မသိရင်မေး မစင်ရင်ဆေး

တစ်ခါက မြစ်တစ်ခုမှာ အဘိုးကြီးသုံးယောက်နဲ့ လူငယ်လေးတစ်ယောက်ဟာ
ငါးမျှားနေကြတယ်။ဒီလို ငါးမျှားနေရင်း  အတန်ကြာတော့ အဘိုးကြီးတစ်ယောက်
အပေါ့သွားဦးမယ်ဆိုပြီး မြစ်ရဲ့တစ်ဖက်ကမ်းကို ရေပေါ်ကနေ “တုံ” ခနဲ “တုံ”
ခနဲ ခုန်ပြီးဖြတ်သွားတယ်။ကိစ္စပြီးတဲ့အခါမှာကျတော့

အသွားတုန်းကလိုပဲပြန်လာတယ်။အဲဒီမှာ လူငယ်ကလေးက အံ့အားသင့်သွားတယ်။
နောက်မကြာမှီအချိန်မှာပဲ ဒုတိယအဘိုးကြီးက အပေါ့သွားဦးမယ်ဆိုပြီး
ရေပေါ်ကနေ  ဟိုဖက်ကမ်းသွားပြန်ရော၊ဒီအခါမှာ လူငယ်လေးက
ပိုပြီးအံ့အားသင့်နေတာပေါ့၊ ဒီလိုနဲ့ တတိယ အဘိုးကြီးလဲ ခုနတုန်းက
အဘိုးကြီးတွေလို ရေပေါ်ကနေ ဟိုဖက်ကမ်းကို သွားတာပေါ့၊ ဒီအချိန်မှာ
လူငယ်လေးက စဉ်းစားတယ်။“ဒီအဘိုးကြီးသုံးယောက်လုံး ရေပေါ်ကနေလျှောက်ပြီး
ဟိုဖက်ကမ်းကို သွားနိုင်ကြတယ်။ဒီတော့ အဘိုးကြီးသုံးယောက်စလုံးတော့
စွမ်းတာမဖြစ်နိုင်ဘူး၊ေ၇ကပဲစွမ်းလို့ သူတို့သွားနိုင်တာဖြစ်မယ်၊ ငါလည်း
သူတို့လိုသွားကြည့်ဦးမယ်”လို့တွေးပြီး ရေထဲကိုခုန်ချလိုက်တာ “ဝုန်း”
ဆိုပြီး လူငယ်လေးရေနစ်ပါလေရော။ဒီတော့
ုငါးဖမ်းနေတဲ့ အဘိုးကြီးတွေက အတင်းဝိုင်းဆယ်လိုက်ရတယ်။ပြီးမှ
အဘိုးကြီးတစ်ယောက်က “မင်းကွာ ဘာများစိတ်ညစ်စ၇ာရှိလို့
ရေထဲခုန်ချတာလဲလို့” မေးတဲ့အခါမှာ လူငယ်လေးက
ကျိုးကြောင်းပြန်ပြောပြတယ်။ဒီတော့မှ အဘိုးကြီးတွေက “ဟ မင်းက ငါတို့ကို
ဘာလို့မမေးတာလဲ၊ငါတို့လျှောက်သွားတယ်ဆိုတာ ဒီနေရာခအရင်တုန်းက
မြစ်ကိုကူးတဲ့တံတားတစ်ခုရှိတယ်။ အခု ဒီတံတားက
ဟောင်းနွမ်းပြီးပျက်စီးသွားတော့ တံတားတိုင်တွေက  ရေအောက်မှာ
ကျန်နေသေးတယ်။ငါတို့ငယ်ငယ်လေးကတည်းက ဒီတံတားကိုသွားနေကျဆိုတော့
ပျက်စီးသွားပေမယ့် ဘယ်နေရာမှာ ဘယ်တိုင်ရှိတယ်ဆိုတာသိလို့ အဲဒီတိုင်တွေကို
နင်းပြီးသွားတာ၊ရေပေါ်ကနေလမ်းလျှောက်ပြီး သွားတာမဟုတ်ဘူး” ဆိုပြီး
ပြန်ပြောလိုက်တယ်။

ရည်ညွှန်း-
-ကိုယ်မသိတာကို ကိုယ့်အထင်အမြင်နဲ့ မဆုံးဖြတ်ဘဲ တကယ်ကျွမ်းကျင်တဲ့သူနဲ့
တိုင်ပင်ဖို့လိုအပ်ပါတယ်။