်ထက်တုန်းကမှ မဖြစ်ခဲ့ဘဲ န.၀.တ ၊ န.အ.ဖ လက်ထက်မှာမှ အုပ်ချုပ်ရေးစီမံခန့်ခွဲရေးစတာတွေမှာ ထင်ရာလုပ်ပြီး ရာဇပလ္လင်ဖင်မြဲစေဖို့သာ ဦးတည်တာကြောင့် ပေါ်လာခဲ့ရတဲ့ ကိစ္စတွေနဲ့ အဲဒါတွေရဲ့ နောက်ဆက်တွဲ ရလဒ်ဆိုးတွေပဲပေါ့။ သွေးရူးသွေးတန်းနဲ့လုပ်ခဲ့တဲ့ စနစ်တကျမရှိတဲ့ တစ်ပွဲတိုး ထွက်ပေါက်ရှာတဲ့ ဈေးကွက်စီးပွားရေးတို့၊ နယ်စပ်ကုန်သွယ်ရေးတို့၊ တံခါးဖွင့်စီးပွားရေးတို့ဆိုပြီး ကမန်းကတန်း ထလုပ်လိုက်တဲ့ ပေါ်ပင်လုပ်ရပ်ကြီးတွေရဲ့ နောက်ဆက်တွဲ ဆိုးကျိုးတွေမဟုတ်လား။
  အဲဒါတွေဟာလည်း အတွင်းရေးမှူး(၁) ဆိုတဲ့ ဗိုလ်ချုပ်ကြီးခင်ညွန့်။ ၀န်ကြီးချုပ်လုပ်ခဲ့တဲ့ ဗိုလ်ချုပ်ကြီးခင်ညွန့်ရဲ့ ပယောဂ တွေပေါ့ဗျာ။ သူထွင်ခဲ့တဲ့၊ သူစီစဉ်ခဲ့တဲ့၊ သူဖော်ဆောင်ခဲ့တဲ့ လုပ်ရပ်တွေရဲ့ ဆင့်ပွားဒဏ်ရာဒဏ်ချက်တွေ အခုအထိ အလူးအလဲခံနေရတုန်းမှာကို သူက "ထောက်လှမ်းရေး ပြန်ဖွဲ့ဖို့လိုတယ်" တဲ့ဗျာ။ နိုင်ငံရေး မလုပ်တော့ဘူးတဲ့ဗျာ ... ....
အံ့ရော .... အံ့ရော .....။

သင့်နော်