ကြုံရဆုံရ သူရဲမ

 

ဒီနေ့တော့ အမှိုက်ထဲ ကောက်ရိုးလှည်းမောင်းသွားသလို တော်တော် သပွတ်အူကျတဲ့နေ့ပဲ။ ဘယ့်နှယ့် နေ့ခင်းမွန်းတည့်ကြီး လူနှစ်ထောင်လောက်ရှိတဲ့စက်ရုံမှာမှ သူရဲဝင်ပူးခြောက်ရတယ်လို့။ ပြောရင်းတောင်ကြက်သီးထတယ်။ ဒီလို ဒီလို--။ ကျုပ်တို့စက်ရုံက နေ့ ၁၂ နာရီ ထမင်းစားဘို့ ၄၅ မိနစ်အနားပေးတယ်။ ထမင်းစားတာက ၁၅ မိနစ်ပဲကြာတော့ ကျန်တဲ့ နာရီဝက်ကို တစ်ရုံလုံးဖြစ်သလို အိပ်ကြတယ်ဗျ။ ဒါက ထုံးစံလိုဖြစ်နေပြီ။ အဲဒီအချိန် စက်ရုံထဲ လူ ၂၀၀၀ ရှိမှန်းတောင်သိမှာမဟုတ်ဘူး။ မီးကလည်း ပိတ်ထား။ အိပ်နေကြတာ အပ်ကျသံတောင်ကြားလောက်တယ်။ အဲဒီလို ငြိမ်နေတုန်း ---

``မလွတ်တော့ဘူး ပြေးးး ပြေးးး ပြေးးး``

ဆိုပြီး အခန်းခွဲတစ်ခုထဲက ဝန်ထမ်း သုံးယောက်လောက် ငယ်သံပါအောင်အော်ပြီး ပြေးထွက်လာပါရော။ ကျန်တဲ့အိပ်နေတဲ့သူတွေလည်း ဘာမသိညာမသိ အလုအယက်ထွက်ပြေးကြတယ်။ ဘာဖြစ်တာလဲ အော်မေးတော့ မသိဘူးတဲ့။ သူများပြေးလို့ပြေးတာတဲ့။ မီးလန့်ရအောင်လည်း မီးက အားလုံးပိတ်ထားတာ(ပျက်နေတာ/မီးစက်မမောင်းရသေး) ။ ဒါနဲ့ မလိုအပ်တဲ့ထိခိုက်ဒဏ်ရာမရအောင် ထိမ်းသိမ်းဘရိတ်အုပ်ရင်း အကြောင်းရင်းမှန် ဘာလဲစုံစမ်းကြည့်တော့ ဒီလိုတဲ့ဗျ--

``သမီးတို့ အခုလုပ်နေတဲ့ အခန်းရဲ့ တစ်ဖက်ခန်းမှာ သူရဲမ ရှိတယ်ဆရာ။ အဲဒါကို သမီးတို့ ခဏခဏတွေ့တယ်။ ဒါပေမယ့် တစ်ချို့က မယုံဘူး။ သမီးတို့ Leader ဆိုရင် အဲဒီသူရဲမက လက်ဝါးကြီးနဲ့ အိပ်နေတုန်းရိုက်တာ တင်ပါးမှာ လက်ဝါးရာကြီးတောင်ထင်တယ်။ နာလွန်းလို့ ငိုလိုက်တာ ရေမန်းတွေတိုက်ရသေးတယ်။ မနေ့ကလည်း အိပ်နေတဲ့ ကောင်မလေးနှစ်ယောက်ကြားမှာ ထိုင်နေတာကို သမီးတို့မြင်တယ်ဆရာ။ တစ်ခါလည်း မနက်အစောကြီး တင်ပါးလွှဲထိုင်နေတာ တွေ့ဘူးတယ်``

``အဲဒါ ငါလည်း မသိရပါလား``

``ဆရာ့ကိုမပြောဖြစ်တာ ဒီနေ့လည်း သမီးတို့ ၃ ယောက် မအိပ်ချင်လို့ သူရဲကြောင်း ပြောနေတုန်း တစ်ဖက်ခန်းက အိပ်နေတဲ့ ကောင်မလေး ရုတ်တရက် ထလာပြီး လက်ကြီးကလည်း လည်ပင်းညှစ်တော့မယ့်ပုံ လူသေလက်ကြီးပုံနဲ့ မျက်လုံးကြီး နီပြီး ဒေါသနဲ့ `` နင်တို့ ငါ့အကြောင်း ဘာလို့ပြောနေတာလဲ`` လို့ အခန်းဝလာရပ်ပြီးပြောတယ်ဆရာ``

``အဲဒီကောင်မလေးက နောက်တာမဟုတ်လား``

``ဘယ်က နောက်ရမှာလဲဆရာရယ် တစ်နေ့လုံးလိုနေတောင် စကားတစ်ခွန်းမပြောတဲ့ ကောင်မလေးပါ အရှက်အကြောက်ကြီးတယ် ခုတောင် လူတွေဝိုင်းမေးနေလို့ သူ့မှာမနေတတ်ဘူး``

``အင်း ဆက်ပြောပါဦး``

``ဒါနဲ့ သမီးလည်း လည်ပင်းက ပရိတ်ကြိုးကို အမြန်ဖြုတ်ပြီး သူ့လက်ကို ရိုက်ချလိုက်တာ သူလည်း နောက်ပြန်လဲ သမီးလည်း နောက်ပြန်လဲသွားတယ် နောက် သူကပြန်အထ သမီးတို့လည်း ကြောက်ပြီး တံခါးတွန်းဖွင့်ပြီး အော်ပြေးလို့ လူတွေ လန့်ပြီးရောပြေးကုန်ကြတာ``

အော် အဲဒီကောင်မလေး ခေါ်စမ်းပါဦး။ (သူရောက်လာပြီး)

နင်အခုဖြစ်သွားတာတွေသိလား။ အိပ်မက်တွေရော မက်သေးလား။

``သမီး ဘာမှ မသိဘူး သမီးအခန်းထဲမှာ အိပ်နေတာ နိုးတော့ ဆေးခန်းထဲရောက်နေရော အဲဒါပဲသိတယ်``

တိန်။။။။

(မှတ်ချက် ။ ။ဒီနေ့ ၂၉-၆-၁၃ စနေနေ့ ဖြစ်ရပ်မှန်)
ဆေးခန်းထဲ သယ်တုန်းက လက်ကွေးပုံစံကြီးနဲ့ လူ ၇ယောက်လောက်ဝိုင်းမ ပို့ရတယ် တော်တော်လေးတယ်ဆိုပဲ)

ဒီပဲယင်း(၃)

ဒီပဲယင်းလုပ်ကြံမှု မျက်မြင်ကိုယ်တွေ. ဖြစ်ရပ်မှန် အပိုင်း(၃)

================

ခန္ဓီးထောင်မှာ ဘယ်လောက်နေခဲ့ရလဲ။
--------------------------------

ခြောက်လ။

အဲ့ဒီခြောက်လက တရားခွင်တွေဘာတွေတင်၊ အမှုတွေဘာတွေ စစ်ပြီး ချုပ်တာလား။
--------------------------------

တရားခွင် မတင်ဘူး။ ဒီလို မတရားချုပ်နှောင်တဲ့အပြင် မတရားဖမ်းဆီးမှုလို့လည်း ပြောရမှာပေါ့။ အဲ့ဒီမှာ ၁၅ ရက်
လောက်က စစ်ကြောရေး ဝင်ခဲ့ရတယ်။ စစ်ကြောရေးကတော့ တကယ့် ဆိုးဆိုးဝါးဝါး ငရဲခန်းပါပဲ။

စစ်ကြောရေးမှာ အဓိက ဘာတွေစစ်လဲ။
--------------------------------

အဓိကကတော့ ကျနော်တို့က စလုပ်တာပေါ့။ ကျနော်တို့က ရိုက်တယ်ဆိုတဲ့ အကြောင်းကို ထွက် ဆိုခိုင်းတာ။ ပထမ တကြိမ် လာစစ်လည်း ကျနော် အမှန်အတိုင်းပြောတယ်။ ဒုတိယ တကြိမ်၊ တတိယ အကြိမ်လဲ အဲ့ဒီအတိုင်းပဲ ထွက်တယ်။ ကျနော်တယောက်တည်းကို လူ ၄၊ ၅၊ ၆ ယောက် လောက်က ဝိုင်းစစ်တာ။ ဒီလူ ၄၊ ၅၊ ၆ ယောက်က
လည်း အဲ့တာကိုပဲ မေးတယ်။ မနက်တခါ၊ နေ့လည်တခါ၊ ညဆိုလည်း ၇ နာရီတခါ၊ ၁၂ နာရီတခါ အဲ့လို စစ်တယ်။

ဒီပဲယင်း ဖြစ်စဉ်ကို အိပ်မက်တွေ ပြန်မက်တာမျိုး၊ ပြန်ပြီး ခံစားနေရတာမျိုး ရှိလား။
-------------------------------------

ထောင်ထဲရောက်နေတဲ့ အချိန်တုန်းကတော့ နားထဲမှာ အဲ့အဖြစ်အပျက်တွေ ကြားနေရတာမျိုး ရှိတယ်။ ကျနော်က
ဖြစ်တဲ့ နေရာမှာတုန်းက ဘာမှ မဖြစ်ခဲ့ဘူးလို့ ပြောလို့ရတယ်။ ထောင်ထဲ ရောက်မှ နှိပ်စက်ခံရတဲ့ အခါကျမှ မျက်လုံး တဘက် ထိလာတယ်။ မျက်လုံးက အားနည်း သွားတယ် ပြောရမှာပေါ့။ သွားတွေလည်း အခုထိ မကောင်းတော့ဘူး။ နားတွေလည်း သိပ် မကောင်းတော့ဘူး။ အဲ့တော့ ထောင်ထဲက အဖြစ်အပျက်တွေ အိပ်မက်လို ပြန်မက်တာတွေ ရှိတယ်။ အမြဲတမ်း အာရုံထဲမှာ ရောက်နေတာမျိုး ရှိပါတယ်။

အခုအချိန်အထိ ခံစားနေရတာကတော့ ဒီကိစ္စက အစိုးရတရပ်အနေနဲ့ လုပ်ကြံတယ်လို့ သိပေမယ့် ဘယ်သူက ဦးဆောင်ပြီးတော့ လုပ်သလဲ ဆိုတာကို။ တာဝန်ရှိတာတော့ အစိုးရမှာ တာဝန်ရှိတယ်။ အများကလည်း သိတဲ့ အနေအထားရှိတယ်။ ဒါပေမယ့် ဒီဥစ္စာကို ဘယ်သူက ဦးဆောင်ပြီးတော့ အကွက်ကျကျ စီစဉ်ပြီးတော့ လုပ်သလဲ ဆိုတာ အခုအချိန်အထိ မပေါ်ပေါက် သေးဘူး။ နောက်ပြီး လုပ်တဲ့သူတွေ ဘယ်နှစ်ယောက်၊ ဘယ်သူတွေဆိုတာ ကျနော်တို့ တိတိကျကျ ဖော်ထုတ်နိုင်စွမ်း မရှိသေးဘူး။

ကျနော့်စိတ်ထဲမှာ သူတို့ကို ပြန်ပြီး ထိခိုက်ပါစေ၊ နစ်နာပါစေ၊ ဟိုဟာဖြစ်ပါစေဆိုတဲ့ ဆန္ဒမရှိဘူး။ ဒါပေမယ့် အဖြစ်မှန်
လေးကိုတော့ ပေါ်ပေါက်စေချင်တယ်။ တနေ့ထက် တနေ့တော့ အဲ့ဒီ ခံစားချက်လေးတော့ ရှိနေတာပေါ့နော်။

ခန္တီးကနေ ပြန်လွတ်လာပြီး နောက်ပိုင်း အန်တီနဲ့ ဘယ်နှစ်ခါ ပြန်တွေ့ဖြစ်လဲ။
--------------------------------

အန်တီ ၂ဝ၁ဝ နေအိမ်အကျယ်ချုပ်က လွတ်ပြီးတော့မှပဲ ကျနော်သွားပြန်တွေ့ဖြစ်တယ်။ အခုဆို ၇ ကြိမ်လောက်
တော့ တွေ့ပြီးပါပြီ။

အန်တီနဲ့ အဲ့ဒီတုန်းက အခြေအနေတွေ ပြန်ပြောဖြစ်လား။ အကို့ ပါဝင်မှုနဲ့ ပတ်သတ်ပြီး အန်တီက ဘာပြောသေး လဲ။
--------------------------------------

စစတွေ့ချင်းတုန်းက အန်တီက အချိန်သိပ်မရဘူး။ ထွက်လာကာစဆိုတော့ သတင်းယူတဲ့သူတွေ၊ တွေ့ချင်တဲ့ သံအမတ်တွေ၊ သံတမန်တွေ များနေပေမယ့် ကျနော့်ကို အန်တီက တော်တော်လေး အချိန်ပေး စကားပြောဖြစ်ပါ တယ်။ စစတွေ့တဲ့ အချိန်မှာ မြန်မာ့နိုင်ငံရေးဖြစ်စဉ် အခြေအနေပေါ့။ ဒါတွေကိုပဲ အဓိက ကျနော်တို့ ပြောဖြစ်ပါ တယ်။ နောက် ကျနော့်ကို ကျေးဇူးတင်တဲ့ အကြောင်းလည်း ပြောပါတယ်။ ကျနော်က ရှေ့နေတယောက် ဖြစ်နေတယ် ဆိုတော့ ရှေ့နေနဲ့ ပတ်သတ်တဲ့ အကြောင်းအရာတွေလည်း ပြောဖြစ်ပါတယ်။

အခု အခြေအနေတွေ ပြောင်းနေပြီ။ အန်တီလည်း လွှတ်တော်ထဲရောက်သွားပြီဆိုတော့ တချိန်က အန်တီနဲ့ အသက်အန္တရာယ် အတူကြုံခဲ့ဖူးတဲ့သူ အနေနဲ့ ဒီအနေအထားပေါ်မှာ ဘယ်လိုထင်လဲ။
--------------------------------

အန်တီက လွှတ်တော်ထဲရောက်သွားပြီ။ အစိုးရနဲ့ အတိုက် အခံနဲ့ ပေါင်းပြီး အလုပ်လုပ်ရမယ်ဆိုတဲ့ အချိန်ရောက်သွား
တော့ အန်တီလည်း ပိုပြီး တာဝန်တွေ ကြီးလာတယ်လို့ ခံစားရတယ်။ ဖြစ်တဲ့ ပြဿနာတွေ အားလုံး အန်တီ့ဆီကို
တိုက်ရိုက် တိုင်တည်လာကြတယ်။ အရင်က မတိုင်တည်ရဲ ကြဘူး။ အခုလွှတ်တော်ထဲ ရောက်ပြီဆိုတော့
အန်တီ့ကို ခေါင်းတည်ပြီး တိုင်တည်လာတာတွေ ရှိလာ တယ်။ ရောက်လာတဲ့ ပြဿနာတွေကို အန်တီက
ဖြေရှင်းပေးရတဲ့အပြင် တိုင်းပြည်ရဲ့ အပြောင်းအလဲ အတွက်လည်း ဖြေရှင်းနေရတော့ အန်တီ့အနေနဲ့ တာဝန်တွေ
ပိုများလာတယ်လို့ ခံစားရပါတယ်။

ဒေါ်အောင်ဆန်းစုကြည်အတွက် နောက်ထပ် အဲ့လို အနီးကပ်တာဝန် ယူပေးချင်သေးလား။
--------------------------------------

