သူငယ်ချင်း----
နိဗ္ဖာန်ဆိုတာ
ဘယ်လိုဟာလဲ------တဲ့ ( ငါလည်းမသိဘူး---)
ရေခဲမုန့်တစ်ခါမှ မစားဘူးတဲ့ --တောသားကြီးတွေကို
ရေခဲမုန့်ရဲ့ အရသာဟာ ဒီလို--ဒီလိုပါလို့
အာပေါက်အောင်ရှင်းပြ
လုံးဝသိကြမှာ မဟုတ်ဘူး ----
အဲ--
ရေခဲမုန့်အရသာ
သိပ်သိချင်ပါတယ်ဆိုရင်
သိချင်တဲ့သူကိုယ်တိုင်စား
ရှင်းပြဘို့ စကား မလိုဘူး။ ။
ဒီလိုပါဘဲ
နိဗ္ဖာန်ဆိုတာ--
စကားလုံးတွေနဲ့စာတမ်းဖွဲ့
အကျယ်ချဲ့ပြီး ငြင်းခုံကြ
ဒုက္ခ ပဲရမယ်--
ကဲ---သူငယ်ချင်း
အလှမ်းကျယ် အလယ်မလပ်ရအောင်
ကိုယ်နီးစပ်တဲ့ ပါတ်ဝန်းကျင်မှာ
လောဘဆိုတဲ့ လှောင်ချိုင့် တံခါးကိုကြည့်
ဒေါသဆိုတဲ့ လောင်မြိုက် တရားကိုရှောင်
မောဟဆိုတဲ့ မှောင်မိုက် သမားမဖြစ်အောင်
ကြိုးစားရင်း--------
မေတ္တာ ဆိုတဲ့ အေးချမ်းခြင်းတရားနဲ့
ဂရုဏာ ဆိုတဲ့ စိမ်းလမ်းခြင်းတရား တွေကို
မုဒိတာ ဆိုတဲ့ ကိန်းခမ်း ခြင်းမခြားဘဲ
ဥပေက္ခာ ဆိုတဲ့ ငြိမ်းချမ်းခြင်းတရားတွေနဲ့ ----(ဘဝအဆက်ဆက်)
အစဉ် ပွားကာကြိုးစားကြရင်
နိဗ္ဖာန်ဆိုတာ
တချိန်ချိန်တော့
( မင်းရော--ငါရော) မြင်နိုင်မှာပဲ လို့ ငါထင်တယ်။ ။
အားလုံးရွှင်လန်းချမ်းမြေ့ ကြပါစေ----
No comments:
Post a Comment