ပေါက်တတ်ကရပုံပြင်(၂၆)

ပေါက်တတ်ကရ ပုံပြင်

စာပေဟောပြောပွဲတစ်ခုမှာ နားထောင်ဖူးတာလေးပါ။  စာရေးဆရာနာမည်တော့မမှတ်မိတော့ဘူး။  သူပြောတဲ့ပုံစံနဲ့  မှတ်မိသလိုပြန်ပြောပြမယ်။  ရယ်စရာပျော်စရာအနေနဲ့ပါ။

   ``ကျွန်တော်အိမ်ထောင်ကျကာစ အချိန်တုန်းက ကျွန်တော်တို့ လင်မယားနှစ်ယောက်လုံး တစ်ယောက်ကို တစ်ယောက်သိပ်ချစ်ကြပါတယ်။ ကျွန်တော်တို့ နှစ်ယောက်ဟာ ရုပ်ရှင်ကြည့်ဝါသနာပါတာလည်း တူတယ်။

ရုပ်ရှင်ကြည့်ဖို့ဆိုရင် ဘယ်တော့မှနှစ်ခါတိုင်ပင်စရာမလိုဘူး။

       တစ်နေ့တော့ ကျွန်တော်တို့မြို့လေးမှာ ဇာတ်ကားသစ်တင်တယ်။ မင်းသား ကိုကျော်ဟိန်းနဲ့ မင်းသမီး မေဝင်းမောင် တို့သရုပ်ဆောင်ပါဝင်တဲ့ ကားပါ။ ထုံးစံအတိုင်း ကျွန်တော်တို့ လင်မယားနှစ်ယောက် သွားကြည့်ကြတယ်။ ဒါနဲ့ကြားဖြတ်ပြောရဦးမယ် ။  ကျွန်တော်က မင်းသမီးထဲမှာ မေဝင်းမောင်ကို တော်တော်စွဲစွဲလမ်းလမ်းကို ကြိုက်တာဗျ။  သူ့ရဲ့ ရွှန်းလဲ့ဝိုင်းစက်နေတဲ့မျက်ဝန်း။  သူ့ရဲ့ ပြည့်ဖောင်းနေတဲ့ ပါး။  သူ့ရဲ့ အကြည့်။  သူ့ရဲ့အသံ။ ကျွန်တော်အရူးအမူးကိုစွဲလမ်းကြိုက်တာ။ ဒါကြောင့်မေဝင်းမောင် ပါဝင်သရုပ် ဆောင်တဲ့ဇာတ်ကားမှန်ရင် ဘယ်တော့မှမလွတ်စေရဘူး။ အဲဒီအချိန်တုန်းက ကိုကျော်ဟိန်းလဲ နာမည်တော်တော်ကြီးတယ်။

         အဲဒီနေ့က ရုပ်ရှင်ကြည့်ရတာ တော်တော်ကောင်းတယ်ဗျာ။  ရုပ်ရှင်ထဲမှာ မေဝင်းမောင်ရယ်လေ ချောလိုက်တာဗျာ။ သူပြုံးလိုက်တိုင်း ပါးချိုင့်လေးပေါ်လာတာ ကြည့်လို့ကိုမဝဘူး။ ရုပ်ရှင်ပြီးလို့ ကျွန်တော်တို့ လင်မယားအိမ်ပြန်လာတော့လည်း   ကျွန်တော့ဘေးမှာ မေဝင်းမောင်နဲ့ အတူပြန်လာရသလိုပဲ။    စိတ်ကစွဲလမ်းနေတာကိုး။    အိမ်ရောက်တော့ မိန်းမရဲ့ နှဖူးလေးကို နမ်းလိုက်တော့လည်း   မေဝင်းမောင်ကိုစွဲလမ်း နေတော့ မိန်းမလို့မမြင်တော့ပဲ မေဝင်းမောင်ပဲ။ ဒီလိုနဲ့ဗျာ တိုတိုပဲပြောပါရစေ အဲဒီညက မိန်းမနဲ့ လင်မယား သဘာဝ    နှစ်ကိုယ် ချစ်ရည်လူးကြပြန်တော့လည်း ကျွန်တော့စိတ်ထဲမှာ မေဝင်းမောင်ကို မေ့မရတော့ မိန်းမလို့မမြင်ဘဲ မေဝင်းမောင်ပဲ။