အန်တီလွတ်ပြီးတော့ ကျနော်က ပြောပါတယ်။ အန်တီ လိုအပ်ရင် ဘယ်အချိန်ဖြစ်ဖြစ် ခေါ်ပါခိုင်းပါ ဆိုတော့ အန်တီ က ကျနော့်မှာက မိန်းမနဲ့ ကလေးနဲ့ မိသားစုနဲ့ ဖြစ်ဆိုတော့ မိသားစုကို ဂရုစိုက်ဖို့ လိုတယ်ပေါ့။ နောက် ရှေ့နေ အနေနဲ့ကော တခြားလုပ်နိုင်တာတွေ ရှိသေးတယ်ပေါ့ အဲ့လို ပြောပါတယ်။

ဒီပဲယင်းကိစ္စလို ဖြစ်ပြီးခဲ့တာတွေ ပြန်ဖော်တာ ဒီမိုကရေစီကူးပြောင်းရေးနဲ့ အမျိုးသား ပြန်လည်ရင်ကြားစေ့ရေးကို ထိခိုက်နိုင်တယ်လို့ ပြောတာတွေလည်း ရှိတယ်။ ဒီအပေါ်မှာကော ဘယ်လိုထင်လဲ။
----------------------------------------

ဒီဖြစ်ရပ်လေးက သမိုင်းပေါ့ဗျာ။ သမိုင်းအဖြစ်မှန်ပေါ့။ အခု ကျနော်တို့ကို လုပ်တဲ့သူတွေ အားလုံးက တော်တော်များ များက သက်ရှိထင်ရှား ရှိနေကြတုန်းပဲ။ သူတို့ကိုယ် သူတို့ပေါ့ဗျာ “ဟာ… ကျနော်တို့က အဲ့တုန်းက အဲ့လို ဖြစ်ခဲ့တယ်၊ အခုတော့ ကျနော်တို့က ပြောင်းလဲချင်ပြီ” ဆိုတာမျိုးပဲ ဖြစ်ဖြစ်ပေါ့ဗျာ။ သူတို့ကို အပြစ်ပေးတာ မပေးတာအပေါ်မှာ ကျနော်တို့ ဘာဆန္ဒမှ မရှိပါဘူး။ အဖြစ်မှန်လေးကို ပေါ်လွင်စေချင်တာပေါ့ဗျာ။ နောင်သမိုင်းကြရင် ဒါဘယ်လိုက ဘယ်လိုဖြစ်တယ်၊ ဘယ်သူတွေ စီစဉ်ခဲ့လို့ ဘယ်လိုတွေ ဖြစ်တယ်ဆိုတာကို သမိုင်းကြောင်းမှာ တရားဝင်
ပေါ်သွားစေချင်တဲ့ ဆန္ဒရှိပါတယ်။

ဒီပဲယင်းဖြစ်စဉ်မှာ ရိုက်ကြနှက်ကြနဲ့ ငရဲပွက်နေတဲ့အချိန် မှတ်မှတ်ရရ အဖြစ်ဆုံး အပြုအမူ ဒါမှမဟုတ် စကားလုံးက ဘာဖြစ်မလဲ။
-----------------------------------

စွဲစွဲမြဲမြဲ သတိထားမိတာက ကျနော့်အရှေ့မှာ ပြောကြဆိုကြတဲ့အချိန်မှာ “ဒါ ဒေါ်အောင်ဆန်းစုကြည် ကားနော်၊ မင်းတို့ သမိုင်းဝင်သွားမယ်” ဆိုပြီး ပြောတဲ့အချိန် သူတို့ ခဏတုန့်သွားတယ်။ နောက်ပြီးမှ “ဟာ.. ဘာပဲဖြစ်ဖြစ် ချကွာ၊ ရိုက်ရိုက်” ဆိုပြီး ဝင်ရိုက်တဲ့ အဖြစ်ကတော့ ကျနော့် စိတ်ထဲမှာ ထင်ကျန်နေတုန်းပဲ။

by အဓိပတိဘွား စနေသား

ပြီးပါပြီ

ဒီပဲယင်း(၂)

ဒီပဲယင်းလုပ်ကြံမှု မျက်မြင်ကိုယ်တွေ. ဖြစ်ရပ်မှန် အပိုင်း(၂)
=================
နောက်ထပ် သတ်ကွင်းလို တနေရာ ကြုံရတယ် ဆိုတာက ဘယ်လိုမျိုးလဲ။
--------------------------------------

ဒုတိယနေရာကမှ တကယ့် သတ်ကွင်း။ ပထမနေရာနဲ့ နောက်တနေရာက တမိုင်လောက် ဝေးတယ်။ ကျနော် ထွက်လာတော့ ဘဘဦးတင်ဦးကားတို့၊ အမျိုးသမီးကားတို့ကို ကျော်ပြီး ထိပ်ဆုံးက မောင်းထွက်လာတာ ရှေ့ကိုပဲ အာရုံစိုက်ပြီး မောင်းနေတော့ သူတို့လည်း နောက်က ပါလာတယ်ပဲ ထင်တာ။ ငါးမိနစ်လောက် မောင်းရတယ်။ ရှေ့မှာ ကုန်ကားကြီး ၃ စီး တွေ့တယ်။ အဝေးကတည်းက မြင်တော့ လမ်းကို ဒီကားတွေ ကန့်လန့် ပိတ်လိုက်မှာလည်း စိုးတယ်။ သိပ်လည်း မသင်္ကာဘူးပေါ့ စပြီးလည်း ဖြစ်နေပြီဆိုတော့လေ။

အဲ့တာနဲ့ သူတို့ ထိပ်တည့်တည့်ရောက်ပြီဆိုမှ ညာဘက်ကို လှည်းလမ်းပေါ်ကို ချိုးချပြီး မောင်းမယ် လုပ်မှ ဒီဘက်အခြမ်းမှာ ကားအစီး ၂ဝ၊ ၃ဝ လောက်က မီးတွေဖွင့်ပီး ထိုးထားတာတွေ့ရတယ်။ လမ်းရဲ့ဘေးမှာ ကွင်းက အကျယ်ကြီး ဒိုင်နာလိုလို၊ ကုန်ကားလိုလို ကားတွေ၊ ကွင်းထဲမှာ စီရပ်ထားတာ။ မီးကြီးတွေ လမ်းဘက်ကို ထိုးထားတာ။ ကားသုံးစီးကို ကျော်တော့မှ မြင်ရတာ။ မီးတွေနဲ့ လူတွေလည်း များပါလားပေါ့။ လူတွေက စီရပ်နေတာ မန္တလေးလိုဆိုရင် တပြလောက်ကို ရှိတယ်။ လူအပြည့်ပဲ တုတ်တွေနဲ့ စောင့်နေတာ။ လမ်းဘေးတလျှောက်လုံး အပြည့်ပဲ။ ဟိုမှာက ရိုက်တာနှက်တာ ကိုယ့်ရှေ့မှာတင် ကြုံလာခဲ့ပြီဆိုတော့ ကျနော်က သိလိုက်တယ်။ အဲ့ဒီမှာ သတ်ကွင်းဆိုတာ သိလိုက်တယ်။ တုတ်တွေနဲ့ လူတွေက လမ်းရဲ့ ညာဘက်မှာ။ ကျနော် ဆင်းကျော်တဲ့ ညာဘက်မှာ
ပေါ့နော်။ လမ်းရဲ့ ဘယ်ဘက်မှာက ကြံ့ခိုင်ရေး ဝတ်စုံတွေနဲ့ ဆိုင်းဘုတ်လေးတွေ ကိုင်ပြီးတော့ အရင်နှောက်ယှက် သလို စောင့်နေကြတာ။

ကျနော်က ကားကို ခေါင်းတည်ပြီး လီဗာနည်းနည်း နင်းလိုက်တော့ တုတ်တွေနဲ့ လူတွေက ရှဲသွားတယ်။ ရှဲသွားပြီဆိုမှ ကျနော်က လမ်းပေါ်ကို ခေါင်းတင်လိုက်တယ်။ ကားနောက်မှာကော ဘေးပတ်လည်မှာ တွယ်လိုက်လာတဲ့ အခါကျ
တော့ ဆွဲချပြီး ရိုက်လိုက်မှာကို စိုးတယ်။ ကား လမ်းပေါ် ရောက်သွားတော့ လက်လှမ်းမမီတော့မှ နောက်ကနေ ဝိုင်းထုကြတာ။ အဲ့မှာ ကျနော့်ခေါင်းကို တချက်မှန်တယ်။ ဘာနဲ့ ထုလိုက်လည်း မသိဘူး။ သွေးတွေ ဖြာသွားတယ်။ အန်တီက “ဘာဖြစ်သွားသေးလဲ” မေးတော့ ကျနော် သတိရှိသေးတယ် “ရတယ်”လို့ ပြောလိုက်ပါတယ်။ လမ်းရဲ့ အဆုံးမှာ သစ်သားနဲ့ သံဆူးကြိုးနဲ့ ဘယ်ရီဂိတ် ပိတ်ထားတယ်။ အဲ့တာကို ကျနော်က တိုက်ချိုးပြီး ဆက်မောင်းမယ် လုပ်တော့ ကားနှစ်စီးနဲ့ ဆက်ပိတ်ထားတာ တွေ့ရတယ်။ ကားနှစ်စီးရဲ့ ကြားမှာ လူသွားဖို့ လမ်းချန်ထားတာ ရှိတယ်။ အဲ့ဒီ လူသွားလမ်းက ကျနော့်ကားနဲ့ ကွက်တိဖြစ်နေတယ်။ အဲ့ဒီကနေ လွတ်သွားတာ။ လွတ်သွားတော့ အရှေ့မှာ ရဲ ၁ဝ ယောက်လောက် ရှိမယ်။ သေနတ်တွေနဲ့ ချိန်ထားတာ။ ကျနော်လည်း မထူးဘူးဆိုပြီး ဆက်မောင်းတော့ သူတို့က ဒိုင်ဗင်တွေဘာတွေ ထိုးပြီး ရှောင်တဲ့သူက ရှောင်တယ်။ ဘယ်သူ့ကိုမှတော့ ကျနော် မတိုက်ဖြစ်ပါဘူး။

နောက်တော့ကော ဘာတွေ ဆက်ဖြစ်သေးလဲ။
-------------------------

အဲ့ဒီက လွတ်လာတော့ အန်တီက ပြောတယ်။ ဒီပဲယင်းကိုဝင်မယ် ငါ့သား။ ဒီကိစ္စကို ဖြေရှင်းမယ်။ မဖြေရှင်းလို့ မရဘူးပေါ့ ပြောတယ်။ ကျနော့်ကို ပြောတာပေါ့။ ဖြစ်ချင်တော့ ကျနော်ကလည်း ဒီပဲယင်းကို မရောက်ဖူးတော့ ဒီပဲယင်းကို ကျော်သွားတယ်။ ဒီပဲယင်းက လမ်းဘေးလေး ချိုးဝင်လိုက်ရတာ။ ကျနော်က မြို့ရှောင်လမ်းပေါ့နော် အဲ့ဘက်က ထွက်သွားလိုက်တော့ ကျော်သွားတယ်။ ကျော်သွားပြီးတော့ လမ်းဘေး တောထဲမှာ ခဏဝင်ရပ်တယ်။ ကားပေါ်မှာ တုတ်တွေကော၊ ကားအောက်မှာ ကလန့်ထားတဲ့ တုတ်ကလဲ စဖြစ်တဲ့ နေရာကတည်းက ဒီးဒီး၊ ဒီးဒီး
မြည်ပြီးတော့ ပါလာတာလေ။ နောက်ပြီး ကျနော် တိုက်ဖြတ်လာတဲ့ သံဆူးကြိုးတွေလဲ ကားနဲ့ငြိပြီး ပါလာတယ်။

အဲ့ဒီမှာ တုတ်တွေဘာတွေ ဖြုတ်၊ သံဆူးကြိုးတွေ ဖြည်ပြီး တော့အန်တီက လူ ဘယ်နှစ်ယောက်ပါလဲ။
နာမည်တွေပြောဆိုပြီး တခါတည်း အန်တီက သူ့စိတ်နဲ့ပဲ မှတ်ထားလိုက်တယ်။ အန်တီအပါအဝင်
ကျနော်တို့အားလုံး ၁၈ယောက် ပါတယ်။ အန်တီက ဘယ်သူမှ အန်တီနဲ့ မခွာနဲ့။ဘယ်မှ မသွားကြနဲ့
အန်တီ့ဘေးမှာပဲ နေလို့ မှာတယ်။ ကြောက်လန့် ပြီး ခွဲထွက်သွားရင် အန္တရာယ်ဖြစ်မှာစိုးလို့မှာတယ်လို့
ထင်ပါတယ်။

အဲ့ဒီက ပြန်ထွက်တော့ ရေဦးမြို့အဝင် သံလမ်းနားမှာ မောင်းတံဂိတ်လေးတွေ့တော့ ကျနော်က ကားခဏရပ်တယ်။ ကားရပ်တော့ အဘိုးကြီး နှစ်ယောက်က ဒါဘယ်သူ့ကားလဲတဲ့ လာမေးတယ်။ ဒေါ်အောင်ဆန်းစုကြည်ကားပါလို့ ဆိုတော့ တိုင်းမှူးက အမိန့်ချထားတယ်တဲ့။ ဘယ်ကားမှ အဝင်မခံနဲ့လို့ ပြောထားတယ်တဲ့။ အဲ့တာကြောင့်မို့ပါဆိုတော့ ရပါတယ် ကျနော်တို့စောင့်မယ်လို့ ပြောလိုက်တယ်။

နောက် နာရီဝက်လောက် ကြာတော့ ကျနော်တို့ရှေ့က ရထားသံလမ်း တံခါးကြီးကို ပိတ်လိုက်တယ်။ သံလမ်းပိတ်ပြီး သံလမ်းရဲ့ ဟိုဘက်မှာ ဘယ်ရီဂိတ်တွေ ချလိုက်တယ်။ ရေဦးဘက်က စစ်သားတွေ ထွက်လာပြီး ကျနော်တို့ကို ဝိုင်းလိုက်တယ်။ ဝိုင်းတာတော့ တော်တော်ဝေးဝေးက ဝိုင်းတာပါ။ သေနတ်တွေနဲ့ပဲ။ ဝိုင်းပြီးတော့ ဒီအတိုင်းပဲ ကြည့်နေကြတော့ ကျနော်တို့လဲ အေးအေးဆေးဆေးပဲ နေလိုက်တယ်။

အဲ့ဒီလို ဝိုင်းပြီး နာရီဝက်လောက် ထပ်ကြာတော့မှ စစ်တပ်ယူနီဖောင်းနဲ့ အရာရှိကြီးတယောက် ရောက်လာတယ်။ အသက်က ၅ဝ လောက်ရှိမယ်။ သူက ကျနော့်ကို နားထင်ကို သေနတ်နဲ့ ချိန်တယ်။ ချိန်ပြီးတော့ “မင်းလိုက်မလား မလိုက်ဘူးလား” ဆိုပြီး မေးတယ်။ အန်တီ့ကို ကြည့်တော့ အန်တီက ခေါင်းညှိမ့်ပြတော့ “လိုက်မယ်”လို့ ပြောလိုက် တယ်။ “အဲ့တာဆို နောက်က လူတွေ တက်”ဆိုပြီး သေနတ်တွေနဲ့ ချိန်ပြီး တက်ခိုင်းတယ်။ နောက်က လူတွေပါ တက်တော့မှ သံလမ်းတံခါးနဲ့ ဘယ်ရီဂိတ်တွေပါ ဖယ်။ ရှေ့က ရဲကားနဲ့ သူတို့က အနောက်က လိုက်လာကြတယ်။
ဘေးက မော်တော်ပီကယ်တွေ ဘာတွေနဲ့ပါ ခေါ်ပြီးတော့ ရေဦး ရဲစခန်းထဲ ရောက်သွားတယ်။

