စိတ်ခွန်အား

(၁)
လက်ကိုတွဲပြီးနောက် လွယ်လွယ်နဲ့မလွတ်တတ်တဲ့ ... လက်တစ်စုံရှိသလား?
တစ်သက်လုံး မှီထားလည်း လုံခြုံစိတ်ချရတဲ့ ... ပုခုံးတစ်စုံရှိသလား?
တင်းတင်းပွေ့ဖက်ပြီးနောက် ဘယ်တော့မှမခွဲတော့တဲ့ ... အပွေ့အဖက်တစ်ခုရှိသလား?
နောင်ဘဝဆက်တိုင်း ပြန်ဆုံပါရစေဆိုတဲ့ ... ချိန်းဆိုမှုတစ်ခုရှိသလား?
နှလုံးသားမှာ ကမည်းထိုးပြီး တစ်သက်လုံးမမေ့နိုင်တဲ့ ... အချစ်တစ်ခုရှိသလား?
ခွန်အားတွေကုန်ဆုံးသွားလည်း မမေ့ရက်နိုင်တဲ့ ... လူတစ်ယောက်ရှိသလား?
ရှိခဲ့ရင် ဒီဘဝမှာပဲ တန်ဖိုးထားမြတ်နိုးလိုက်ပါ။


(၂)
ပျော်ရွှင်တဲ့လူတွေမှာ နာကျင်ဝမ်းနည်းခြင်းမရှိတာ မဟုတ်ဘူး။
နာကျင်ဝမ်းနည်းခြင်းရဲ့ အထိန်းချုပ်ကို သူတို့မခံတာပါ။
လူ့ဘဝမှာ နာကျင်ဝမ်းနည်းခြင်းတွေနဲ့ ကြုံရစမြဲပါ။
တကယ်တော့ နာကျင်ဝမ်းနည်းခြင်းက ကြောက်စရာမကောင်းပါဘူး။
ကိုယ့်အတွင်းစိတ်က ကိုယ့်ကိုသစ္စာဖောက်ပြီး နာကျင်ဝမ်းနည်းခြင်းရဲ့ ကြံရာပါဖြစ်သွားမှာပဲ ကြောက်ဖို့ကောင်းတာပါ။

စိတ်ခံစားချက်ကို ပြင်ဆင်ပါ။ ပျော်စရာမကောင်းတဲ့ ဖြစ်ရပ်တွေကို မေ့ပစ်ပါ။ သီချင်းလေးနားထောင်ပါ။ ရှုခင်းတွေကို ခံစားပါ။ ပြောနိုင်တဲ့စကားကို ပြောပါ။ လုပ်စရာရှိတဲ့အလုပ်ကို လုပ်ပါ။ လျှောက်သင့်တဲ့လမ်းကို လျှောက်ပါ။ ပျော်ရွှင်ခြင်းတွေကို ဝမ်းနည်းခြင်းနဲ့ လဲယူမယ့်အစား ဝမ်းနည်းခြင်းတွေကို ပျော်ရွှင်ခြင်းနဲ့ လဲယူလိုက်ပါ။


(၃)
မနေ့ကရဲ့ စိတ်ရှုပ်ခြင်းကို ချေဖျက်နိုင်ပါစေ။ (deleted)
ဒီကနေ့ရဲ့ ပျော်ရွှင်ခြင်းကို အသိအမှတ်ပြုနိုင်ပါစေ။ (OK)
မနက်ဖြန်ရဲ့ စိတ်ချမ်းသာခြင်းကို တပ်ဆင်နိုင်ပါစေ။ (set up)
မေတ္တာစိတ်ကို အမြဲစုဆောင်းနိုင်ပါစေ။ (saved)
အမုန်းရန်ငြိုးတွေကို ပယ်ဖျက်နိုင်ပါစေ။ (cancel)
ကောင်းမွန်တဲ့စိတ်ခံစားချက်ကို ကပ်ထားနိုင်ပါစေ။ (paste)
လှပတဲ့ရှုခင်းတွေကို မိတ္တူကူးနိုင်ပါစေ။ (copy)
အပြုံးကို မျက်နှာပေါ် အမြဲပုံနှိပ်ထားနိုင်ပါစေ။ (print)


(၄)
ပျော်ရွှင်ခြင်း နီးသလား?

