သင်ခန်းစာ(ကဗျာ)

  တကယ်တော့
   ဘဝမှာ--
   စားရုံ  - ဝတ်ရုံ - နေရရုံ ဆိုရင်
   ခက်ခဲ ကြမ်းတမ်းတဲ့
   ဆူးခင်းလမ်း မဟုတ်ပါဘူး ။   ။

   ဒါပေမယ့်--
   ကြွားဝါ  ယှဉ်ပြိုင် 
   အနိုင် ဗိုလ်လု
   ဂုဏ်တုရင်တော့
   ပန်းခင်းမွေ့ယာ
   ဘယ်ဟုတ်မှာလဲ--

   ရောက်တဲ့ အရပ်မှာပျော်အောင်နေ
   တွေ့ တဲ့သူနဲ့ တည့်အောင်ပေါင်း
   ရှိတာလေးနဲ့ လှအောင်ဝတ်
   ရတာလေးနဲ့ ဝအောင်စား
   မမြဲတာက  အနိစ္စ
   အလိုလေး-- အမယ်လေး -အော်နေရတာက ဒုက္ခ
   ပြိုင်သူလာရင် အရူံးပေး
   နှလုံးအေးတဲ့ဆေး ---  တဲ့

   ငါငယ်ငယ်က
   အဖေဆုံးမခဲ့တဲ့စကား
   ခုများမှနားလည်
   လောဘကိုပယ်သတ်
   ခုတော့--
   နည်းနည်းနေတတ်လာပြီ ။     ။