ရေဦး ရဲစခန်းရောက်ပြီး ဘာဆက်ဖြစ်ကြလဲ။
----------------------------------------

ရေဦး ရဲစခန်းရောက်တော့ အန်တီက ပြောတယ်။ “ရှင်တို့ သတ်ချင်ရင် ကျမတို့ကို ဒီနေရာမှာ သတ်ချင် သတ်ပစ် လိုက်။ အဲ့လိုမှ မဟုတ်ဘူးဆိုရင် ကျမတို့ကတော့ ဒီကိစ္စကို ဖြေရှင်းရမှာပဲ”လို့ ပြောတယ်။ အဲ့ဒီမှာ သူတို့က အန်တီ့ကို အဲ့လိုတော့ မဟုတ်ပါဘူး။ ဖြေရှင်းဖို့ ကျနော်တို့နဲ့ လိုက်ခဲ့ပေးပါဦး လို့ ပြောတယ်။ အဲ့မှာ အန်တီက “မလိုက်နိုင်ဘူး၊ ဥပဒေကြောင်းအရ ဖြေရှင်းမှ သာလျှင် လိုက်မယ်”လို့ ပြောလိုက်တယ်။ နောက် ၁ဝ မိနစ်လောက် နေတော့ ဥပဒေ
ကြောင်းအရ ဖြေရှင်းပေးပါ့မယ်လို့ သူတို့က ပြောတယ်။ အဲ့ဒီမှာ အန်တီနဲ့ ကိုထွန်းဇော်ဇော်ရယ်၊ ကိုထွန်းမြင့်ရယ် လိုက်သွားတယ်။ ကိုထွန်းဇော်ဇော်နဲ့ ကိုထွန်းမြင့်ကို အန်တီက သက်သေအနေနဲ့ ခေါ်သွားလိုက်တာ။ ကျနော်ကတော့ ကားနဲ့ ကားမှာပါတဲ့ သက်သေခံပစ္စည်းတွေကို စောင့်ကြည့်တဲ့ အနေနဲ့ ကျန်ခဲ့တယ်။ ကျန်တဲ့သူတွေ အားလုံးကိုတော့ သူတို့က အချုပ်ထဲ ထည့်လိုက်တယ်။

ရဲစခန်းကို သက်သေဆိုပြီး လိုက်လာတဲ့သူတွေ ၄၊ ၅၊ ၆ ယောက်ရှိတယ်။ အဲ့ဒီလူတွေမှာလည်း စရိုက်တုန်းက လူတွေ ပတ်ထားတဲ့ လက်ပတ်အဖြူတွေ ပတ်ထားတာတွေ့တယ်။ သူတို့က ရပ်ကွက်လူကြီးတို့၊ ရပ်ကွက်အုပ်ချုပ်ရေးမှူးတို့ အဲ့လိုလူတွေ။ ကျနော်တို့ကိုလည်း ဗီဒီယို မှတ်တမ်း တင်တာတွေဘာတွေ လုပ်တယ်။ အဲ့ဒီက ထောက်လှမ်းရေး ထင်တယ် တယောက်က “မင်းတို့က စရိုက်လို့ ငါတို့က လုပ်ရတယ်” ဆိုပြီး ကျနော့်ကို ပြောတယ်။ အဲ့မှာ ကားပေါ် ပါတဲ့ သက်သေပစ္စည်းတွေ စာရင်းတွေလုပ်။ စာရင်းတွေ လုပ်ပြီးပြီဆိုမှ ကျနော့်ကိုပါ အချုပ်ထဲ ထည့်လိုက်တယ်။ အဲ့ဒီမှာ ကျနော်တို့ကို ထမင်းလည်း မကျွေးဘူး။ အဲ့ဒီညနဲ့ နောက်နေ့ တနေ့လုံး ထားတယ်။

အန်တီနဲ့ လိုက်သွားတဲ့ နှစ်ယောက်က သိပ်မကြာဘူး ပြန်ရောက်လာတယ်။ ကျနော်တို့ ၁၇ ယောက်ကို နောက်နေ့ ညနေမှာ ဒိုင်နာ ၂ စီးနဲ့ ရွှေဘိုထောင်ကို ပို့တယ်။ ဒိုင်နာ ၂ စီးကို တာလပတ်တွေနဲ့ အုပ်ပြီးတော့ ရဲတွေနဲ့ ခေါ်သွား တယ်။ ရွှေဘိုထောင်ရောက်တော့ ကျနော်တို့ တယောက်စီကို ရာဇဝတ်သား ၂ ယောက်၊ တန်းစီးလိုမျိုးပေါ့ အဲ့လို လူတွေနဲ့ ထားတယ်။ အဟန့်ပေါ့ဗျာ။ ဒါပေမယ့် သူတို့က ကျနော်တို့ကို ဘယ်သူမှ ရိုင်းရိုင်းပြပြ မဆက်ဆံပါဘူး။
ကောင်းကောင်းမွန်မွန် စောင်တွေဘာတွေနဲ့ ထားပါတယ်။

ရွှေဘိုထောင်မှာ ကိုတိုးလွင်ကိုလည်း ကျနော်တို့ ပြန်တွေ့တယ်။ စရိုက်လို့ ကျနော်တို့ကား ထွက်လာတဲ့အချိန်မှာ သူက မှောက်ကျန်နေခဲ့တော့ သူ့ကို ကျနော်တို့က အသေဆိုပြီး တွက်ထားတာ ရွှေဘိုထောင် ရောက်မှ ပြန်တွေ့တာ။ သူကလည်း ခေါင်းတခေါင်းလုံး အရိုက်ခံထားရတာ ပွစိကို လန်နေတာပဲ။ အဲ့ဒီအချိန်အထိ သူ့ကို ဆေးကုမပေး ထားဘူး။

အဲ့ဒီမှာ ည ၂ နာရီလောက်မှာ ရွှေဘိုထောင်ကနေ ပြန်ထုတ်တယ်။ ပြန်ခါနီးမှ ကိုတိုးလွင်ကို ပတ်တီးတွေစည်းပြီး ကျနော်တို့နဲ့ ပြန်ထည့်ပေးလိုက်တယ်။ ကျနော်တို့ထဲက မုံရွာက ကျောင်းသားလေး တယောက်ကိုတော့ သူတို့
ရွှေဘိုထောင်မှာပဲ ထားခဲ့တယ်။ ကျနော်တို့ကို ခေါင်းစွပ်တွေ စွပ်ပြီး ကုန်ကားကြီးပေါ် တင်တယ်။ ကားပေါ်ရောက်
တော့ မျက်နှာဖုံး ပြန်ချွတ်တယ်။ ကားပေါ်မှာ မတ်တပ်မရပ်ခိုင်းပေမယ့် ပတ်ဝန်းကျင်ကို မြင်ရတော့ တံတားဦးဘက်
ရောက်နေတာ ကျနော်သိရတယ်။ အဲ့ဘက်က ရောက်နေကျဆိုတော့ ကျနော်က သိတယ်လေ။ နောက် ကျနော်တို့ကို မျက်နှာဖုံးပြန်စွပ်ပြီး နာမည်တွေခေါ်ပြီး လေယာဉ်ပေါ် တင်တယ်။

လေယာဉ်ပေါ်မှာ ကျနော်တို့က မျက်နှာဖုံးစွပ်တွေက မွန်းတယ်။ လေယာဉ်ပေါ်ကနေ ဘယ်မှလည်း ထွက်ပြေးလို့ မရပါဘူးလို့ တောင်းပန်တော့မှ မျက်နှာဖုံးစွပ်တွေ ချွတ်ပေးတယ်။ လေယာဉ်က ထိုင်ခုံတွေနဲ့ပဲ။ ဒီဘက်ထိုင်ခုံ နှစ်ခုံ ဟိုဘက်နှစ်ခုံ နှစ်တန်းပါတယ်။ လေယာဉ်မယ် ပါတယ်။ ဒီဘက်မှာ ကျနော်တို့ကို နှစ်ယောက်စီ ထားလိုက်တယ်။ ဟိုဘက်မှာက စစ် ထောက်လှမ်းရေးတွေ၊ ရဲထဲက SB တို့ ပါမယ်ထင်တယ်။ သူတို့လည်း နှစ်ယောက်စီ ထိုင်တယ်။ ကျနော်တို့ ၁၇ ယောက်ကို သူတို့ကလည်း ၁၇ ယောက် ပါတယ်။

၁ နာရီ၊ ၂ နာရီလောက် ကြာတော့ ခန္တီးကို ရောက်တယ်။ မိုးလင်းပြီ။ ခန္တီးထောင်မှာ ကျနော်တို့ နေဖို့ နေရာတွေချ တယ်။ မင်းတို့ကို ကောင်းကောင်းမွန်မွန် ကျွေးပါ့မယ် ဘာညာပြောပြီး ကျနော်တို့ကို ရွှေဘိုက ထည့်ပေးလိုက်တဲ့ အထုပ်လေးတွေတောင် သိမ်းသွားတယ်။ ကျနော် နေရတဲ့ အခန်းက ၃ ပေ၊ ၈ ပေ လောက် ရှိမယ်။ (ခန္တီးထောင်တွင် ကိုကျော်စိုးလင်း ကြုံတွေ့ ခဲ့ရသည်များမှာ စစ်အစိုးရလက်ထက် နိုင်ငံရေးအကျဉ်းသားများ ကြုံတွေ့ခဲ့ရသည့် အနေအထား များအတိုင်းဖြစ်၍ ချန်လှပ်ထားခဲ့ပါသည်။)



ဆက်လက်ဖေါ်ပြပါမည်

သစ္စာ
— with Thein Win, Nld Central, အဂ္ဂမဟာ ဘားမား လူရမ်းကား, မာမီ ထား and Tun Wai.

ဒီပဲယင်း သမိုင်းရိပ်(၁)

ဒီပဲယင်းလုပ်ကြံမှု မျက်မြင်ကိုယ်တွေ. ဖြစ်ရပ်မှန် အပိုင်း(၁)
=======================
ဒုတိယနှစ် ကျောင်းသားအရွယ်သာ ရှိခဲ့သော်လည်း လုပ်ကြံမှု ဖြစ်စဉ်အတွင်း ဒေါ်အောင်ဆန်းစုကြည်နှင့် အနီးဆုံး နေရာတွင် ရှိခဲ့ပြီး မျက်မြင်သက်သေလည်း ဖြစ်သည့် ကိုကျော်စိုးလင်းနှင့် ဒီပဲယင်း ကိုးနှစ်ပြည့်အဖြစ် မဇ္ဈိမသတင်းဌာနက တွေ့ဆုံမေးမြန်းခဲ့တာကို ပြန်လည်ဖေါ်ပြလိုက်ရပါတယ်။
ူ ဒီပဲယင်းလုပ်ကြံမှု၏ အဓိကပစ်မှတ် ဒေါ်အောင်ဆန်းစုကြည် လွတ်မြောက်ရေးအတွက် အားထုတ်ခဲ့သူ တဦးဖြစ်သည့်အပြင် ထိုစဉ်က ဒေါ်အောင်ဆန်းစုကြည် စီးနှင်းသည့် ကားကို မောင်းနှင်ခဲ့သူ ကိုကျော်စိုးလင်းလည်း ပါဝင်နေသည်။ဒီပဲယင်း အရေးအခင်းကို သမိုင်းအဖြစ်မှန်အဖြစ် တရားဝင် ပေါ်ပေါက်စေလိုသူလည်းဖြစ်ပါသည်။

(ဒီပဲယင်း ၉ နှစ်ပြည့် အထူးအင်တာဗျူး)
ဓါတ်ပုံ- သမိုင်းကို အဖြစ်မှန်အတိုင်း ဖြစ်စေချင်သူ ကိုကျော်စိုးလင်း (၂ဝဝ၃ ခုနှစ် ဒီပဲယင်း အရေးအခင်းတွင် ဒေါ်အောင်ဆန်းစုကြည်၏ ကားကို မောင်းနှင်ခဲ့စဉ်က ကိုကျော်စိုးလင်းသည် ဒုတိယနှစ် ဥပဒေကျောင်းသား အရွယ်ဖြစ်သည်။)
သစ္စာ


ဒီပဲယင်းကိစ္စ ၉ နှစ်ပြည့်တော့မယ် ဒီအချိန်မှာ ဘယ်လိုခံစားရလဲ။
-------------------------------

ပြန်ပြီးတော့ သတိရနေတယ်။ ဘာကြောင့်လဲဆိုတော့ ဒီကိစ္စကြီးကတရားဝင် ဖော်ထုတ်နိုင်ခြင်းလည်း
မရှိခဲ့ဘူး။ အဲ့တာကြောင့် လည်း ဒီ ဒီပဲယင်းကို အမြဲတမ်းပဲ သတိရနေစေဖို့ အတွက်ရယ်၊ နောက်ပြီးတော့
ပြဿနာအရပ်ရပ်ကို ဘယ်သူက ဘယ်လို စလုပ်တယ် ဆိုတာကို ပြည်သူအားလုံးက သိစေချင်တဲ့ ဆန္ဒနဲ့
ဒီနှစ်ကို ကျီရွာမှာ သွားပြီး အလှူလုပ်ဖို့ စီစဉ်ထားပါတယ်။

အန်တီ့ကားကို မောင်းဖြစ်သွားပုံလေးက စပြီး ပြန်ပြောပြပါဦး။
---------------------------------

ကျနော့်အဖေ ဦးကိုကြီး က မန္တလေးတိုင်း NLD တိုင်းဦးစီးမှူး(ဘဏ္ဍာရေး) လုပ်တော့ အဖွဲ့ချုပ်က ကိစ္စတွေဘာတွေ ရှိရင် ကျနော့်အိမ်က ကားတွေဘာတွေ သုံးလေ့ရှိတယ်။ ကျနော်ရယ်၊ ကျနော့်အကိုရယ်က အဲ့လိုကိစ္စတွေမှာ လိုက်ပို့တာရှိတော့ တိုင်းက လူကြီးတွေက ကျနော်တို့ ကား ကောင်းကောင်းမွန်မွန် မောင်းတတ်တာ သိနေတယ်။ အဲ့ဒီမှာ အန်တီ့ခရီးစဉ် ရောက်လာတယ်။ အဲ့ဒီတုန်းက ကျနော်က ဒုတိယနှစ်ပဲ ရှိသေးတယ်။ ဥပဒေ မေဂျာနဲ့။ အစကတော့ ကျနော်တို့က လူငယ်အနေနဲ့ လုံခြုံရေးပဲ လိုက်ရတာ။

အန်တီ့ခရီးစဉ် ဒုတိယတခေါက်အနေနဲ့ ရောက်လာတော့ ကား ကျွမ်းကျွမ်းကျင်ကျင် မောင်းတတ် တဲ့ လူ လေးဦး လိုတယ်ဆိုလို့ ကျနော်တို့ ညီအကို နှစ်ယောက်ရယ်၊ စက်မှုထဲက ဦးကံရယ်၊ မောင်ကိုလေးရယ် ဆိုပြီး လေးယောက်
ပေးလိုက်တယ်။ ဒါပေမယ့် တကယ်တမ်း လိုက်ဖြစ်တာက ဦးကိုလေးနဲ့ ကျနော်နဲ့ နှစ်ယောက်ပဲ။

စမောင်းတော့ ဦးကိုလေး မောင်းတာ။ နောက် ကချင်ပြည်နယ် ခရီးစဉ်တခုလုံး ကျနော် ဆက်မောင်းတယ်။ ကချင်ပြည်နယ် မိုးကုတ်၊ သပိတ်ကျင်းဘက်ကနေ မန္တလေးကို ဝင်တယ်။ မန္တလေးကနေ မုံရွာခရီးစဉ်ဘက် တွေလည်း ကျနော်ပဲ ဆက်မောင်းတာ နောက်ဆုံး ပြဿနာ ဖြစ်တဲ့နေ့အထိပဲ။