ကလေးဘဝတုန်းက ပျော်ရွှင်ခြင်းဆိုတာ အရာတစ်ခု(ကစားစရာ၊ အရုပ်)ပါ။ အဲဒီအရာကို ပိုင်ဆိုင်ရရင် ပျော်ရွှင်တယ်။

ကြီးပြင်းလာတော့ ပျော်ရွှင်ခြင်းဆိုတာ ရည်မှန်းချက်တစ်ခုပါ။ ရည်မှန်းချက်ဖြစ်မြောက် အောင်မြင်ရင် ပျော်ရွှင်တယ်။

ရင့်ကျက်လာတော့ ပျော်ရွှင်ခြင်းဆိုတာ စိတ်နေစိတ်ထားတစ်ခုဖြစ်ကြောင်း သိလိုက်ရတယ်။ စိတ်ထားတတ်ဖို့ သိနားလည်ရင် ပျော်ရွှင်တယ်။

(၅)
တစ်ယောက်ထဲနေတဲ့အခါ ....
နှစ်ယောက်အကြောင်း မစဉ်းစားနဲ့.. အမှတ်တရကို တစ်နေရာမှာ ချထားလိုက်ပါ။

တစ်ယောက်ထဲနေတဲ့အခါ...
ပျော်စရာအကြောင်းပဲ စဉ်းစားပါ... စိတ်ညစ်စရာတွေ ခေါင်းထဲထုတ်ထားလိုက်ပါ။

တစ်ယောက်ထဲနေတဲ့အခါ ......
ခံစားချက်ကို လွတ်လပ်ခွင့်ပေးလိုက်ပါ... ရင်ခွင်တံခါးကို ဆွဲဖွင့်ပါ... ခွန်အားအသစ်တွေ ထပ်ဝင်ရောက်ပါစေ။

(၆)
နေရောင်နဲ့တူတဲ့(လင်းလက်တဲ့)လူနဲ့ အတူနေရင် စိတ် မမှောင်မိုက်တော့ဘူး။
ပျော်ရွှင်တဲ့လူနဲ့ အတူနေရင် ပါးစပ်ဖျားမှာ အပြုံးအမြဲချိတ်ထားနိုင်တယ်။
ရှေ့ကိုရဲရဲတိုးရဲတဲ့လူနဲ့ အတူနေရင် လှုပ်ရှားမှုတွေ နောက်မကျတော့ဘူး။
သဘောထားကြီးသူနဲ့ အတူနေရင် ဘာလုပ်လုပ် မတွန့်တိုတော့ဘူး။
အမြော်အမြင်ရှိသူနဲ့ အတူနေရင် အလုပ်လုပ်တဲ့အခါ ဇဝေဇဝါမဖြစ်တော့ဘူး။
တည်ငြိမ်တဲ့လူနဲ့ အတူနေရင် အလုပ်လုပ်တဲ့အခါ အလောမကြီးတော့ဘူး။
အသိပညာလမ်းညွှန်ပြသူနဲ့ အတူနေရင် ဗဟုသုတ၊ စိတ်ဓာတ်တွေ တိုးတက်ကောင်းမွန်တယ်။
သူတစ်ပါးရဲ့အကောင်းဆုံးကို သင်ယူပြီး အကောင်းဆုံးကိုယ် လုပ်ပါ။

(၇)
လူတစ်ယောက်မှာ နှလုံးသားတစ်ခုပဲရှိတယ်။ အဲဒီနှလုံးသားမှာ အခန်းနှစ်ခန်း**ရှိတယ်။
တစ်ခန်းမှာ ပျော်ရွှင်ခြင်းနေတယ်။ နောက်တစ်ခန်းမှာ ဝမ်းနည်းခြင်းနေတယ်။
အရမ်းပျော်တဲ့အချိန်မှာ တအားမအော်ရယ်လိုက်ပါနဲ့...
သင့်ရယ်သံကြောင့် ဘေးခန်းက ဝမ်းနည်းခြင်းနိုးသွားလိမ့်မယ်။
အရမ်းဝမ်းနည်းရင်တော့ အသံထွက်အောင်ငိုပြီး ဘေးခန်းက ပျော်ရွှင်ခြင်းကိုနှိုးလိုက်ပါ။
**(left atrium and right atrium)