          မနက်လင်းတော့ ကျွန်တော်ပြန်စဉ်းစားတယ်။  ငါမှားပြီ။  ငါကာယကံနဲ့ မိန်းမအပေါ်မှာ မဖောက်ပြန် ပေမယ့် မနောကံနဲ့တော့ ဖောက်ပြန်ခဲ့ပြီ။  ငါသူ့ကိုတောင်းပန်သင့်တယ်။ ဟုတ်တယ် ငါ့မိန်းမဟာ မိန်းမကောင်းမိန်းမမြတ်ပဲ။ ခုတောင်မနက်မိုးလင်းတာနဲ့ ယောကျာင်္းအရင်ထပြီး  မီးဖိုထဲမှာ ယောကျာင်္း မနက်စာ စားဖို့ ချက်ပြုတ်နေတယ်။ ငါကတော့ သူမသိပေမယ့် ညက ငါစိတ်တွေဖောက်ပြားခဲ့တယ်။ ငါသူ့ကိုတောင်းပန်ရမယ်။ ဒါမှ ငါလည်း အပြစ်ကင်းသလိုဖြစ်မယ်။ ငါတောင်းပန်ရင် သူငါ့ကိုခွင့်လွတ်ပါ့မလား။ သူသိတာမှမဟုတ်တာ   ဒီအတိုင်းပဲ   ထားလိုက်ရရင်ကောင်းမလား။ မဖြစ်သေးပါဘူးလေ  မကောင်းမှုဆိုတာ ကိုယ့်ကိုယ်ကို ပိုပြီးသံသယကင်းမှကောင်းမှာပေါ့။ အပြစ်ဆိုတာဝန်ခံခွင့်လွတ်လိုက်ရင် ငါလဲ နောင်စိတ်သန့်မယ်။

           ဒီလိုနဲ့ ကျွန်တော်လည်း ချီတုံချတုံစဉ်းစားပြီး နောက်ဆုံးတောင်းပန်မယ်လို့ ဆုံးဖြတ်လိုက်တယ်။

ဒါနဲ့ မိန်းမနဲ့ မနက်စာစားရင်း မိန်းမကို--

``မိန်းမရေ  အကိုလေ  မင်းကို တောင်းပန်စရာတစ်ခုရှိတယ် ကွာ--``

``ဘာများလဲ  အကိုရဲ့ ထူးထူးဆန်းဆန်းပါလား``

``ဒီလိုမိန်းမရဲ့ အကို ရုပ်ရှင် မင်းသမီးမေဝင်းမောင်ကို အရမ်းကြိုက်တာ သိတယ်နော်``

``အင်းလေ  သိသားပဲ အဲဒါဘာဖြစ်လဲ အကိုရဲ့ အပြင်မှာ ပတ်သတ်လို့မှမရတာ ညီမအဲဒီလောက် ကြံဖန်သဝန် မတိုတတ်ပါဘူး``

``ဟုတ်ပါတယ် ဒါပေမယ့် မနေ့ညကလေ  အကိုတို့ ရုပ်ရှင်ကြည့်ပြီးအပြန် မှာ အကိုလေ------------------------------------``

          ကျွန်တော်က ကျွန်တော် စိတ်နဲ့ဖောက်ပြားမိတာကို မိန်းမကိုပြောပြီး တောင်းပန်လိုက်တယ်။ သူက လုံးဝခွင့်လွတ်ပါတယ်ဗျာ--------   ဒါပေမယ့် သူပြန်ပြောတဲ့စကားကြောင့် ကျွန်တော့်မှာသာ    တော်တော်ကသိကအောက်နိုင်သွားရတယ်။  သူပြောပုံလည်းကြည့်ဦးလေ---

                  ``အဟင်းဟင်း-----အဲဒါဆိုရင်တော့ ကျေပြီအကိုရေ ညီမလဲ တောင်းပန်ရင်ကောင်းမလားစဉ်းစားနေတာ ညကလေ ညီမလည်း    ကိုကျော်မှ ကိုကျော်ပါပဲ  ``တဲ့။

                     ။။     ကဲ ခွင့်လွတ်ရမလား စိတ်ဆိုးရမလား ငါ့နှယ်နော် မပြောပဲနေတာမှကောင်းဦးမယ်   ။။