မေ ၃ဝ ရက်နေ့ အနေအထားတွေကို မှတ်မိသလောက် ပြန်ပြောပြပါဦး။
-------------------------------

တောက်လျှောက် သူတို့ လိုက်နှောင့်ယှက်နေတဲ့ကိစ္စတွေကို သတင်းတွေ ရတယ်။ သိလည်း သိတယ်။ ဘာတွေလဲ ဆိုတော့ ကြံ့ခိုင်ရေးဝတ်စုံတွေနဲ့ လိုက်ပြီး နှောင့်ယှက်နေတယ်ဆိုတော့ ဆိုးဆိုးဝါးဝါးကြီး နှောင့်ယှက်လိမ့်မယ်တော့ မထင်ဘူး။ စီစဉ်နေတယ်ဆိုတဲ့ သတင်းတွေ၊ နှောက်ယှက်မယ်ဆိုတဲ့ သတင်းတွေလည်း ကြားတယ်။ နောက် ဘုတလင်နဲ့ မုံရွာက ခရီးစဉ်ကို လိုက်ပို့တဲ့ ကျောင်းသားလေးတွေ အပြန်မှာ အဖမ်းခံရတယ်ဆိုတဲ့ သတင်းလည်း ကြားတယ်။ ရှေ့ပြေး လွှတ်တဲ့သူကလည်း ပြန်မလာနိုင်ဘူး။ ပြန်မလာနိုင်ပေမယ့် သတင်းကတော့ အဆက်မပြတ် ကြားနေတာ။

အဲ့ဒီနေ့က လမ်းကြောင်းတခုလုံးမှာ အန်တီရှိနေတဲ့ နေရာအထိ သတင်းတွေ ရောက်လား။ သတင်းပို့မှု အစပ်အဆက် ရှိနေလား။
---------------------------------

ရှိတယ်။ ဒါပေမယ့် နှောက်ယှက်မယ်လို့ပဲ ကြားနေတာ။ နောက်ပြီး ဘုန်းကြီးအတုတွေ၊ အတုတွေဆိုတာက သင်္ကန်း
တောင် မဝတ်ရသေးဘူး။ ကတုံးစိမ်းတွေနဲ့ကားကြီးတွေနဲ့ ထွက်သွားတယ်။ သွားလိုက်လာလိုက် လုပ်နေတယ် ဆိုတဲ့ သတင်းလည်း ကြားရတယ်။ ဒါပေမယ့် အန်တီကတော့ အဖွဲ့တွေအားလုံးနဲ့ သွားမယ့် ခရီးစဉ် ဆက်ထွက်တယ်။

အဲ့ဒီအချိန်က သူတို့ဘက်က အနှောက်အယှက်ပေးရင် ညပိုင်းတွေများတယ်။ မိုးကုတ်၊ သပိတ်ကျင်း ဘက်မှာဆိုရင် လာကြည့်တဲ့ ပြည်သူတွေကို လေးဂွတွေ၊ ခဲတွေနဲ့ ထုတာ၊ မီးမောင်းတွေထိုးတာ၊ သံပုံးတွေရိုက်တာ မျိုးပေါ့နော်။
နေ့လည်ပိုင်းဆို သူတို့က သိပ်ပြီးတော့ မလုပ်ကြဘူး။ ဆန္ဒပြသလို သာမန် နှောင့်ယှက်တာလေးတွေလောက်ပဲ လုပ်တယ်။ အဲ့တော့ ကျနော်တို့က ညကို အရောက်မခံဘဲ မောင်းတာ များတယ်။ နောက်တချက်က အဲ့ဒီနေ့က ကျနော်တို့ဘက်က ခရီးစဉ် မိုင်တွက်တာလည်း မှားတယ်။ မိုင်အကွာအဝေးကို ၁၄ မိုင်လို့ ရေးထားတဲ့ နေရာမှာ ၁ ပြုတ်ပြီး ၄ မိုင်လို့ ဖြစ်နေတာလည်း နောက်ပိုင်းမှာ ကျနော်တို့ သွားတွေ့ရတယ်။

ကျီရွာကို ရောက်တဲ့အချိန်မှာ ဘုန်းကြီး နှစ်ပါးက “ဒကာမကြီး မနက်ကတည်းက ကျနော်တို့ စောင့်နေလို့ပါ။ ရပ်ပြီး
နှုတ်ဆက်စကားလေး ပြောပေးပါ”လို့ ပြောလာတယ်။ အချိန်က ငါးနာရီခွဲ ခြောက်နာရီလောက် ရှိပြီ။ မမှောင်သေး ဘူး။ မှောင်ရီပျိုးပြလေး။ ဘုန်းကြီးက တောင်းတောင်း ပန်ပန်နဲ့ ပြေးပြီးတော့ လိုက်ပြောတဲ့ အခါကြတော့ အန်တီက “ငါ့သားရယ် ရပ်ပေးလိုက်ပါဦး” ဆိုတော့ ကျနော်က ရပ်လိုက်တယ်။ အဲ့ဒီမှာ ဘုန်းကြီးနှစ်ပါးရယ် ရွာသားတွေကော အများကြီး စောင့်ပြီး ကြိုနေတယ်။ ဘုန်းကြီးအိုကြီး တယောက်လည်း ပါတယ်ပြောတယ်။

ရပ်လိုက်တဲ့ အချိန်မှာ နောက်က လိုက်လာတဲ့ ကားတန်းကလည်း တော်တော်များတယ်။ ကား အစီးရေတော့ မမှတ်မိဘူး။ ကားတန်းရပ်သွားတော့ နောက်က လိုက်လာတဲ့ ကားတွေထဲက ဘုန်းကြီးအတုတွေကော လူတွေကော တုတ်တွေနဲ့ ဆင်းလာပြီးတော့ ကြိုတဲ့သူတွေကိုကော၊ ကျနော်တို့နောက်က လိုက်လာတဲ့ ကားတွေပေါ်က လူတွေကိုကော တန်းရိုက်တော့တာပဲ။

PA က လုံခြုံရေးအတွက် ဆင်းပြီးတော့ ကြည့်တဲ့အချိန်မှာ နောက်မှာ စရိုက်နေပြီလို့ သိတော့ အန်တီ မဆင်းဖြစ်တော့ ဘူး။ မဆင်းဖြစ်တော့ဘဲ PA ပါ ပြန်တက်၊ ကားတံခါးတွေကို Lock ချ လိုက်တယ်။ ကျနော့်ရှေ့မှာက ကား သုံးလေးစီး
လောက်တော့ ရှိတယ်။ ဘဘဦးတင်ဦး ကားကလည်း ရှေ့မှာပဲ။ အနီးကပ် လုံခြုံရေးတွေကတော့ ကျနော့်ကားပေါ် မှာပေါ့။ မန္တလေး တိုင်းက လုံခြုံရေးအဖွဲ့တွေကတော့ ရှေ့မှာကော နောက်မှာကော ပါတယ်။

နောက်ကနေ ရိုက်လာတဲ့အချိန်မှာ လုံခြုံရေးအဖွဲ့တွေက “ကိုကျော်စိုးလင်း မောင်းမောင်း” ဆိုပြီး ပြောတယ်။
နောက်က အမျိုးသမီးတွေပါတဲ့ ကားတစီးက ကျော်တက်ပြီး ကျနော်တို့ ကားနား ရောက်လာတယ်။ ဆိုင်ကယ်တွေနဲ့ လိုက်လာတဲ့ ကျောင်းသားတွေကလဲ ပြန်ချမယ်၊ ပြန်ထုမယ် ဆိုတော့ အန်တီက တားခိုင်းလိုက်တယ်။ မလုပ်ပါနဲ့ သူတို့က ဘယ်လိုအကြံအစည်နဲ့မှန်း မသိဘူးဆိုပြီး အန်တီက တားတော့ သူတို့က မလုပ်ဖြစ်တော့ဘူး။

နောက်ကနေ ရိုက်လာရင်းနဲ့ ကျနော်တို့ ကားနားအထိ ရောက်လာတယ်။ ကျနော်တို့ ကားနား ရောက်လာတော့ ကိုတိုးလွင်တို့ တခြားလုံခြုံရေး အဖွဲ့ဝင်တွေက တားတယ်။ “ဒါ ဒေါ်အောင်ဆန်းစုကြည်ကားနော်။ မင်းတို့ သမိုင်းဝင် သွားမယ်နော်” ဆိုပြီး တားတယ်။ တားတော့ သူတို့ ရိုက်တာ တန့်သွားတယ်။ ကျနော်တို့ ကားနားကို အရင်ရောက် လာတဲ့ ရှေ့ဆုံးက ၄၊ ၅ယောက်က ဘုန်းကြီးဝတ်တွေ။ သင်္ကန်းတွေနဲ့ တုတ်တွေနဲ့။ ညာဘက်လက်တွေမှာ လက်ပတ် အဖြူတွေ ပတ်ထားတယ်။

အဲ့ဒီမှာ ဘဘဦးတင်ဦး ရောက်လာတယ်။ “မင်းတို့ကောင် တွေက ဘယ်ကလဲ။ ဘာလို့ရိုက်တာလဲ” ဆိုပြီး မေးနေတုန်း
ဘဘဦးတင်ဦးကိုပါ သူတို့ ရိုက်ချလိုက်တယ်။ နောက် အန်တီ့ဘက်အခြမ်းက လုံခြုံရေးယူထားတဲ့ ကိုတိုးလွင်
ကိုလည်း သူတို့ ရိုက်ချလိုက်တာ ကိုတိုးလွင်က ပုံလျက်
သားလေး လဲသွားတယ်။ အဲ့နေရာမှာပဲ ပုံကျသွားတော့
သေပြီလို့ပဲ ထင်လိုက်တယ်။

ကျနော့်စိတ်ထဲမှာ အဲ့ဒီတုန်းက တော်တော် ဒေါသဖြစ် သွားသေးတယ်။ နောက်ကနေ ပြေးလာတဲ့ သူတွေက
ပြေး၊ လိုက်ရိုက်တဲ့သူတွေက လိုက်ရိုက်နဲ့ဆိုတော့လေ။
တချို့ဆို ကိုယ်တုံးလုံး ကျွတ်တွေနဲ့ ထွက်ပြေးလာတာကို လိုက်ရိုက်နေတာလည်း တွေ့တော့ ဒေါသဖြစ်ပြီး ပထမ တခုခု တုန့်ပြန်မယ် စဉ်းစားသေးတယ်။ ကျနော် ကားကို ဘက်ဆုတ်လိုက်တယ်။ ဘက်မဆုတ်ခင် လီဗာကို အကျယ်ကြီး နင်းလိုက်တယ်။ ကိုယ့်လူတွေလည်း ရှိတော့ရှောင်လို့ရအောင် အသံ ပေးလိုက်တာပေါ့။

အဲ့ဒီမှာ ကျနော့်ကားရဲ့ တိုက်ရော့နဲ့ ဘီးနဲ့ကြားမှာ သစ်သားချောင်း ဘယ်အချိန်က ထိုးခံထားလဲ မသိဘူး။ စတီရာရင်
ခေါက်လို့ မရအောင် ထိုးထည့်ထားတာ။ ကံကောင်းချင်တော့ ကျနော်က နောက်အရင် ဆုတ်လိုက်တော့ အဲ့ဒီဟာက ကျိုးထွက်သွားတယ်။ ဒိုင်းကနဲ ဘာနဲ့မှလည်း မထိဘဲ အသံထွက်လာတော့မှ တခုခု ကလန့်ထားတာ ကျိုးသွားတာ သိတာ။ နောက်ဆုတ်တဲ့အချိန်မှာ ကျနော့် ညာဘက်က မှန်ကော၊ ဘယ်ဘက်က မှန်ကော၊ နောက်မှန်တွေကော၊ ကားဘက်မှန်နဲ့ မီးသီးတွေကော သူတို့ အကုန်ရိုက်ခွဲကြတယ်။

အဲ့အချိန် ကားဘေးမှာ လုံခြုံရေးတွေ ရှိနေတယ်။ သူတို့က ပေပြီးတော့ အရိုက်ခံနေကြတာ။ ကျနော် ကားနောက် ဆုတ်ပြီ ဆိုတာနဲ့ သူတို့က ကားပေါ်ကို အတင်းဝိုင်းတက်ကြတယ်။ ရှေ့ကို ကြည့်တော့ ကိုယ့်လူတွေက မှောက်နေ တယ်။ ရိုက်တဲ့သူတွေက ရှောင်နေတာနဲ့ ဘယ်သူ့ကိုမှ မတိုက်တော့ပဲ ကျနော် ကျော်တက်ပြီးတော့ အတင်းမောင်း ထွက်ခဲ့တာ။ အဲ့ဒီနေရာမှာ ဆယ့်ငါးမိနစ်၊ မိနစ်နှစ်ဆယ်လောက် ကြာမယ်ထင်တယ်။

အန်တီကကော အဲ့ဒီအချိန်မှာ ဘယ်လိုရှိနေလဲ။ အန်တီက ကား မောင်းထွက်ဖို့တွေဘာတွေ ပြောလား။
------------------------------

အန်တီက ဒီမှာလည်း လူတွေ အရိုက်ခံနေရပြီ။ ပြည်သူတွေလည်း အရိုက်ခံနေရပြီ။ သူများတွေက “မောင်းမောင်း”လို့
ပြောနေကြတယ်။ အန်တီက ဘာမှ မပြောဘူး။ ကျနော့် အမြင်ပေါ့၊ ကျနော့်အတွေးက အန်တီက တကယ်လို့
မောင်းခိုင်းမယ်ဆိုရင် သူများတွေ အရိုက်ခံ နေရတာကို ပစ်ပြီးတော့ ပြေးရာရောက်မယ်။ အဲ့လိုလည်း အဖြစ်မခံချင် ဘူးလို့ ထင်တယ်။ ကျနော် မမောင်းဘဲနဲ့ နေမယ်ဆိုရင်လည်း ဘယ်သူမှ မောင်းလို့မရဘူးလေ။ အကုန်လုံး ပဋိပက္ခ
ဖြစ်သွားနိုင်တယ်။ အဲ့ဒီမှာ ကျနော်ကလည်း အဲ့တုန်းက လူငယ်စိတ်နဲ့ပေါ့နော် ဒေါသလဲ ဖြစ်တော့ ကျနော် ၁ သက်ဆို သူတို့ ၂ သက်ဆိုပြီး ဖြစ်ချင်ရာဖြစ် မောင်းထွက်လိုက်တာ။


ဆက်လက်ဖေါ်ပြပါမည်

သစ္စာ

--

ဒေါသ ထွက်လွယ်သူများ သတိ

ဒေါသထွက်လွယ် တုန့်ပြန်လွယ်သူများ သတိပြုရန်---

တကယ်တော့ ဒီအဖြစ်ပျက်လေးဟာ ဟိုးး လွန်ခဲ့တဲ့ နှစ်ပေါင်း နှစ်ဆယ်ကျော်လေက်ကပါ။  သတင်းအနေနဲ့ မဟုတ်ဘဲ ဒေါသထွက်လွယ်တဲ့သူတွေအတွက် (ကျွန်တော် ထိပ်ဆုံးက) အမြဲဆင်ခြင်သင့်တဲ့ အဖြစ်အပျက်လေး မို့ ချေးခြောက်ရေးနှုးတယ် ပြောပြော ၊ ဒေါသ ထိန်းဆေးလေး ဖြစ်လိုဖြစ်ငြား တင်ပြချင်ပါတယ်။

၁))

