သင်းကွဲငှက်(ကဗျာ)

သင်းကွဲငှက်---

``အမိမဲ့သား ရေနည်းငါး`` တဲ့
ရှင်သန်ဖို့အတွက်  မသေချာ
ရင်ထဲမှာ ခံစား
ကဗျာတေးသွားလေး တစ်ပုဒ်တော့ ဖွဲ့ခွင့်ပေးပါဗျာ။

``မိဘ``တို့ရေ--
အနန္တဂိုဏ်း ဝင်မို့
မြင့်မိုရ်တောင်ဦး  မကကျူးသား
ကျေးဇူးအရှင်
ဦးထိပ်တင်ချင်ခဲ့  ပေမယ့်
ဘယ်မှာလဲ--အမေ
ဘယ်ရောက်နေလဲ --အဖ
မသိရတဲ့ဘဝပါ ဗျာ---
(ဥပေက္ခာလက်နက် သိပ်ရက်စက်ခဲ့ကြပေါ့)

မိသားစုရှိတဲ့ဘဝဟာ
ဘုရားသခင်ပေးတဲ့ဆုလဒ် ဆိုတာ
ကျွန်တော်တို့လို  ဘဝတူသမားတွေပဲ
ခံစားမိကြမယ်ထင်တယ်။

ဆင်းရဲစမ်းပါဗျာ--
အဖေ နဲ့ အမေသာရှိရင်
နင်လားဟဲ့လောကဓံ
ခါးလှန်ပြီး ရိုက်ချိုး
ကျွန်တော် ရှေ့က တိုးပါ့မယ်။  ။

အနှစ်သာရ မရှိတဲ့ မာန်မာနတွေကြောင့်
``အုငဲ``  ``အုငဲ`` လို့အော်ငိုခဲ့တဲ့ ကျွန်တော်ဟာ
သေသေချာချာ ဘာသာပြန်ကြရင်--
``မလုပ်ကြပါနဲ့   ဗျာ--``
``မရက်စက်ကြပါနဲ့   ဗျာ--``
``ကျွန်တော့တစ်ယောက်တည်း ထားမသွားကြပါနဲ့   ဗျာ--``  လို့
အော်ဟစ်တောင်းပန်နေတာပါ။   ။

ကျွန်တော်ရှင်သန်ခဲ့တဲ့ ပါတ်ဝန်းကျင်မှာ
ကျွန်တော့လို  မိဘဆိုတာ
ဖြူသလား  မဲသလား  မခွဲခြားနိုင်သူတွေရှိသလို
မိသားစုတစ်ခုကို
တဏှာနဲ့တည်ဆောက်
မခိုင်မြဲတဲ့  မေတ္တာ
ယိုင်လဲခဲ့ အဖြစ်တွေမှာလည်း----
ကျွဲနှစ်ကောင် ခတ်တဲ့ကြား
မြေဇာပင်က ခံ  ကျွန်တော်တို့ဘဝအမှန်ပဲ။    ။

ထားလိုက်ပါလေ----------
ဗုဒ္ဓဘာသာ ပီပီ
ကျန်ခဲ့တဲ့ အတိတ်ဘဝဆီကိုပဲပုံချ
တရားနဲ့ဖြေသိမ့်ခဲ့ရပေါ့။
(အဲသလို မဖြေသိမ့်ရင်လည်း)
ရင်ကွဲလို့  နွမ်းကျေ
ကျွန်တော်တို့ ဘဝတွေဟာ
အရိုင်းပန်းကြွေသလို
အမြဲနေညိုနေလိမ့်မယ်။    ။

ခုတော့-------
``စေတနာရှင်``တွေရဲ့  မေတ္တာကြားမှာ
လူဖြစ်အောင် ရှင်သန်နေရ
ကျွန်တော်တို့ရဲ့  ခါးသီးတဲ့ဘဝ။     ။

ကိုစိုးနိုင်