(၈)
အချစ်ကိုပိုင်ဆိုင်ထားချိန်မှာ အနာတရမဖြစ်ဖို့ သင်ဘယ်လို ငြင်းဆန်နိုင်မလဲ?
မြားနတ်မောင်ပစ်လိုက်တာက မြားပါ .. နှင်းဆီပန်းမဟုတ်ဘူးဆိုတာကိုတော့ မမေ့ပါနဲ့။

(၉)
ရန်ဖြစ်ငြင်းခုန်တဲ့အခါ အရင်ဆုံး "ဆောရီး"လို့ တောင်းပန်တဲ့လူဟာ
သူ့အမှားကို ဝန်ခံတာမျိုးမဟုတ်သလို၊ အရှုံးပေး နှလုံးအေးတာလဲ မဟုတ်ဘူး။
ဒီအချစ်ကို တစ်ဘက်လူထက် သူပိုတန်ဖိုးထားမြတ်နိုးလို့ဖြစ်တယ်။ ပိုတည်မြဲစေချင်လို့ဖြစ်တယ်။

(၁ဝ)
ကမ္ဘာပေါ်မှာ နားဝင်အချိုဆုံး အချစ်စကားက "နင့်ကို ငါချစ်တယ်" မဟုတ်ဘူး၊ "ငါတို့ အတူနေရအောင်" လည်း မဟုတ်ဘူး....

ငါအားငယ်ချိန်၊ ခိုကိုးရာမဲ့ချိန်၊ ဝမ်းနည်းကြေကွဲချိန် နင်ပြောတဲ့ "နင့်ဘေးမှာ ငါရှိတယ်" ဆိုတာပဲဖြစ်တယ်။

(၁၁)
အတူနေတာကြာလာတော့ ငြင်းခုန်ရန်ဖြစ်တာမျိုးလည်း ရှိတတ်ကြမှာပေါ့။
တချို့ချစ်သူတွေက အမြဲငြင်းခုန်ရန်ဖြစ်တယ်။ ဒါပေမဲ့ အချိန်တွေတစ်နှစ်ပြီးတစ်နှစ် မခွဲမခွာ သူတို့အတူကျော်ဖြတ်ကြတယ်။

တချို့ချစ်သူတွေက ဘယ်တော့မှ ရန်မဖြစ်ဘူး။ သူတို့ရဲ့နွေးထွေးချိုမြိန်တဲ့အချစ်က တခြားလူတွေအဖို့ အားကျစရာပေါ့။ ဒါပေမဲ့ ရုတ်တရက် လမ်းခွဲပြတ်စဲလိုက်တာမျိုးတွေ ရှိတယ်။

ငြင်းခုန်ရန်ဖြစ်တယ်ဆိုတာ ရူးသွပ်တဲ့ဆက်ဆံပြောဆိုရေးတစ်မျိုးပါ။ သင့်အနားကမခွာဘဲ ငြင်းခုန်ရန်ဖြစ်ဖို့ ကျန်ရစ်ခဲ့သူဟာ သင့်ကိုတကယ်ချစ်တဲ့သူဖြစ်တယ်။ သည်းခံတာတွေ၊ ချုပ်တည်းတာတွေများလာရင် အချိန်မရွေး ပေါက်ကွဲတတ်တဲ့ ဗုံးနဲ့တူလာတယ်။ တစ်နေ့နေ့ တစ်ချိန်ချိန်မှာ ထပေါက်ကွဲရင် ခံစားမှုတွေလည်းရှုံး၊ အချစ်တွေလည်း ကွဲကြေသွားပေါ့....


နိုင်းနိုင်းစနေ ဘာသာပြန်သည်။
*