အဲဒီတုန်းက ကျွန်တော် ၁၀ တန်းကျောင်းသားပါ။ ကျွန်တော့်မိဘတွေလည်း ရန်ကုန်ကို မပြောင်းသေးဘူး။ ရွာမှာပဲ ရှိတုန်းမို့ ကျွန်တော် ကျောင်းပိတ်ရင် ရွာကိုအမြဲပြန်ပါတယ်။ အညာနွေဟာ ဘယ်လောက်ပူပူ မိဘအိမ်မှာ နေရတာလောက် လုံခြုံအေးချမ်းတာတော့ မရှိဘူး။ ရွာအိမ်ရဲ့ ကပ်ရပ် အိမ်နီးခြင်းအိမ် တစ်အိမ်က ဒေါ်ရွှေကြည်တို့အိမ်ပါ။ သူ့ယောကျာင်္းက ဦးအောင်သိန်း နွားတွေကို ကန်ထရိုက်ယူ ကျောင်းပါတယ်။ ကန်ထရိုက်နွားကျောင်းသားပေါ့။ မရွှေကြည်က နေ့လည်ဆို ရွာထဲမှာ မုန့်ရောင်းပါတယ်။ ရွာမှာ စီးပွားရေး သိပ်အဆင်မပြေတဲ့ မိသားစုတွေဆိုတော့ သားသမီးတွေကို ဒီအတိုင်း လွှတ်ထားတတ်တာလည်း သဘာဝ လိုဖြစ်နေပါတယ်။

၂))

တစ်နေ့တော့  အသက်(၈)နှစ်လောက်ရှိမယ့် သူတို့သမီးလေးဟာ ရွာမြောက်ဘက်ကို ခွေးတိုးပေါက် လို့ ရွာက ခေါ်တတ်တဲ့ ရွာစည်းရိုး လူတစ်ယောက်စာဝင်ပေါက်ကနေ သူ့အပေါင်း အသင်းတွေနဲ့ ဆော့ဖော်ဆော့ဘက်တွေပေါ့  ရွာအပြင်ကို ထွက်သွားပါတယ်။ ဒါကလည်း အမြဲထွက်နေကျ သွားနေကျ ၊ အပေါင်းအသင်းတွေနဲ့ ဆော့ကစားနေကျပါ။ တစ်မနက်လုံး ရွာအပြင် တောစပ်တွေမှာ ဆော့ရင်း နေပူပူ နေ့လည် မွန်းတည့်ခါနီးရောက်တော့ အာပြဲလန်နေအောင် ငိုယိုပြီး ရွာထဲကို ပြန်ဝင်လာပါတယ်။ အဲဒီလိုပြန်လာတာကလည်း  ထူးခြားတယ်လို့မဟုတ်ဘူး။ ကလေးချင်း ရန်ဖြစ်ရင် ငိုပြန်လာနေကျပါ။

``အမေရေ-----  ကျူပ် ဘာမှ မမြင်ရတော့ဘူး   အီးးးဟီးးးး  ဟီးးးး``

အဲဒီလို  သူ့မျက်ခွံတွေကို သူ့ဖာသာ လက်နဲ့ ဖွင့်ပြီး  ငိုတာက မပြောင်းဘဲ အဲလိုပဲ ငိုနေပါတယ်။ ကျွန်တော်က အိမ်ခေါင်းရင်း အရိပ်ကောင်းတဲ့ ဂျောင်ညမ်းပင်ကြီးအောက်မှာ ထန်းပက်လက် ကုလားထိုင်နဲ့ စာထိုင်ဖတ်နေတော့  အဲဒီငိုသံကို အဆက်မပြတ်ကိုကြားနေရတာပဲ။ ခဏနေတော့ သူ့အမေ ဈေးရောင်းက ပြန်လာပါတယ်။ ဈေးရောင်းကပြန်လာကာစမို့ ပင်ပန်းတာက တစ်မျိုး ၊ နေပူလို့ စိတ်ရှုပ်နေတဲ့ သူ့အမေဟာ သူ့သမီး ငိုနေတာကို တိတ်ဘို့ အော်ငေါက်ပြောပါတယ်။ သူ့သမီးက သူ့အမေပြန်လာတော့ မတိတ်တဲ့အပြင် ပိုပြီး ငိုအားရှိလာပါတယ်။ သူ့အမေက ပထမတော့ ဘာဖြစ်တာလဲ  ဘာလို့ငိုတာလဲ စသဖြင့် ဒေါနဲ့မေးပါတယ်။ မဖြေပဲ ဆက်ပြီးငိုနေတော့ စိတ်မရှည်တော့ဘဲ  ဝါးခြမ်းပြားနဲ့ ရိုက်ပါတော့တယ်။ အဲလိုရိုက်ပေမယ့်လည်း ဘယ်လောက်ရိုက်ရိုက် ``အမေေ၇---  ကျုပ် ဘာမှ မမြင်ရတော့ဘူး    အီးးးး ဟီးးး`` ဆိုတာကို လုံးဝမပြောင်းပဲ ထပ်ချည်းတလဲလဲ အဲလိုပဲ ငိုနေပါတယ်။ တော်တော်ကြာတယ်  အမေက မေးလိုက် မဖြေပဲ ငိုနေလို ရိုက်လိုက် ။ နောက်တော့ သူ့အမေဟာ ဒေါသထွက်ပြီးရင်းထွက်လာပြီး  --

``တိတ်လို့ပြောလည်းမတိတ်ဘူး   ဘာဖြစ်တာလဲမေးလည်းမပြောဘူး   ငါ့အိမ် ကျက်သရေတုံးတယ်  သင်္ချုင်းမှာ သွားငို  သွား  သွား  ငါ့အိမ်ထဲကထွက်  ``

-- ဆိုပြီး  သူ့သမီးကို တရွတ်တိုက် အိမ်ထဲက ဆွဲထုတ်ပြီး နွားချေးတွေ စုပုံထားတဲ့ နွားချေးကုန်းပေါ်ရောက်တဲ့အထိ မေးလိုက် ရိုက်လိုက် လုပ်နေပါသေးတယ်။ ကြာတော့ အိမ်အနောက်ဘက်က ဘကြီးတင်က အမြင်မတော်တော့

``ဟဲ့ ရွှေကြည် နင့်ကလေးကို စွတ်ရိုက်မနေနဲ့  သွေးရိုးသားရိုးမဟုတ်လောက်ဘူး``

      လို့ဝင်ကန့်ကွက်မှ သတိဝင်သွားပြီး သမီးလုပ်သူကို သေချာကြည့်တော့ ငိုသံ လုံးဝ တိတ်သွားပြီး  ဘဝတစ်ပါးကို ကူးသွားပြီ ဖြစ်ကြောင်း  သိလိုက်ရပါတော့တယ်။

(မိခင်ဘက်က ဝင်ပြီး ခံစားကြည့်ပါ  ။  ရူးမတတ် နောင်တရလိုက်မယ့်ဖြစ်ခြင်း။)

**** သမီးရဲ့ အမေ  မရိုက်တော့ပါဘူး---  ငိုပါဦးသမီးရဲ့   အမေ မသိလို့ပါသမီးရဲ့  -- အမေမိုက်ကြီးကို ခွင့်လွှတ်တယ်လို့ ထပြောသွားပါဦး သမီးရဲ့--  ```

မှတ်ချက်။   ။ ရွာအပြင်ဘက် သစ်ခေါင်းထဲ ကလေးသဘာဝ နှိုက်ဆော့သဖြင့် သစ်ခေါင်းထဲမှ မြွေဟောက် ကိုက်လိုက်ခြင်းဖြစ်သည်။ အဆိပ်တတ်ပြီး မျက်စေ့ စကွယ်ခြင်းဖြစ်နိုင်သည်။

ကြားရတဲ့သူတွေ  မြင်ရတဲ့သူတွေမှာတော့ ရင်တွေနင့်လို့။

(တစ်ခါက သေခါနီး သမီးကို ရိုက်ပြီးဆုံးမတဲ့အမေ ဆိုပြီး ဂျာနယ်မှာ ဖော်ပြခဲ့ဘူးပါတယ်)

ကိုစိုးနိုင်(မြန်မာ့အရုဏ်သစ်)

နိုင်ငံတကာ အလှမယ်များ (၂၀၁၂)

နိုင်ငံတော် သမ္မတကြီး  ဦးသိန်းစိန်

ဘဝတစ်ကွေ့က သူငယ်ချင်းတစ်ယောက်

ဘဝတစ်ကွေ့က သူငယ်ချင်းတစ်ယောက်

မိဘတွေက ကိုယ့်ရဲ့သားသမီးတွေကို သူတို့ငယ်စဉ် အမှားအမှန် ပိုင်းခြား ဆုံးဖြတ်နိုင်တဲ့ အသိဥာဏ် မရှိသေးခင်မှာ ကိုယ်လက်ခံ ကိုးကွယ်ထားတဲ့ ကိုယ်နှစ်သက်ယုံကြည်ထားတဲ့ ဝါဒ ၊ ဘာသာတရား အတွေး အခေါ်တွေကို မျိုးစေ့ချပေးထားသင့်သလား။ အဲဒါကို Brainwash လုပ်ထားတယ်လို့ ခေါ်လို့ဖြစ်မလား။ ဘာသာရေး လွတ်လပ်မှုပေးမထားဘူးလို့ Human Right ပေတံနဲ့ တိုင်းတာ ခြင်းမျိုး သတ်မှတ်သင့်လား။ လက်ဦးဆရာ မည်ထိုက်စွာသား ပုဗ္ဗာစရိယ  မိနှင့်ဖ တာဝန်လို့ရော သတ်မှတ်သင့်လား။ ဆုံးမပြုပြင် စည်းရုံးသိမ်းသွင်းလမ်းပြခြင်း နဲ့  အတင်းအဓမ္မ ပုံစံသွင်းထားခြင်း တို့ရဲ့ မြင်သာတဲ့ ကွာဟချက်တွေဟာ ဘာလဲ။ ဘာသာရေး လွတ်လပ်ခွင့်ကာလမှာ ကိုယ်ယုံကြည်ကိုးကွယ်တဲ့ဘာသာကို ကိုယ့်ရဲ့ ပါတ်ဝန်းကျင်ကို လမ်းပြစည်းရုံးသင့် မသင့် ။ Brainwash လုပ်တယ်ဆိုတာ မှားယွင်းတဲ့ အယူအဆဟောင်းတွေကို ဖယ်ရှားပြီး မှန်ကန်တဲ့ (ဝါ) မှန်ကန်တယ်လို့ လက်ရှိယူဆနေတဲ့ အတွေးမြင်သစ်တွေ နဲ့ လဲလှယ်တာကို Brainwash လို့ခေါ်တာ မဟုတ်ဘူးလား။ ဒါမှမဟုတ် ကိုယ့်ဖြစ်စေချင်တဲ့ အယူအဆကို တစ်ဖက်လူ စဉ်းစားဥာဏ် မသုံးဖြစ်အောင် မှိုင်းတိုက်ပြီး ကိုယ်ဖြစ်စေချင်သလို ဖြစ်အောင် လုပ်တာကိုပဲ Brainwash လို့ သတ်မှတ်တာလား။

၁))

ကျွန်တော် တက္ကသိုလ် ပထမနှစ်ကျောင်းသား တုန်းက အဖြစ်ပျက်လေး တစ်ခုကို ပြောပြချင်ပါတယ်။ ဘာသာရေး တိုက်ခိုက် ဝေဖန်ခြင်း မဟုတ်ပါဘူး လို့ကြိုတင် မေတ္တာရပ်ခံထားပါရစေ။ အဲဒီတုန်းက ကျွန်တော့သူငယ်ချင်းတွေထဲမှာ အောင်လင်း ဆိုတဲ့ သူငယ်ချင်းတစ်ယောက်ရှိတယ်။ တရုတ်သွေးပါလို့ အသားဖြူဖြူ အရပ်အမောင်း ထွားထွား ရုပ်ဖြောင့်ဖြောင့်ပါ။ သဘောလည်းကောင်းတယ်။ သူ့မိဘတွေက စီးပွားရေးလည်း ပြည့်စုံပါတယ်။ အဲ --  ပြောစရာ တစ်ခုရှိတာက သူ့မိဘ နှစ်ဦးဟာ တစ်ယောက်က ဗုဒ္ဓဘာသာဖြစ်ပြီး တစ်ယောက်က ခရာစ်ယံ ဘာသာပါ။ သူ ပထမနှစ် ရောက်တဲ့အထိ သူ့ကိုယ်သူ ဘယ်ဘာသာကို ကိုးကွယ်ရမယ်မှန်း မဆုံးဖြတ်ရသေးဘူး။ မိဘတွေကလည်း သူ့ဘာသာကို ကိုးကွယ်ပါ ငါ့ဘာသာကို ကိုးကွယ်ပါလို့ လုံးဝ မပြောဘူး။ ဒီအတိုင်း လွတ်လပ်စွာရွေးချယ်ခွင့် ပေးထားပုံပါပဲ။ အောင်လင်း ဟာ ရပ်ကွက်ထဲ ကထိန်လှည့်တာတို့ ဆွမ်းဆန်စိမ်း အလှုခံ ထွက်တာတို့တွေမှာ သူ့ကို တွေ့ရတတ်သလို ခရာစ်ယံ ဘုရားရှိခိုးကျောင်း ချာ့စ် ကိုလည်း ရောက်တာပါပဲ။ ကျွန်တော်တို့ကလည်း လူငယ်လေးတွေဆိုတော့ ဘာသာရေးအကြောင်း သိပ်မပြောဖြစ်ကြဘူး။ သူ ဖောင်တွေ ဘာတွေဖြည့်ရမယ့် အခါဆိုရင်တော့ ဗုဒ္ဓဘာသာ လို့ဖြည့်ပါတယ်။ ဒါကလည်း ကိုလင်းထက်ဆွေ ပြောသလို တစ်ချိန်ချိန်မှာ အရာရှိကြီးစာမေးပွဲ တွေများဖြေဖို့ အခွင့်ကြုံလာရင် ဗုဒ္ဓဘာသာ ကို ဦးစားပေးတယ်လို့ ပြောနေ ဆိုနေကြလို့ပါပဲ။ ဦးစားပေးတယ် ဆိုတဲ့အပိုင်းမှာလည်း အရည်အချင်း တူနေပြီး ဆုံးဖြတ်ဘို့ခက်နေတဲ့အပိုင်းမှာ အခြားဗြူးကနေ ရွေးချယ်ပေးတဲ့သဘောပါ။ ဦးနုတို့ခောတ် ပါလီမာန်မှာ အစ္စလာမ် အမတ်တစ်ဦးက မြန်မာပြည်မှာ ဈေးတွေထဲမှာပေါ့ ဝက်သားကို ပေါ်တင် မရောင်းချဘို့။ ရောင်းမယ်ဆိုရင် အများမမြင်အောင် ပုန်းလျှိုးကွယ်လျှိုး ရောင်းဘို့၊ဝယ်တဲ့ ဝက်သားကို အိမ်သယ်တဲ့အခါ လမ်းမှာလည်း မြင်သာအောင် မသယ်ဘို့ အဆိုတင်သွင်းဘူးတယ်လို့ ကြားဖူးပါတယ်။ လူကြီးပိုင်းတွေက အဲလိုအတိုက်အခံတွေ များလာမှာ ကြောက်တဲ့ပုံ ရပါတယ်။ ကွန်ဆာဗေးတစ်   က ကွန်ဆာဗေးတစ်ဆန်ဆန်လုပ်ခဲ့တာလည်း မှားတယ်လို့ ပြောမရပါဘူး။ သူက သူယုံကြည်ရာလုပ်တာမို့ပါ။ လစ်ဘရယ်ကလည်း လစ်ဘ၇ယ် အာဏာရရင် လစ်ဘရယ် ဆန်ဆန် လုပ်ရမှာပဲ။ အဲဒါလည်း သူ့ယုံကြည်ရာမို့ အပြစ်မပြောသာပါ။ (ဆောရီး   လမ်းကြောင်းတွေ လွဲကုန်ပြီ) ။

