ကျွန်တော် လေးစားသော ကျွန်တော့ဘဝ၏ ရှေ့ဆောင် လမ်းပြ ပုဂ္ဂိုလ် ဗိုလ်ချုပ်အောင်ဆန်း

ကျွန်တော် လေးစားသော ကျွန်တော့ဘဝ၏ ရှေ့ဆောင် လမ်းပြ ပုဂ္ဂိုလ်  ဗိုလ်ချုပ်အောင်ဆန်း
ကျွန်တော် လေးစား၊ အားကျ ၊ ဂုဏ်ယူ ၊တန်ဖိုးထားသော ဗိုလ်ချုပ်အောင်ဆန်း

Tuesday, June 12, 2012

ခွပ်ဒေါင်း(ကဗျာ)



( နိုင်ငံရေးလုပ်စားရန်  အာဏာရရန်ကြိုးစားနေသူများကိုသာ -)
   
     အမှန်တရားကို ဖုံးကွယ်
     နားမလည်တဲ့သူတွေကို မျက်လှည့်ပြ
     ကိုယ်လိုချင်တဲ့ `` ကကွက် ``ကိုကြိုးဆွဲရဘို့
     ကိုယ်တိုင်သိတဲ့
     ကိုယ့်သိက္ခာတရားကိုတောင်မျက်ကွယ်ပြု
     ကျောက်ဆစ်ရုပ်တုတောင်  ခေါင်းညိမ့်ချက်
     မင်း အစွမ်းအစတွေထက်ပေမယ့်
     အမှန်တရားကိုဘဲ ချစ်တဲ့ငါ --
     (မင်းကို --) သိတ်မုန်းတာဘဲ --

      မအောင်မြင်ခင်ကတော့  မျိုးချစ်တော်လှန်ရေးသမားပေါ့
      အောင်မြင်ပြီး ပန်းတိုင်ရောက်မှ
      အာဏာ  ဆိုတဲ့ ``ရသ``နောက်လိုက်မိပြီး
     မျိုးချစ် ကနေ ``အ``တစ်လုံးတိုးကာ
     `` အမျိုးချစ် `` ဖြစ်သွားတတ်တာလဲ
      သဘာဝ ပါဘဲဆိုပြီး
      ချော်လဲပြီး ရောထိုင်မှာ   ငါမြင်မိပါရဲ့ ------

      သူငယ်ချင်းရေ --
      ``၈၈``ဆိုတာ   အစမကောင်းခဲ့ပေမယ့်
       သမိုင်းပြောင်းစေတဲ့ တော်လှန်ရေးတစ်ခုဆိုတာ
       အားလုံးသိပါတယ် --

       ``၈၈`` မှာ --
       ခေါင်းဖြတ်  -  လုယက်  -- အချင်းချင်းသတ်ကြတာတွေ
 
        ``၈၈`` မှာ --
       ဘဝလုံခြုံရေးအတွက်  --စိတ်မအေးခဲ့ကြရတာတွေ

         ``၈၈`` မှာ --
        လူမိုက်တွေထံပါး  --ဘုရားထူးခဲ့ကြရတာတွေ
 
         အဲဒီပယောဂတွေကြောင့်
        ငါ့ရဲ့စိတ်တွေဖောက်ပြီး --
        ``၈၈``ကိုငါသိပ်ကြောက်တယ် --

         ခွပ်ဒေါင်း ``ဆိုတာ --
         ရှေးခောတ် ``ဗမာ``တပ်တွေက
         `` တိုက်ဟေ့ --- သတ်ဟ`` ဆိုတဲ့
         စိတ်ကြွစေတဲ့ သင်္ကေတတစ်ခုလို့
         ငါနားလည် ထားတယ် --

          ``၈၈``တုန်းက 
         အရသာရှိရှိ အော်ဟစ်ခဲ့တဲ့စကား
         မင်းမှတ်မိသေးတယ်မဟုတ်လား --
         ``ရရင် ရ  ---- မရရင်ချ
           ရရ   မရရ  ချ --------``
          အကြမ်းဖက်ဝါဒရဲ့ကြွေးကြော်သံ
          ငါ့နားစီထဲမှာ --
          ခုထိလျှံတုံး ------

           အနာဂတ် ငါတို့မြန်မာနိုင်ငံမှာ-
           နံပါတ်(၁)  ငြိမ်းချမ်းစေချင်တယ်
           နံပါတ်(၂)  စီးပွားဖွံ့ဖြိုး လူနေမှု အဆင့်တန်းတွေတိုးတတ်စေချင်တယ်
           နံပါတ်(၃)  ကြီးနိုင်ငယ်ညှင်း ယုတ်မာခြင်း ကင်းစေချင်တယ်
           နံပါတ်(၄)  ရိုးသားကြိုးစားသူတွေအတွက် အခွင့်လမ်းတွေပွင့်စေချင်တယ်
            ဖြစ်ချင်တာတွေသာ ရေးရရင်
           မင်းတို့ ငါ့ကို အရှုးထင်မှာဘဲ

           ``အမေစု``ရဲ့ အင်တာဗျူးတွေဖတ်ပြီး
           ``အမေစု``ရဲ့ သဘောထား   လေးစားပြီးသားပါ --
            ``အမေစု``ရဲ့ထင်ပေါ်ကျော်ကြားမှုနဲ့
            ငါတို့ နိုင်ငံရဲ့
            ငြိမ်းချမ်းမှု  ဖွံ့ဖြိုးမှုတွေကိုလည်း
            ဆွဲတင်နိုင်လိမ္မယ်ဆိုတာလဲ  --  ယုံကြည်ပါတယ် --

            ဒါပေမယ့် --
            အမေစု`` ရဲ့  ပါတီသင်္ကေတ
            ``ခွပ်ဒေါင်း `` ဆိုတာကြီးကတော့ -----??????

                              
       written by ko soe naing

No comments:

Post a Comment