အောင်လင်းဟာ ပထမနှစ် တတ်တုန်းက ဘယ်ဘာသာကို ကိုးကွယ်ရမယ်မှန်း မဆုံးဖြတ်ရသေးပေမယ့် ဒုတိယနှစ် ကျောင်းတွေ ပြန်ဖွင့်တော့ သူဟာ လုံးဝကို ပုံစံပြောင်းသွားပါတယ်။ ခရာစ်ယံ ဘာသာကို အတော်လေး ယုံကြည်စွာပြောလာပါတယ်။ ခရာစ်တော်ရဲ့ ကယ်တင်ခြင်းအကြောင်း။ မေတ္တာတော်အကြောင်း။ အပြစ်ရှိတဲ့ လူသားတွေအတွက် အနစ်နာခံခဲ့တဲ့ ဂရုဏာတော်အကြောင်း တော်တော်လေးပြောလာတယ်။ ကျောင်းပိတ်တုန်း ချာ့စ်ကျောင်းသွားရင် ခရာစ်ယံ ဆရာတစ်ယောက်က သူ့ကို တရားဟောတဲ့အခါ သူဟာ ခရာစ်ယံဘာသာကို တော်တော်ယုံကြည် အားကိုးသွားပါတယ်။ ကျွန်တော်တို့ကတော့ ငါတို့ကိုးကွယ်တဲ့ ဘာသာ ကိုးကွယ်မှလို့ အတ္တမထား ထားတော့ ``ကောင်းပါတယ်လေ  ဟိုလိုလို ဒီလိုလို ဖြစ်နေမယ့်အစား အခုလို တစ်ခုခုကိုရွေးချယ်လိုက်တာ ကောင်းပါတယ်`` လို့ စိတ်အေးလိုက်ပါတယ်။ အဲ  စိတ်မအေးနိုင်တာက သူဖြစ်နေတယ်။ ကျွန်တော်တို့အတွက် သူ စိတ်ပူနေတယ်။ အချိန်မီ ခရာစ်တော်ရဲ့ မေတ္တာတော်အောက်ခိုလှုံဘို့ ကယ်တင်ခြင်းကို ခံရအောင်လို့  ၊ အပယ်ဘုံ ပိတ်အောင်လို့ စသဖြင့်ပေါ့ ။ သူ နားလည်သလို  ကျွန်တော်တို့ကို စည်းရုံးတယ်။ တရားဟောတယ်ပေါ့။ အဲဒီအချိန်မတိုင်မီ ကတည်းက ကျွန်တော်က မိရိုးဖလာ ဗုဒ္ဓဘာသာ မဟုတ်တော့ဘူး။ ဆိုလိုတာက ဗုဒ္ဓဘာသာကို အမွေခံဘာသာလောက်အဖြစ် ယုံကြည်တာမဟုတ်ဘူး။ တကယ်ကို စိတ်ထဲက မှန်တယ်လို့ သတ်မှတ်ပြီး ယုံကြည်သူဆိုတော့ သူ့စကားတွေဟာ ကလေးကလားဆန်နေတယ်။ သို့သော်လည်း သူ့ရဲ့ အတွင်းစိတ် သူငယ်ချင်းတွေအပေါ် ပူပန်နေတဲ့ လေးစားလောက်တဲ့စိတ်ကြောင့် သူပြောတာ လက်မခံပေမယ့် နင်လား ငါလား အတိုက်ခံတော့မလုပ်ပါဘူး။ ကျွန်တော်တို့ လက်မခံတော့ သူညံ့လို့ပဲ  သူ့ဆရာပြောရင်ဟောရင်တော့ သေချာပေါက် ကျွန်တော်တို့ ခရာစ်တော်ရဲ့ မေတ္တာရိပ်ကို ခိုလှုံဆည်းကပ်မှာပဲလို့ အမြင်ပြောင်းသွားတယ်။

၂))

ဒါနဲ့ ကျွန်တော်တို့ အစီစဉ်လေးတစ်ခုလုပ်ကြတယ်။  ကျောင်းပိတ်တဲ့ရက်တစ်ရက်မှာ ဆုံနေကြ လက်ဖက်ရည်ဆိုင်လေးမှာ ဆုံကြမယ်။ သူက သူ့ရဲ့ ဆရာကို ခေါ်လာခဲ့မယ်။ ကျွန်တော်တို့က သူ့ဆရာကတစ်ဆင့် ခရာစ်တော်ရဲ့ မေတ္တာတော်ကို ခံယူပေးပါ။ အဲဒီနေ့ စားသမျှ သူဒကာခံမယ်။ ကျွန်တော်တို့လည်း သူအရမ်းစိတ်အားထက်သန်နေတာရယ်၊ ဒီလို လူတစ်ယောက်ကို အရမ်းအက်တစ်ဖြစ်လာ အောင် သူ့ဆရာက ဘယ်လိုတရားမျိုးတွေ ဟောလိုက်လို့လဲ လို့သိချင်တာရယ် ကြောင့် သဘောတူလက်ခံလိုက်ပါတယ်။ အဲဒီနေ့က ကျွန်တော်ရယ် အခြားသူငယ်ချင်းနှစ်ယောက်ရယ် လက်ဖက်ရည်ဆိုင်လေးကို ကြိုရောက်နေတယ်။ ကျွန်တော်တို့ကတော့ ဆုံနေကြမို့ အလာပ သလာပ ရောက်တတ်ရာရာ ဟီးလေးဟားလေးနဲ့ လူငယ်ဘာဝ ပြောဆိုနေကြပါတယ်။ အတန်ကြာမှ အောင်လင်းဟာ သူ့ဆရာနဲ့အတူ ရောက်လာတယ်။ ကျွန်တော်တို့က အရင်ရောက်နှင့်နေသူမို့  အဲဒီ တရားဟော ဆရာကို နေရာထိုင်ခုံတွေ ချပေး ။ ဘာစားမလဲ ဘာသောက်မလဲ စသဖြင့် လောကဝတ်ကျေကြပါတယ်။ တရားဟော ဆရာဟာ အသက်လေးဆယ်စွန်စွန်းလောက်ပဲရှိမယ် ။ ကျွန်တော်တို့ က အဲဒီတုန်းက နှစ်ဆယ်ဝန်းကျင်လေး တွေပါ။ တရားဟောဆရာဟာ ခရာစ်တော်ရဲ့ မေတ္တာတော်တွေကို သက်ဝင်ယုံကြည်သူပီပီ ငြိမ်းချမ်း အေးချမ်းတဲ့ အရိပ်အငွေ့တွေ ခံစားရပါတယ်။ အမြဲပြုံးနေပါတယ်။ အားလုံးမိတ်ဆက်ပြီးမှ ဘာသာရေး စဆွေးနွေးပါတယ်။

၃))

ဘာသာရေးအကြောင်း စပြီး မဆွေးနွေးခင်မှာ ဦးစွာ တစ်ဦးရဲ့ ယုံကြည် ကိုးကွယ်မှုအကြောင်း တစ်ဦးက တင်ပြရင်း အမြင်ကွဲလွဲချက်တွေရှိလာတဲ့အခါ တစ်ဦးကို တစ်ဦး မေတ္တာမပျက်ပဲ ဒေါသတရားမထွက်ဘဲ အပြန်အလှန် သည်းခံဘို့ အရင် နှုတ်ကတိယူကြပါတယ်။ တကယ်တော့ ကျွန်တော်တို့က သူငယ်ချင်းကို အလိုလိုက်ပြီး ဒီပွဲလေးကို လက်ခံတာမို့ စကားစစ်ထိုးမှာ မဟုတ်ဘဲ တစ်ဘက်က ဟောပြောတာကို နားထောင်ဝေဖန်ရုံ လုပ်မှာပါ။ တရားဟောဆရာဟာ ပထမ ခရာစ်တော်ရဲ့ အကြောင်းကို မိတ်ဆက်ပြောပါတယ်။ နောက် ခရာစ်တော်ရဲ့ မေတ္တာတရားအကြောင်း ၊ ခရစ်တော်ရဲ့ လူသားတွေအပေါ် ဂရုဏာ ထားပြီး လက်ဝါးကပ်တိုင်မှာ သတ်ဖြတ်ခံပြီး အနစ်နာခံ ကယ်တင်တဲ့အကြောင်း ၊ ခရာစ်တော်ရဲ့ (တန်ခိုး လို့ပြောရမလားမသိ ) လူသားတွေအပေါ် ၊ လူနာတွေအပေါ် မေတ္တာဆေးနဲ့ ကုသပုံတွေ ၊ အပါယ်တံခါးပိတ်ပြီး ကောင်းကင်တံခါး ပွင့်ပုံတွေ  စသဖြင့်ပေါ့ အမျှော်တရား ပေးပြီး ဟောပါတယ်။ အဲဒါအပြင် နိုင်ငံခြား သတင်းစာတွေ ယူလာပြီး ဘယ်နေ့က  ဘယ်မြို့ရဲ့ ဆေးရုံပေါ်မှာ လက်ဝါးကပ်တိုင် ကောင်းကင်က ဖြတ်သွားတော့ ဆေးရုံပေါ်က လူနာတွေ အားလုံး ဆေးမကုရဘဲ နေကောင်းကုန်ကြတယ်ဆိုတဲ့အကြောင်း (အောင်လင်း ဟတ်ထိတဲ့  အချက်ပါ) ။ အဲဒီလို ခရာစ်ယံဘာသာအပေါ် အကောင်းမြင် ဟောကြားပြီး နောက်တစ်ခါ ဗုဒ္ဓဘာသာအပေါ် ချို့ယွင်းချက်တွေ ရှေ့နောက်မညီတာတွေ စပြောပါတော့တယ်။ အဲဒီလိုပြောတော့ ကျွန်တော်နဲ့အတူ ပါလာတဲ့ သူငယ်ချင်းနှစ်ဦးဟာ နှုတ်ကတိ ယူထားတဲ့ကြားထဲက စိတ်ဆိုးစေတဲ့အချက်တွေ ပါလာရင် ဒုတ်ထိုးအိုးပေါက် ပြန်တုန့်ပြန်ပါတော့တယ်။ ကျွန်တော်က စားပွဲအောက်ကနေ ခြေထောက်နဲ့ တို့ပြီး ခဏခဏစိတ်ထိမ်းဘို့ သတိပေးနေရတယ်။ ကျွန်တော်ကတော့ စိတ်ဆိုးစရာမတွေ့ပါဘူး။ သူပြောတာတွေ စွတ်စွဲတာတွေအားလုံးက ဗုဒ္ဓရဲ့ တရားအနှစ်သာရတွေ မဟုတ်လို့ပါဘဲ။ ကျွန်တော်ကတော့ ပြုံးပြီးပဲ နားထောင်နေပါတယ်။

၎))

ကျွန်တော်က အမြဲပြုံးပြီး နားထောင်နေတော့ သူက ကျွန်တော့်အပေါ်ကို မျှော်လင့်လာပုံပေါ်ပါတယ်။ နောက်ပိုင်း ကျွန်တော့်ကိုပဲ ဦးတည်ပြောတယ်။ သူ ကဲ့ရဲ့တဲ့အချက်တွေကို ကျွန်တော် မချေဖြတ်ပါဘူး။ သူပြောတဲ့အချက်တွေက  ဗုဒ္ဓဘာသာက မှားတာမဟုတ်ဘဲ ဗုဒ္ဓဘာသာဝင်တွေရဲ့ အတွေးခေါ်မှားတာကို ပြောနေတာလေ။ ကျွန်တော်က ဗုဒ္ဓဘာသာဝင်တွေကို ကိုးကွယ်တာမဟုတ်ဘူး ။ ဗုဒ္ဓဘာသာကို ကိုးကွယ်ဆည်းကပ်တာ။  ဒါပေမယ့် သူပြောတာတွေထဲက ကျွန်တော် ပြန်တုန့်ပြန်ရမယ့် အချက်တစ်ချက်တော့ ရှိတယ်။  အဲဒါက ဘုရားကို သူဖွင့်တဲ့အဓိပ္ပါယ်ပဲ။  ဘုရားဆိုတာ သတ္တဝါတွေကို ကယ်တင်နိုင်တဲ့ အစွမ်းရှိမှ  ဘုရားဆိုတဲ့  ဂုဏ်ပုဒ်နဲ့ ညီမယ့်အကြောင်း ။ သတ္တဝါတွေကို မကယ်တင်နိုင်ပဲ  ကိုယ်ဖြစ်ရင်  ကိုယ်ခံရမယ်--   ကိုယ်အပြစ်  ကိုယ်ခံရမယ်  --  မကယ်နိုင်ဘူးဆိုရင်တော့ ဘာရည်ရည်ချက်နဲ့ ကိုးကွယ်ဆည်းကပ်ရမလဲပေါ့။ ရှင်းရှင်းပြောရင် အားကိုးရမှ ဘုရား ၊ အားမကိုးရရင် ဘုရားမဟုတ်ဘူးပေါ့       ( ဗုဒ္ဓဘာသာကို တိုက်ရိုက်ဖဲ့တာ)။ အဲဒါကိုတော့ တုန့်ပြန်ရမယ်လို့ ကျွန်တော် စိတ်ထဲတေးထားလိုက်တယ်။

၅))

ဒါနဲ့ သူပြောသမျှ အကုန်နားထောင်ပြီး သူက ကျွန်တော်တို့ကို အလှည့်ပြန်ပေးတယ်။ ညီလေးတို့ ရဲ့ဘာသာရေး အမြင်ကိုလည်း အကို့ကို ပြောပြပါ ။ အကိုသိချင်ပါတယ်ပေါ့။ ကျွန်တော့ကိုကြည့်ပြီး ပြောတော့ ကျွန်တော် စပြောရပါတယ်။

          ``အကို-  ကျွန်တော်တို့က အခုမှ ကျောင်းတတ်နေဆဲ ကျောင်းသားတွေဆိုတော့ အကိုမြင်သာအောင်  ကျွန်တော်တို့ ပါတ်ဝန်းကျင်နဲ့  ဆိုင်တဲ့ ဥပမာလေး ပေးပြီး ကျွန်တော်တို့ သဘောထား ကိုပြောပြပါ့မယ်---``

          `` အင်း   ပြောပါ ညီလေး``

          ``ကျွန်တော်တို့ ကျောင်းတတ်တော့ စာသင်ခန်းထဲမှာ စာသင်တာက အဖြစ်ပါ။ ဒါကြောင့် မဖြစ်မနေ ကျူရှင်ဆိုတာ တတ်ရပါတယ်။ ဒီတော့ ကျူရှင်ဖွင့်ထားတဲ့ ဆရာ နှစ်ယောက်က သူတို့ရဲ့ ကျူရှင်ကို လာတတ်အောင်  ကြော်ငြာရပါတယ်။ ဆရာတစ်ယောက်က ဒီလိုကြော်ငြာမယ်။  ``***ဟေ့  ငါ့ကျူရှင်  မင်းတို့ယုံယုံကြည်ကြည်နဲ့ လာတတ်ကြ။ ငါ့ကျူရှင်ကို လာတတ်ရင် မင်းတို့သေချာပေါက် စာမေးပွဲအောင်ပြီ။ မင်းတို့ စာမေးပွဲအောင်ဘို့ ငါတာဝန်ယူတယ်။ အဓိကက ငါ့ကျောင်းကို မင်းတို့လာတတ်ဘို့ပဲ။ ငါ့ဆီ လာမတတ်ရင်တော့ သေချာတယ် မင်းတို့စာမေးပွဲကျမှာပဲ။ မင်းတို့ရှေ့မှာ ငါရှိတယ်။ လာကြ  လာကြ  စာမေးပွဲအောင်ချင်ရင် ငါ့ကျူရှင်ကို လာတတ်ကြ`` ။ နောက်တစ်ယောက်က တစ်မျိုး `` *** ဟေ့ ငါ့ကျူရှင်ကို လာတတ်သင့်မတတ်သင့် မင်းတို့ဘာသာ ဆုံးဖြတ်ကြ  ငါကတော့ မင်းတို့ကို နားမလည်တာရှိရင် နားလည်အောင် မတတ်မချင်း သင်ပြပေးမယ်   စာမေးပွဲအောင်တာ မအောင်တာကတော့ မင်းတို့သမိုင်းပဲ မင်းတို့ကြိုးစားမှအောင်မယ်  မင်းတို့ကျက်မှတ်မှ ဖြေနိုင်မယ်  မင်းတို့ဥာဏ်ရည်မှီဘို့လည်းလိုမယ်   ငါ့ကျူရှင် လာတတ်တာနဲ့ စာမေးပွဲအောင်မယ်လို့တော့ တစ်ထစ်ချ မယုံလိုက်နဲ့  ကိုယ်ကြိုးစားဘို့က အဓိက ငါတတ်နိုင်တာကတော့မင်းတို့ နားမလည်တာတွေကို ရှင်းပြပေးဘို့ တာဝန်တစ်ခုပဲ ရှိတယ်။ မင်းတို့ ကို ငါက စာမေးပွဲအောင်ဘို့ လုပ်ပုံလုပ်နည်း လမ်းပဲ ပြပေးမယ်။ လုပ်တာမလုပ်တာ ငါ့ကိစ္စမဟုတ်ဘူး ``   အဲသလိုပြောမယ်ဆိုပါတော့ အကို --

အဲဒါဆို   အကိုသာ ကျောင်းသားဆိုရင်  ဒါမှ မဟုတ် အကို့သားသမီးကို ဘယ်ကျူရှင်မှာ ထားမလဲ။ နောက်ပီး အဲဒီ ကျူရှင်ဆရာနှစ်ယောက်မှာ ဘယ်သူက လက်တွေ့ဆန်ပြီး အဓိပ္ပါယ်ပြည့်ဝသလဲ။ ဘယ်သူက တကယ်အားကိုးထိုက်တဲ့ ဆရာလို့ထင်လဲ---``

ကျွန်တော့် စကားအဆုံးမှာ သူ ဘာကိုဆိုလိုတာလဲဆိုတာ  ရိပ်မိတယ်။ ပြုံးလာတာကိုလည်းတွေ့ရတယ် ။ အဲဒီအပြုံးရဲ့နောက်ကွယ်က ခံပြင်းနေတာလည်း မြင်ရတယ်။ ပြုံးတယ်ဆိုတာ ပါးစပ်ကိုပဲ ဟန်ဆောင်လို့ရတာလေ  မျက်လုံးကတော့ ခံပြင်းတဲ့ အရိပ်ငွေ့တွေ မြင်နေရလို့။ ကျွန်တော်လည်း အလားတူ သူပြောနေသမျှ ကာလပါတ်လုံး ပြုံးနေပေမယ့် ခံပြင်းချက်တွေ ရှိတာကိုလည်း လက်ခံပါတယ် ။ မြွေမြွေခြင်း ခြေမြင်တာပေါ့။ နောက်တော့ စကားဝိုင်းလေးက ပိုပြင်းထန်လာတယ်။ အပြန်အလှန်တွေရှိလာတယ်။ ဒီလိုနဲ့ ပိုနေမြဲ ကျာနေမြဲ ဒုံရင်း ဒုံရင်း နဲ့ပဲ  ဆွေးနွေးပွဲ ပြီးသွားပါတယ်။

၆))

ဒုတိယနှစ်ပြီးလို့ တတိယနှစ်   နှစ်စ မှာပဲ ကျွန်တော်က ရန်ကုန်တက္ကသိုလ်  မိန်းထဲကို ပြောင်းသွားပါတယ်။ အထူးပြုဘာသာ ပြောင်းလို့ပါ။ အဲဒီဘာသာက မိန်းထဲမှာပဲ သင်ပါတယ်။ ဒီတော့ အောင်လင်းနဲ့ အဆက်သွယ်ပြတ်သွားတယ်။ ကျွန်တော်လည်း မိန်းထဲမှာ အဆောင်ရတော့ အိမ်ကို မပြန်ဖြစ်ဘူး။ အင်းဝဆောင်မှာ နေရတာပါ။ တစ်ခါတစ်လေ အိမ်ပြန်ရင်လည်း သူ့ကို မတွေ့ရဘူး။ သတင်းဆိုးတစ်ခုတော့ကြားရတယ်။ သူဟာ ဘာသာရေးမှာ အရမ်းခရေစီဖြစ်နေတယ်။ တစ်ခါကဆို ချာ့စ် ကျောင်းပေါ်က သူ့ကိုယ်သူ ဈာန်ရပီ ဆိုပြီး ခုန်ချလို့ ကံကောင်းလို့မသေဘဲ ဆေးရုံတင်ထားရတယ်တဲ့။ ဒီလိုနဲ့ အဆက်သွယ်တွေ ပျက်သွားလိုက်တာ။ ဘွဲ့တွေရ  ကျွန်တော်လည်း အိမ်ထောင်ကျ  တစ်နေ့တော့ သတိရပြီး သူငယ်ချင်းတစ်ယောက်နဲ့တွေ့တုန်း  --

          ``ဟေ့ကောင်  ဒါနဲ့ အောင်လင်းကြီးရော  ဘယ်ရောက်နေလဲ  မတွေ့တာကြာတောင်နေပြီ``

          `` အန်   --  မင်းတကယ်မသိတာလား``

          `` ဘာဖြစ်လို့လဲ--`

          ``အောင်လင်း   ဘွဲ့ရပြီး သိပ်တောင် မကြာဘူး  ဆုံးသွားပြီလေ--``

          ``ဘာ-----``

ကျွန်တော် တော်တော်လေး စိတ်မကောင်းဖြစ်သွားတယ်။ ရုပ်ပိုင်းကျမ္မာရေးအရ ဒီကောင် ဒီအရွယ်နဲ့ သေဘို့မဖြစ်နိုင်ဘူး။ အက်စီဒန့်ကြောင့်ထင်လိုက်တယ်။

          ``ဘာရောဂါနဲ့လဲ-- ဘယ်လိုဖြစ်တာလဲ``

          ``အဲဒါလဲ   သေချာ မပြောတတ်ဘူး  သူ့ကြည့်ရတာ စိတ္တဇ ဆန်တယ် တစ်ခါက ချာ့စ်ကျောင်းပေါ်က ခုန်ချပြီး ကတည်းက နောက်ပိုင်း လုံးပါး ပါးသွားတာပဲ-``

***** ကျွန်တော် ဆက်တွေးမိတယ်၊  ဒီကိစ္စမှာ ဘယ်သူ့မှာ တာဝန်ရှိလဲ?

၁။   မိဘတွေက ငယ်စဉ်ထဲက ဘာသာရေး အသိဥာဏ် အမွေ မပေးလို့လား

၂။   ဘာသာရေးဆရာက လွန်လွန်ကျူးကျူး ဘရိန်းဝပ်ခ်ျ လုပ်လိုက်လို့လား

၃။  ဘာကြောင့်လဲ  --  ဘာကြောင့်လဲ --  ဘာကြောင့်လဲ -- (သေချာတာကတော့ တစ်ခုခု မှားသွားလို့ပဲ)

(အောင်လင်းရေ------------  ခရာစ်တော်ရဲ့ မေတ္တာတော်နဲ့ ကောင်းကင်ဘုံမှာ ပျော်ရွှင်ကျေနပ်နေပါစေလို့  ဆုတောင်း မေတ္တာပို့နေပါတယ်။)

ဝမ်းနည်း သတိရခြင်းများစွာဖြင့်--

လူ့ဘဝမှာ ကျန်နေဆဲဖြစ်တဲ့ မင်းရဲ့သူငယ်ချင်း

ကိုစိုးနိုင်(မြန်မာ့အရုဏ်သစ်)

ဘုန်းကြီးကျောင်းသားဘဝ အမှတ်တရများ

(ပရဟိတ  ဆိုတာ   ကိုယ်ကျိုးမမျှော်လင့်ပဲ စာနာသနားတတ်တဲ့စိတ်ရှိဘို့ပဲလိုတယ်)

မြန်မာ့အရုဏ်သစ် ပရဟိတ လူမှုကူညီရေးအသင်း

(ယမန်နေ့မှအဆက်--)

နေ့တိုင်း ဘုရားပွဲတွင် ဇာတ်ပွဲသွားကြည့်ကြသဖြင့် ကျွန်တော်တို့သည် ငွေကြေး သုံးစွဲနိုင်လို့လား ဟုမေးစရာရှိလာသည်။ မရှိပါ။ ကျွန်တော်တို့သည် အခပေးကြည့်ရသော ဇာတ်ပွဲကို ပိုက်ဆံမရှိလျှင် အခပေးမကြည့်ပဲ ဆင်ကြံကြံကာ ဝင်ကြည့်နိုင်အောင် အမျိုးမျိုးကြံကြလေသည်။ ထိုနည်းပေါင်းများစွာထဲမှ မှတ်မိသမျှကို တင်ပြပါမည်။ အညာမြို့လေး၏ ဘုရားပွဲတွင် နာမည်ကြီးဇာတ်များကို ရုံသွင်းပြတိုင်း ရဟန်းပျိုများ ကို၇င်လေးများကို အခမဲ့ ဝင်ခွင့်ရှိသည်။ ထိုအခါ ကျွန်တော်တို့ဘုန်းကြီးကျောင်းသားများက ကိုရင်ဟန်ဆောင်ပြီး အပေါ်က သင်္ကန်းကို ခေါင်းလုံအောင်ခြုံပြီးလျှင် ဇာတ်ရုံထဲဝင်သည်။အထဲရောက်မှ ခြုံထားသော သင်္ကန်းကို ခေါက်ပြီး ကိုင်သည်။ အညာ တန်ဆောင်မုန်းလဆိုသည်မှာ အလွန်ချမ်းအေးလှသဖြင့် အမှန်တကယ် ကိုရင်းဦးဇင်းများလည်း သင်္ကန်းကို ခေါင်းလုံအောင် ခြုံတတ်ကြသဖြင့် ထိုအချက်ကို ခုတုန်းလုပ်ကြသည်။ နောက်တော့ သိသွားပြီး ဇာတ်ရုံထဲတွင် ကိုရင် ဦးဇင်းဝင်တိုင်း သေချာ ကြည့်တော့ အတုသမား ကျွန်တော်တို့ လုပ်လို့မရတော့ပေ။

          နောက်တစ်နည်းမှာ ဇာတ်ရုံခါးပမ်း အောက်သို့ မြေကြီးအား လူဝင်သာရုံတူးဝင်ခြင်း။ ဇာတ်ရုံတွင်း ဝင်ပြီးသူ တစ်ယောက် ပြန်ထွက်လျှင် လူကြီးများကို ထွက်လက်မှတ်ပေးသော်လည်း ကလေးများကိုမူကား တံဆိပ်တုံးဖြင့်လက်မောင်းကို ရိုက်နှိပ်ပေးလိုက်တတ်သည်။ ထိုအခါ အကွက်ချောင်းနေသော ကျွန်တော်တို့က ထွက်လက်မှတ် တံဆိပ်ရိုက်ထားသူထံမှ မင်စိုနေတုန်း လက်ချင်းထိကာ ကော်ပီကူးပြီးဝင်လေသည် ။ တစ်ယောက် ဝင်ေ၇ာက်ပြီးလျှင် အပြင်က သူငယ်ချင်းတွေကို အလွယ်ပင် သွင်းယူနိုင်ပြီတည်း။ ကလေးဘဝက မိဘနဲ့ဝေးကာ ဆိုးခဲ့တေခဲ့ကြသော်လည်း ယုတ်မာသော စိတ်ဓါတ်မျိုးတော့ဖြင့် မဟုတ်ပါ။ အချို့ဆိုလျှင် ယခုအခါ အရာရှိကြီးများ ပညာတတ်ကြီးများပင်ဖြစ်နေကြပေပြီ။

          မှတ်မှတ်ရရဖြစ်နေသေးသော အလွဲလွဲအချော်ချော်အချို့ကိုလည်း ပြောလိုသေးသည်။ ကျွန်တော်တို့ကျောင်းတွင် ပဉ္စမတန်းမှ ဒဿမတန်းအထိ ကျောင်းသားပေါင်း တော်တော်များများရှိသည်။ အဆောင်သဘောမျိုးနှင့် မခြားပါ။ ထိုကျောင်းသားများသည် ညဘက် တွင် ဘုရားရှိခိုးရသည်။ စုပေါင်း ဘုရားရှိခိုးရခြင်းဖြစ်သည်။ အချိန်ကျလျှင် တန်းစီပြီး ဆောင့်ကြောင့်လက်အုပ်ချီကာ ရှေ့ ဘုရားဝတ်ပြုစာ ရသော ကျောင်းသားကတိုင်ပေးရပြီး ကျန်သူများက နောက်က လိုက်ဆိုရသည်။ ဘုရားဝတ်ပြုစာသည် တော်တော်ရှည်လျှားရသည့်ကြားထဲ တိုင်ပေးသူနှင့် လိုက်ဆိုရသူတို့ကြောင့် နှစ်ဆ အချိန်ပိုကြာသွားစေသည်။ ထိုအထဲတွင် လူမှန်းသိစကတည်းက ဘုန်းကြီးကျောင်းတွင် ဘာသာရေးစာပေးများ သင်အံလေ့ကျက်ခဲ့ရသော ကျွန်တော်က ငါးတန်းကျောင်းသားပင်ဖြစ်သော်လည်း ဘုရားရှိခိုးစာကို အလွတ်နောကျေအောင် ရထားသူဖြစ်သဖြင့် ကျွန်တော်က ရှေ့က တိုင်ပေးရသည်။ ကျန်ကျောင်းသားကြီးများက နောက်က လိုက်ဆိုရသည်။ ငယ်ငယ်ရွယ်ရွယ်ဖြင့် ဘုန်းကြီးစာတွေအများကြီးရသဖြင့် ကျောင်းထိုင်ဆရာတော်ကြီးကလည်း ကျွန်တော့်ကိုချစ်သည်။

          ထိုသို့ဘုရားရှိခိုးတိုင်း  ဘုန်းတော်ကြီးလစ်လျှင် ကျန်ကျောင်းသားအကိုကြီးများက ရှေ့ကတိုင်ပေးသော ကျွန်တော့ကို အစအဆုံး မတိုင်စေပဲ ကျော်ခိုင်းကြသည်။ ခြေထောက်နဲ့ လှမ်းတို့ပြီး တစ်ဖုံ  မျက်လုံးပြုးပြ သွားဖြဲပြပြီးတစ်နည်း အမျိုးမျိုး ကျွန်တော့်ကိုဖိအားပေးသည်။ သူတို့ ဘယ်လိုလုပ်လုပ် ဘုန်းတော်ကြီး ကျောင်းဆောင်အတွင်းရှိပါက ကျွန်တော်လည်း မကျော်ရဲပဲ အစအဆုံးတိုင်ပေးရလေသည်။ ဘုရားဝတ်ပြုချိန်ကြာသောကြောင့် ကျောင်းသားကြီးများက မကြိုက်။ သို့သော်လည်း ဘယ်သူမှတော့ မပြောရဲပါ။ နေ့တိုင်းမို့လို့လည်း ငြီးငွေ့ကြခြင်းဖြစ်ပေမည်။

          ဒါကို ဘုန်းတော်ကြီး သိလို့ ရိပ်မိလို့လားတော့မသိ။ တစ်နေ့တွင် ဘုန်းတော်ကြီးသည် ဘုရားရှိခိုးနေစဉ် ကျောင်းဆောင်အတွင်းမှထွက်ပြီး ကျောင်းဆောင်ရှေ့ ပန်းခြံနားမှ ကပ်ပြီး နားစွင့်နေသည်။ ဒါကို ကျွန်တော်တို့က မသိပါ။ ကျောင်းသားကြီးများက ဘုန်းကြီးကို မမြင်တော့ ထုံးစံအတိုင်း ကျွန်တော့်ကို ဖိအားပေးတော့သည်။ ကျွန်တော်လည်း နီးရာဓါးကြောက်ရသည့်သူဖြစ်သဖြင့် ဘုန်းတော်ကြီးကို ရှာကြည့်ရာ မတွေ့သည့်အဆုံး ကျော်သင့်တာကျော်  ဖြတ်သင့်တာဖြတ် ဖျောက်သင့်တာဖျောက် တစ်ထိုင်တည်း လက်တန်း အယ်ဒီတာလုပ်ကာ ဘုရားဝတ်ပြုစာကို အတိုဆုံးအကျဉ်းချုံး လိုက်ရလေတော့သည်။

          ဘုရားဝတ်ပြုပြီးသွားသဖြင့် ကျောင်းသားကြီးများ ပုဆိန်ပေါက် ရှိခိုးကာ ဘေးဘီကို ကျီးကြည့် ကြောင်ကြည့် ကြည့်ပြီး ဘုန်းတော်ကြီးကို မမြင်တော့ ရာမမင်းသား တင်သောလေးမှ လွှတ်လိုက်သော မျှား၏ အဟုန်ဖြင့် အလျှိုလျှို ထွက်သွားကြပေတော့သည်။

          ရုတ်တရက် ကျောင်းသားများ အလျှိုအလျှို ထွက်လာသောအခါ စောစောက စောင့်ပြီး နားထောင်နေသော ဘုန်းတော်ကြီးမှာ သူစောင့်ကြည့်နားထောင်နေတာကို မသိစေချင်သဖြင့် ရုတ်တရက် ကြံရာမရဘဲ ပန်းခြံထဲမှ ရွက်လှပင်ကြီးနားတွင် ရုတ်တရက် အယောင်ယောင်အမှားမှား ထိုင်ချလိုက်လေတော့သည်။ အဲဒါကို  မည်သူမျှ မမြင်လိုက်ပါ။ နောက်ဆုံးမှထွက်လာသော ကျွန်တော်မှာ ကလေးမျက်လုံးပီပီ လရောင်အောက်တွင် ရွက်လှပန်းပင်ခြုံကြီးအနီး ထိုင်နေသော ဘုန်းတော်ကြီးကို မြင်လေသည်။ သို့သော် ဘုန်းတော်ကြီး အဖြစ်မြင်သည်မဟုတ် ။ ကိုရင်လေးတစ်ပါး တစ်ခုခုကြောင့် ပုန်းနေသည်ဟုသာစိတ်က တစ်ထစ်ချ ထင်နေသည်။(မှတ်ချက် ။  ကျောင်းထိုင်ဆရာတော်ကြီး၏ အရပ်အမောင်းမှာ ပုပု သေးသေးဖြစ်ပါသည်။ ထိုအရပ်ကြောင့်လည်း ဒုတိယံပိ အလွဲလွဲအချော်ချော် ဖြစ်ရသေးသည်)

          ထိုသို့ထင်သောကြောင့်လည်း ကျွန်တော်သည် ထိုအနားသို့ လွှားကနဲပြေးကာ ကိုရင်လေး၏ နားရွက်ကို ဆွဲပြီး  ``ဦးဇင်းရေ---  ဦးဇင်းရေ--- ဒီမှာကိုရင်လေး ဘာလုပ်နေလဲမသိဘူး---`` ဟုအော်ကြီးဟစ်ကျယ်လုပ်ကာ စိတ်ပုတ်ဖြင့် အခမဲ့ စည်းကမ်းထိမ်းသိမ်းေ၇းဝင်လုပ်လေသည်။ ဦးဇင်းမှာ လက်ထောက် ဆ၇ာတော် ဦးဝိဝေက (ယခု ကျောင်းထိုင်ဆရာတော်) ဖြစ်သည်။ ကျွန်တော်က ကိုရင်လေးမှတ်ပြီး နားရွက်ဆွဲကာ ခေါ်လာသော်လည်း ဘုန်းတော်ကြီးက ဘာမှမပြောပဲ နားရွက်ဆွဲထားသော ကျွန်တော့လက်ကိုသာ ကိုင်ထားပြီးကျွန်တော်ခေါ်ရာ လိုက်လာသည်။ ကျွန်တော်က မျက်နှာကို လုံးဝမကြည့်မိပါ။ ကျွန်တော့်အော်သံကြောင့် ကျောင်းအောက်ဆင်းလာသော လက်ထောက်ဆရာတော်က ကျွန်တော်တို့ အဖြစ်ကို လရောင်အောက်တွင် မြင်လေလျှင် ရုတ်တရက် ကမ္ဘာပျက်သည့်အသံဖြင့် `` ဟေ့ကောင်    လွှတ်လိုက်----- ဟေ့ကောင်   လွှတ်လိုက်  ``ဟု  ငယ်သံပါအောင် အော်လေတော့သတည်း။  ထိုအခါမှ ကျွန်တော်လည်း ဘယ်ကိုရင်မို့လို့  ဦးဇင်းက ဒီလောက်အော်ရတာလဲဟု  စေ့စေ့ကြည့်မိမှ----

          ``အားးး  ပါးးးး  ပါးးးး``

          ကမ္ဘာကြီးတစ်ခုလုံး  ဇောက်ထိုးဖြစ်သွားသည့်အလား---

          ``မသိလို့ပါဘုရား    ---  မသိလို့ပါဘုရား``  ဟု လက်အုပ်ချီ  နောက်ဆုတ်  နောက်ဆုတ်လုပ်ကာ တစ်ချိုးတည်း  ထွက်ပြေးရပါလေတော့သတည်း။

          (ဘုန်းတော်ကြီးမှာ  နားရွက်ကလေးပွတ်ပြီး  ကျန်ခဲ့လေသည်)

          နောက်နေ့တွင်  ကျွန်တော်သည်  ဘုန်းတော်ကြီးကို မျက်နှာမဖူးဝန့်အောင် ကြောက်နေသော်လည်း ဘုန်းတော်ကြီးမှာ ဘာမှမဖြစ်ခဲ့သည့်အလား  ပြုံးပြုံးရွှင်ရွှင်ဖြင့် မေးထူးခေါ်ပြော အလိုလိုက်သဖြင့်သာ ကျွန်တော် စိတ်သက်သာရာ ရရလေသည်။

          နောက်တစ်ကြိမ်ဖြစ်တာကတော့ ကျွန်တော်နှင့်မဟုတ်ပါ။ ၈ တန်းကျောင်းသား ခင်မောင်မြင့်ဖြစ်သည်။

ခင်မောင်မြင့်အကြောင်းကိုလည်း နည်းနည်းလောက် ဖော်ကောင်လုပ်ပါဦးမည်။ သူ ပြည်ခိုင်ဖြိုး သင်တန်းတတ်တော့ အဲဒီသင်တန်းကို လာရောက် မိန့်ခွန်းပြောသော အရာရှိကြီးတစ်ဦးမှာ ကျွန်တော်တို့ရွာသားဖြစ်သည်။ သင်တန်းမှုးက ထိုအရာရှိကြီးအား  `` ဗိုလ်ချုပ်--  ဗိုလ်ချုပ်တို့ ရွာက ကလေးတွေလည်း သင်တန်းမှာပါတယ်``ဟု သတင်းပေးသဖြင့် ထိုအရာရှိကြီး ခင်မောင်မြင့်နဲ့ အခြားကျွန်တော် တို့ရွာသားတစ်ဦး သူတို့နှစ်ယောက်ကို ခေါ်တွေ့လေသည်။ အလာပ  သလာပ မေးမြန်းပြော ဆိုပြီး  မင်းတို့ဘာတွေလုပ်ချင်လဲ ဟုမေးလေရာ  ခင်မောင်မြင့်မဟုတ်သော ကျွန်တော်တို့ရွာမှသူ က အခွင့်ကောင်းရပြီဟု အားတတ်ကာ ကိုယ်ကျိုးအတွက် နိုင်ငံခြားသွားချင်ကြောင်း ပြောသည်။ အရာရှိကြီးအများစုမှာ နိုင်ငံခြားမုန်းသောသူများဖြစ်သဖြင့် ထိုအရာရှိကြီး နိုင်ငံခြားမသွားရန်ပြော သည်။ မောင်ခင်မောင်မြင့်ကို မေးလေရာ စမုံတံတားကြီး တော်တော်ပျက်စီးပြီး အိုနေကြောင်း အန္တရာယ်အလွန် ရှိကြောင်း ပြင်ချင်ကြောင်းပြောလေရာ  များစွာ သဘောကျပြီး အဲဒီနောက်မကြာမီ စမုံ မြစ်ကူးတံတားရော ပန်းလောင်မြစ်ကူးတံတားရော ပြင်ဆင်ရန် အသစ်ဆောက်ရန် စီမံကိန်းပေါ်လာရာ မောင်ခင်မောင်မြင့်၏ ကျေးဇူးမကင်းဟု ကျွန်တော်တော့ထင်ပါသည်။

          အနှီခင်မောင်မြင့် ၈ တန်းကျောင်းသားဘဝကဖြစ်သည်။ တနင်္ဂနွေ နေ့တစ်နေ့တွင် ကျောင်းပိတ် သဖြင့် ကျောင်းသားများ အားနေသလို ထိုနေ့တွင် ကျောင်းထိုင်ဘုန်းတော်ကြီးမှာ အခြားမြို့တစ်မြို့သို့ အလုပ်ကိစ္စတစ်ခုဖြင့် ခရီးထွက်ရလေသည်။ကြောင်မရှိလျှင် ကြွက်သောင်းကျန်းသည် ဆိုသော စကားမှာ ကျွန်တော်တို့ဘုန်းကြီးကျောင်းသားများကို ပြောလိုသည်လားမသိ။ ဘုန်းတော်ကြီး ကျောင်းမှ ထွက်သွားသော ကားသံ မှ ကြားလို့မဆုံးသေး ကမြင်းကြောထပြီး ဆော့ကြလေတော့သည်။

          လက်ထောက်ဆရာတော် ဦးဇင်းမှာ အလွန်အနေအေးလှသဖြင့် ကျောင်းသားများ ကစားနေလျှင် တော်ရာလွတ်ကင်းရာသွားပြီး စာကျက်နေတတ်သည်။ ကစားနည်းမှာ မျက်နှာကို မမြင်အောင်အဝတ်ဖြင့်စည်းကာ ရိုက်လို့ရအောင်လုပ်ထားသော အဝတ်ထုတ်ဖြင့် မမြင်ရသူက လိုက်ရိုက်ရသည်။ ကျန်သူများက အသံအမျိုးမျိုးပေးကြ  ပြောင်ကြ  လှောင်ကြ  မထိတထိ တို့ထိစဉ် ရမ်းသမ်းရိုက်လိုက်သော ရိုက်ချက်ကို ရှောင်ကြရသည်။ အသံမပေးလျှင်  အဝတ်စည်းထားသူက အသံပေးအောင် အမျိုးမျိုး ပြောရသည်။ ပုဆိုးဝတ်ထားလျှင် ပုဆိုးကို အသံတိတ်ကပ်ပြီးချွတ်သည် ။ ကျွတ်သွားရင် ပြန်မဝတ်ရ။ ဒါက စည်းကမ်း။

          ဒီလိုနဲ့ကစားရှိန်မြင့်လာသည်။ မောင်ခင်မောင်မြင့်မှာ ပုဆိုးမရှိတော့ ။ တစ်ယောက်က အသံတိတ်ကပ်ပြီးချွတ်လိုက်သည်။ သူရိုက်တော့ မထိအောင်ရှောင်နိုင်သည်။ ထိလျှင် လူလဲရမည်။ ထိသူအလှည့်။ အဲဒီအချိန်မှာ ဘုန်းတော်ကြီးက ပစ္စည်းတစ်ခုကျန်ခဲ့လို့ ရောက်တဲ့နေရာက ပြန်လှည့်လာပြီး ယူသည်။ ကျောင်းသားတွေက ဘုန်းတော်ကြီး ပြန်လာတာ သိသိခြင်း အလျှိုလျှို ပျောက်သွားသည်။ မျက်စိပိတ်ထားသော မောင်ခင်မောင်မြင့်သာ အသံတိတ်နေသဖြင့် အမျိုးမျိုးအော်ကြီးဟစ်ကျယ် အသံထွက်လာအောင် မခံချင်အောင် လျှောက်ပြောနေသည်။

          ဘုန်းတော်ကြီးမှာ  အရပ်ကြီးကလန်ကလား အဝတ်မပါဘဲ ပေါက်တတ်ကရတွေ အော်နေသော  မောင်ခင်မောင်မြင့်ကို မြင်တော့ စိတ်တိုပြီး ကျောင်းပေါ်က တံမြက်စီး(မြတံမြက်စီး) ဖြင့် ရိုက်လေသည်။ မောင်ခင်မောင်မြင့်က ကစားဘက်ထင်ပြီး လက်ထဲက အဝတ်ထုတ်ဖြင့် ပြန်ထုသည်။ ဘုန်းကြီးကရိုက် သူက ပြန်ထုနဲ့  ``ဟေ့  ကောင်ထိပြီ  ဟေ့ကောင်ထိပြီ``ဟု သေချာအောင် လုပ်ပြီးမှ သူနိုင်ပြီဟု ဟေးကနဲအော်ကာ မျက်နှာမှ အဝတ်ကိုချွတ်ပြီး သူ့ကို အဆက်မပြတ်ရိုက်နေသော ဘုန်းကြီးကို ကိုရင်လေး ထင်ကာ ဂျိုင်းမှ ကိုင်မျှောက်ပြီး လေထဲတွင် ဝှေ့ရမ်းကာ ကျီဆယ်လေသည်။

          သတင်းကြားကြားခြင်း ဦးဇင်းမှာအမှီလိုက်လာသော်လည်း သူရောက်တော့ ဘုန်းကြီးမှာ ခင်မောင်မြင့် လက်ထဲဝယ် ရဟတ်စီးနေရသည်။

          ``ဟေ့ကောင်  ချ----  ချ   ၊ ဟေ့ကောင်   ချ``

          ဦးဇင်းက ငယ်သံပါအောင်အော်တော့ မှ ခင်မောင်မြင့်မှာ ကြမ်းပြင်တွင် အသာချလိုက်စဉ် တရုတ်ကား ထဲမှ အမူးသမားသိုင်းကွက်နင်းသလို  ဘုန်းတော်ကြီးမှာ ယိုင်ထိုးနေသည်။ ခင်မောင်မြင့်လည်း ဘုန်းကြီးမှန်းသိတာနဲ့---

          ``အောင်မလေးးးး   မသိလို့ပါဘုရားးး   မသိလို့ပါဘုရားးးး  `` လက်အုပ်ချီ ရှိခိုးကာ ကျောင်း ပြူတင်းပေါက်မှ ခုန်ချ ထွက်ပြေးပါလေတော့သတည်း။

ကိုစိုးနိုင်(မြန်မာ့အရုဏ်သစ်)

  http://www.facebook.com/groups/Myanma.ArunThit.Org/